டென்னிஸ்

ஷாங்காய் மாஸ்டர்ஸ் டென்னிஸ்: ஜோகோவிச் ‘சாம்பியன்’ + "||" + Shanghai Masters Tennis: Jokovic 'champion'

ஷாங்காய் மாஸ்டர்ஸ் டென்னிஸ்: ஜோகோவிச் ‘சாம்பியன்’

ஷாங்காய் மாஸ்டர்ஸ் டென்னிஸ்: ஜோகோவிச் ‘சாம்பியன்’
ஷாங்காய் மாஸ்டர்ஸ் சர்வதேச டென்னிஸ் போட்டி சீனாவில் நடந்து வந்தது. நேற்று நடந்த இறுதி ஆட்டத்தில் நோவக் ஜோகோவிச் (செர்பியா), குரோஷியாவின் போர்னா கோரிச்சுடன் மோதினார்.

ஷாங்காய், 

ஷாங்காய் மாஸ்டர்ஸ் சர்வதேச டென்னிஸ் போட்டி சீனாவில் நடந்து வந்தது. நேற்று நடந்த இறுதி ஆட்டத்தில் நோவக் ஜோகோவிச் (செர்பியா), குரோஷியாவின் போர்னா கோரிச்சுடன் மோதினார். இதில் தொடக்கம் முதலே ஆதிக்கம் செலுத்திய ஜோகோவிச் 6–3, 6–4 என்ற நேர் செட் கணக்கில் கோரிச்சை தோற்கடித்து இந்த பட்டத்தை 4–வது முறையாக கைப்பற்றினார். ஜோகோவிச் தொடர்ச்சியாக பெற்ற 18–வது வெற்றி இதுவாகும். அவருக்கு ரூ.10 கோடி பரிசுத்தொகையுடன் ஆயிரம் தரவரிசை புள்ளிகளும் கிடைத்தது. 2–வது இடத்தை பிடித்த போர்னா கோரிச் சுமார் ரூ.5 கோடியை பரிசாக பெற்றார். ஆயிரம் தரவரிசை புள்ளிகளை வழங்கும் இத்தகைய மாஸ்டர்ஸ் போட்டியில் ஜோகோவிச் மகுடம் சூடுவது இது 32–வது முறையாகும். ஒட்டுமொத்தத்தில் அவரது 72–வது பட்டம் இதுவாகும். தரவரிசையில் 3–வது இடத்தில் இருந்து 2–வது இடத்துக்கு முன்னேறியுள்ள ஜோகோவிச், ஆண்டின் இறுதியில் ‘நம்பர் ஒன்’ இடத்தை பிடிப்பதற்கும் வாய்ப்பு உருவாகியுள்ளது. முதலிடத்தில் உள்ள ஸ்பெயினின் ரபெல் நடாலை விட அவர் 35 புள்ளி மட்டுமே பின்தங்கியுள்ளார்.


தொடர்புடைய செய்திகள்

1. கத்தார், பிரிஸ்பேன் சர்வதேச டென்னிஸ்: பாவ்டிஸ்டா, நிஷிகோரி சாம்பியன்
கத்தார் ஓபன் சர்வதேச டென்னிஸ் போட்டி டோகாவில் நடந்தது.
2. மராட்டிய ஓபன் டென்னிஸ்: இந்தியாவின் போபண்ணா ஜோடி ‘சாம்பியன்’ ஒற்றையர் பிரிவில் ஆண்டர்சனுக்கு பட்டம்
மராட்டிய ஓபன் டென்னிஸ் போட்டியில் இந்தியாவின் போபண்ணா–திவிஜ் சரண் ஜோடி சாம்பியன் பட்டத்தை கைப்பற்றியது.
3. மராட்டிய ஓபன் டென்னிஸ்: இறுதிப்போட்டியில் போபண்ணா ஜோடி
மராட்டிய ஓபன் டென்னிஸ் போட்டி புனேயில் நடந்து வருகிறது.
4. மராட்டிய ஓபன் டென்னிஸ்: அரைஇறுதியில் போபண்ணா ஜோடி பெயஸ் இணையை வீழ்த்தியது
மராட்டிய ஓபன் டென்னிஸ் போட்டி புனே நகரில் நடந்து வருகிறது. இதில் நேற்று ஒற்றையர் பிரிவில் கால்இறுதி ஆட்டங்கள் நடந்தன.
5. மராட்டிய ஓபன் டென்னிஸ்: கால்இறுதியில் ஆண்டர்சன், சிமோன்
மராட்டிய ஓபன் சர்வதேச டென்னிஸ் போட்டி புனே நகரில் நடந்து வருகிறது.