சினிமா செய்திகள்

படத்தை கைவிடவில்லை: 18-ந் தேதி கமலின் இந்தியன்-2 படப்பிடிப்பு + "||" + Did not give up Film: Kamal Indian-2 shooting on 18th jan

படத்தை கைவிடவில்லை: 18-ந் தேதி கமலின் இந்தியன்-2 படப்பிடிப்பு

படத்தை கைவிடவில்லை: 18-ந் தேதி கமலின் இந்தியன்-2 படப்பிடிப்பு
கமல்ஹாசனின் இந்தியன்-2 படப்பிடிப்பு, வரும் 18-ந் தேதி தொடங்க உள்ளது.

1996-ல் வெளியாகி வசூல் குவித்த இந்தியன் படத்தின் இரண்டாம் பாகம் கமல்ஹாசன்-காஜல் அகர்வால் ஜோடியாக நடிக்க தயாராகிறது. ஷங்கர் டைரக்டு செய்கிறார். திரைக்கதை, வசனம் எழுதும் பணிகள் முடிந்துள்ளன. படப்பிடிப்பு நடத்துவதற்கான இடங்களையும் தேர்வு செய்துவிட்டனர்.

கடந்த மாதம் படப்பிடிப்பு தொடங்கும் என்று எதிர்பார்க்கப்பட்டு தள்ளி வைத்தனர். நேற்று சமூக வலைத்தளங்களில் இந்தியன்-2 படம் கைவிடப்பட்டதாக தகவல் பரவியது. படக்குழுவினர் இதனை மறுத்தனர். இந்தியன்-2 படப்பிடிப்பு வருகிற 18-ந் தேதி தொடங்கும் என்றும் அறிவித்து உள்ளனர். இதற்காக பொள்ளாச்சியில் அரங்கு அமைத்து உள்ளனர். கமல்ஹாசன் சில வாரங்கள் அங்கு முகாமிட்டு படப்பிடிப்பில் கலந்துகொள்கிறார்.

சிம்பு கவுரவ தோற்றத்தில் வருகிறார். தனக்கு முக்கியத்துவம் கொடுத்து கதையை மாற்றவேண்டாம் என்றும் கதைக்கு என்ன தேவையோ அது இருந்தால் போதும் என்றும் பெருந்தன்மையுடன் அவர் சொன்னதாக படக்குழுவினர் கூறுகிறார்கள். முதல் பாகத்தில் நடித்த நெடுமுடி வேணு சி.பி.ஐ. அதிகாரியாக வருகிறார்.

இந்தியன் முதல் பாகம் கிளைமாக்சை 80 வயது முதியவராக வரும் கமல்ஹாசன் விபத்தில் சிக்கி மாயமாவது போன்றும் வெளிநாட்டில் இருந்து அவர் போன் செய்வது போன்றும் முடித்து இருந்தனர்.

அதில் இருந்து இரண்டாம் பாகம் கதை தொடங்கும் என்று தெரிகிறது. இந்த படத்திலும் கமல்ஹாசன் வயதானவராகவும், இளைஞராகவும் 2 வேடங்களில் வருகிறார்.


தொடர்புடைய செய்திகள்

1. பொன்பரப்பி சம்பவம் : தமிழ் இனத்திற்கே பெரும் அவமானம் - கமல்ஹாசன்
பொன்பரப்பி சம்பவம் தமிழ் இனத்திற்கே பெரும் அவமானம் என்று மக்கள் நீதி மய்யம் கட்சி தலைவர் கமல்ஹாசன் தெரிவித்துள்ளார்.
2. சாதி, மத பேதங்களை மறந்து நாம் அனைவரும் ஒன்றாக நின்றால் இந்தியாவின் தலைவாசலாக தமிழகம் மாறும் கமல்ஹாசன் பேச்சு
சாதி, மத பேதங்களை மறந்து நாம் அனைவரும் ஒன்றாக நின்றால் இந்தியாவின் தலைவாசலாக தமிழகம் மாறும் என்று திருச்சி பிரசாரத்தில் கமல்ஹாசன் பேசினார்.
3. முன்னோடி மாநிலமாக தமிழகம் திகழ மக்கள் நீதி மய்யத்திற்கு ஆதரவு தாருங்கள் கமல்ஹாசன் பேச்சு
முன்னோடி மாநிலமாக தமிழகம் திகழ மக்கள் நீதி மய்யத்திற்கு ஆதரவு தாருங்கள் என கரூர் பிரசாரத்தில் கமல்ஹாசன் பேசினார்.
4. காவல்துறையை ஏவல்துறையாக மாற்றும் அ.தி.மு.க. அரசை அகற்ற வேண்டும் கமல்ஹாசன் பேச்சு
காவல்துறையை ஏவல்துறையாக மாற்றும் அ.தி.மு.க. அரசை அகற்ற வேண்டும் என்று நாகர்கோவிலில் நடந்த பொதுக்கூட்டத்தில் மக்கள் நீதி மய்ய தலைவர் கமல்ஹாசன் கூறினார்.
5. “தமிழகத்தை ஆள்கிறவர்கள் தஞ்சாவூர் பொம்மைகளாக உள்ளனர்” தூத்துக்குடி பிரசாரத்தில் கமல்ஹாசன் பேச்சு
“தமிழகத்தை ஆள்கிறவர்கள் தஞ்சாவூர் பொம்மைகளாக உள்ளனர்” என்று தூத்துக்குடி பிரசாரத்தில் கமல்ஹாசன் கூறினார்.