டென்னிஸ்

உலக டென்னிஸ் தரவரிசையில் வோஸ்னியாக்கி ‘நம்பர் ஒன்’ இடத்தை பிடித்தார் + "||" + Tennis wozniacki Number One Took the place

உலக டென்னிஸ் தரவரிசையில் வோஸ்னியாக்கி ‘நம்பர் ஒன்’ இடத்தை பிடித்தார்

உலக டென்னிஸ் தரவரிசையில் வோஸ்னியாக்கி ‘நம்பர் ஒன்’ இடத்தை பிடித்தார்
உலக டென்னிஸ் தரவரிசையில் பெண்கள் ஒற்றையர் பிரிவில் டென்மார்க் வீராங்கனை கரோலின் வோஸ்னியாக்கி நம்பர் ஒன் இடத்தை பிடித்தார்.
மெல்போர்ன்,

ஆஸ்திரேலிய ஓபன் டென்னிஸ் போட்டியின் முடிவில் உலக டென்னிஸ் வீரர்-வீராங்கனைகளின் தரவரிசை பட்டியலை சர்வதேச டென்னிஸ் சம்மேளனம் நேற்று வெளியிட்டுள்ளது.

பெண்கள் ஒற்றையர் பிரிவில் சாம்பியன் பட்டத்தை வென்றதன் மூலம் முதல்முறையாக கிராண்ட்ஸ்லாம் பட்டத்தை உச்சி முகர்ந்த டென்மார்க் வீராங்கனை கரோலின் வோஸ்னியாக்கி (7,965 புள்ளிகள்) தரவரிசையில் 2-வது இடத்தில் இருந்து நம்பர் ஒன் இடத்திற்கு முன்னேறினார். இறுதிப்போட்டியில் வோஸ்னியாக்கியிடம் தோல்வி கண்ட ருமேனியா வீராங்கனை சிமோனா ஹாலெப் (7,715 புள்ளிகள்) முதலிடத்தில் இருந்து 2-வது இடத்துக்கு சறுக்கினார்.


கால்இறுதியில் தோல்வி கண்ட உக்ரைன் வீராங்கனை எலினா ஸ்விடோலினா (6,085 புள்ளிகள்) 4-வது இடத்தில் இருந்து 3-வது இடத்துக்கு முன்னேறினார். 2-வது சுற்றில் தோல்வியை சந்தித்த ஸ்பெயின் வீராங்கனை கார்பின் முகுருஜா (5,690 புள்ளிகள்) 3-வது இடத்தில் இருந்து 4-வது இடத்துக்கு சரிந்தார். கால்இறுதியில் தோல்வி கண்ட செக்குடியரசு வீராங்கனை கரோலினா பிளிஸ்கோவா (5,445 புள்ளிகள்) 6-வது இடத்தில் இருந்து 5-வது இடத்துக்கு ஏற்றம் கண்டார். 3-வது சுற்றில் தோல்வியை சந்தித்த லாத்வியா வீராங்கனை ஆஸ்டாபென்கோ 7-வது இடத்தில் இருந்து 6-வது இடத்துக்கு முன்னேறினார். 4-வது சுற்றில் தோல்வி கண்ட பிரான்ஸ் வீராங்கனை கரோலின் கார்சியா ஒரு இடம் முன்னேறி 7-வது இடம் பெற்றார்.

முதல் சுற்றில் அதிர்ச்சி தோல்வி கண்ட முன்னாள் நம்பர் ஒன் வீராங்கனையான அமெரிக்காவின் செரீனா வில்லியம்ஸ் 3 இடம் சரிந்து 8-வது இடத்துக்கு தள்ளப்பட்டார். அரைஇறுதி வரை முன்னேறிய ஜெர்மனி வீராங்கனை ஏஞ்சலிக் கெர்பர் 16-வது இடத்தில் இருந்து 9-வது இடத்துக்கு தாவினார். முதல் சுற்றில் தோல்வி கண்ட பிரான்ஸ் வீராங்கனை கிறிஸ்டினா லாட்னோவிச் ஒரு இடம் முன்னேறி 10-வது இடம் பிடித்துள்ளார்.

ஆண்கள் இரட்டையர் தரவரிசையில் இந்திய சீனியர் வீரர் லியாண்டர் பெயஸ் 14 இடங்கள் முன்னேறி 47-வது இடம் பிடித்துள்ளார். அமெரிக்காவில் நடந்த சேலஞ்சர்ஸ் போட்டியில் பட்டம் வென்றதன் மூலம் அவர் இந்த ஏற்றம் கண்டுள்ளார். இந்திய வீரர் ரோகன் போபண்ணா ஒரு இடம் சரிந்து 20-வது இடமும், மற்றொரு இந்திய வீரர் திவிஜ் சரண் 3 இடம் முன்னேறி 45-வது இடமும் பெற்றுள்ளனர்.

ஆண்கள் ஒற்றையர் பிரிவில் இந்திய வீரர் யுகி பாம்ப்ரி 8 இடங்கள் முன்னேறி 118-வது இடம் பிடித்துள்ளார். ஆஸ்திரேலிய ஓபனில் பிராதான சுற்றுக்கு முன்னேறி அத்துடன் நடையை கட்டியதன் மூலம் அவர் தரவரிசையில் முன்னேறி இருக்கிறார். ராம்குமார் ஒரு இடம் முன்னேறி 140-வது இடமும், சுமித் நாகல் ஒரு இடம் பின்தங்கி 218-வது இடமும், பிராஜ்னேஷ் குணேஸ்வரன் 3 இடம் ஏற்றம் கண்டு 244-வது இடமும், ஸ்ரீராம் பாலாஜி 2 இடம் முன்னேறி 391-வது இடமும் பெற்றுள்ளனர்.