டென்னிஸ்

அமெரிக்க ஓபன் டென்னிஸ்: 3-வது சுற்றில் ஜோகோவிச், செரீனா + "||" + American Open Tennis: Djokovic, Serena in 3rd round

அமெரிக்க ஓபன் டென்னிஸ்: 3-வது சுற்றில் ஜோகோவிச், செரீனா

அமெரிக்க ஓபன் டென்னிஸ்: 3-வது சுற்றில் ஜோகோவிச், செரீனா
அமெரிக்க ஓபன் டென்னிஸ் போட்டியின் 3-வது சுற்றுக்கு ஜோகோவிச், செரீனா ஆகியோர் தகுதிபெற்றனர்.
நியூயார்க்,

அமெரிக்க ஓபன் டென்னிஸ் போட்டி நியூயார்க் நகரில் நடந்து வருகிறது. இதில் 3-வது நாளில் மழை காரணமாக குறைவான ஆட்டங்களே நடந்தன. ஆண்கள் பிரிவில் நடந்த 2-வது சுற்று ஆட்டம் ஒன்றில் நடப்பு சாம்பியன் ஜோகோவிச் (செர்பியா) 6-4, 7-6 (7-3), 6-1 என்ற நேர்செட்டில் அர்ஜென்டினாவின் ஜூவான் இக்னாசியோ லன்டிரோவை தோற்கடித்து 3-வது சுற்றுக்கு முன்னேறினார். மற்றொரு ஆட்டத்தில் முன்னாள் சாம்பியன் ரோஜர் பெடரர் (சுவிட்சர்லாந்து) 3-6, 6-2, 6-3, 6-4 என்ற செட் கணக்கில் டாமிர் சும்ஹூரை (போஸ்னியா) விரட்டியடித்தார்.


பெண்கள் ஒற்றையர் பிரிவில் நடந்த 2-வது சுற்று ஆட்டம் ஒன்றில் 37 வயதான செரீனா வில்லியம்ஸ் (அமெரிக்கா) 5-7, 6-3, 6-1 என்ற செட் கணக்கில் சக நாட்டு வீராங்கனையான 17 வயது கேத்ரின் மெக்னாலியை போராடி வீழ்த்தினார். உக்ரைன் வீராங்கனை எலினா ஸ்விடோலினா 6-4, 6-4 என்ற நேர்செட்டில் முன்னாள் நம்பர் ஒன் வீராங்கனை வீனஸ் வில்லியம்சை (அமெரிக்கா) வெளியேற்றினார்.