மான்ட்கார்லோ டென்னிஸ் ரபெல் நடால் கால்இறுதிக்கு தகுதி

மான்ட்கார்லோ, 

மான்ட்கார்லோ மாஸ்டர்ஸ் டென்னிஸ் போட்டி மொனாக்கோவில் நடந்து வருகிறது. களிமண் தரை போட்டியான இதில் நேற்று நடந்த 3–வது ஆட்டம் ஒன்றில் உலக தரவரிசையில் 2–வது இடத்தில் இருப்பவரும், 11 முறை சாம்பியனுமான ரபெல் நடால் (ஸ்பெயின்) 6–4, 6–1 என்ற நேர்செட்டில் 28–ம் நிலை வீரரான டிமிட்ரோவை (பல்கேரியா) தோற்கடித்து 15–வது முறையாக கால்இறுதிக்கு முன்னேறினார். மற்றொரு ஆட்டத்தில் நம்பர் ஒன் வீரரான ஜோகோவிச் (செர்பியா) 6–3, 6–0 என்ற நேர்செட்டில் அமெரிக்காவின் டெய்லர் பிரிட்சை விரட்டியடித்து கால்இறுதிக்குள் நுழைந்தார். மற்ற ஆட்டங்களில் முன்னணி வீரர்களான மார்கோ செச்சினட்டோ (இத்தாலி), சிட்சிபாஸ் (கிரீஸ்), டோமினிக் திம் (ஆஸ்திரியா) ஆகியோர் அதிர்ச்சி தோல்வி கண்டு வெளியேறினார்கள்.