சினிமா செய்திகள்

‘96’ படத்துக்கு எதிராக விஷால் செயல்பட்டாரா? நடிகர் விஜய் சேதுபதி பேட்டி + "||" + Vishal acted against 96 films Actor Vijay Sethupathi interviewed

‘96’ படத்துக்கு எதிராக விஷால் செயல்பட்டாரா? நடிகர் விஜய் சேதுபதி பேட்டி

‘96’ படத்துக்கு எதிராக விஷால் செயல்பட்டாரா? நடிகர் விஜய் சேதுபதி பேட்டி
விஜய் சேதுபதி-திரிஷா ஜோடியாக நடித்துள்ள ‘96’ படம் திரைக்கு வந்து ஓடிக் கொண்டு இருக்கிறது. இந்த படத்தின் வெற்றிக்கு நன்றி தெரிவிக்கும் நிகழ்ச்சியை படக்குழுவினர் சென்னையில் நடத்தினார்கள்.
விஜய் சேதுபதியிடம் ‘96 படம் நிதி நெருக்கடியில் சிக்கியது குறித்தும் படம் வெளியாவதை விஷால் தடுக்க முயற்சி செய்ததாக வெளியான தகவல் குறித்தும் நிருபர்கள் கேள்வி எழுப்பினார்கள். அதற்கு பதில் அளித்து விஜய் சேதுபதி கூறியதாவது:–


 ‘‘என்னுடைய வாழ்க்கையில் பலமுறை இப்படி சம்பவங்களை கடந்து வந்திருக்கிறேன். விஷால் நல்ல மனிதர். அவரை குறை சொல்லவில்லை. தவறு யார் மீதும் இல்லை. விஷால் சூழல் என்னவோ? அவர் எவ்வளவு ரூபாய்க்கு வட்டி கட்டுகிறாரோ? அவருக்கு என்ன நடந்ததோ? யாருக்கு தெரியும்.

எனக்கு அவர் மீது துளியும் வருத்தம் இல்லை. அது எனக்கு தவறாகவே தெரியவில்லை. அவர் இதற்கு முன் எவ்வளவு பணத்தை விட்டுக் கொடுத்தாரோ? அதெல்லாம் அவருக்கு மட்டும் தான் தெரியும். தற்போது இந்த பணத்தையும் அவர் வேண்டாம் என்று சொல்லியிருக்கிறார். இதுவே அவருடைய பெரிய மனது. அதனால் வருத்தப்படுவதற்கு ஒன்றுமேயில்லை.

அன்று நான் செஸ் போர்டு காயாக விளையாடப்பட்டேன். இதற்கு யார் மீது பழி சுமத்துவீர்கள்? சீமராஜாவிற்கு முன் சிவகார்த்திகேயனுக்கு என்ன நடந்தது என்று தெரியும். நடிகர் விமலுக்கு என்ன நடந்தது தெரியும்.

இது எல்லோருக்கும் நடக்கும் இயல்பான வி‌ஷயம். அதற்காக நான் பைனான்சியர்கள் மீது குறை சொல்லவில்லை. ஒரு தயாரிப்பாளருக்கும், பைனான்சியருக்கும் பணம் தான் அடையாளம். அதே போல் நடிகர்களான எங்களுக்கு படம் தான் மரியாதை. படம் வெளியாகவேண்டும். அது தான் முக்கியம்.’’

இவ்வாறு விஜய்சேதுபதி கூறினார்.



தொடர்புடைய செய்திகள்

1. வரிஏய்ப்பு செய்ததால் நடிகர் விஜய் சேதுபதி அலுவலகத்தில் வருமானவரித்துறை சோதனை
நடிகர் விஜய் சேதுபதி அலுவலகத்தில் வருமானவரித்துறை சோதனை நடத்தினர்.
2. கேரளாவுக்கு தனுஷ், விஜய்சேதுபதி நிதி உதவி
கேரள வெள்ள சேதத்துக்கு நடிகர் விஜய் சேதுபதியும் ரூ.25 லட்சமும், நடிகர் தனுஷ் ரூ.15 லட்சமும் வழங்கியுள்ளார்கள்.
3. படமாகும் பிரபலங்கள் வாழ்க்கை கதை : ஜெயலலிதாவாக நடிக்க விரும்பும் திரிஷா
திரையுலகில் வாழ்க்கை வரலாற்று படங்கள் அதிகம் தயாராகின்றன. சில்க் சுமிதா வாழ்க்கையை மையமாக வைத்து ‘த டர்டி பிக்சர்’ என்ற பெயரில் படம் வெளியானது.
4. ‘‘மோகினி-2 படத்திலும் நடிப்பேன்’’ -திரிஷா
மாதேஷ் டைரக்டு செய்துள்ள ‘மோகினி’ படத்தில், கதாநாயகியாக திரிஷா நடித்து இருந்தார். அது, ஒரு திகில் படம்.
5. திரிஷா பற்றி விஜய் சேதுபதி!
திரிஷா நடித்த ‘மோகினி’ படம், விரைவில் திரைக்கு வர இருக்கிறது. இது, ஒரு பேய் படம்.