சினிமா செய்திகள்

பத்திரிகை நிருபர்-கிராமத்து பெண்ணாக இரட்டை வேடங்களில், நயன்தாரா + "||" + 'Ira' is a movie which will be directed by Nayantara

பத்திரிகை நிருபர்-கிராமத்து பெண்ணாக இரட்டை வேடங்களில், நயன்தாரா

பத்திரிகை நிருபர்-கிராமத்து பெண்ணாக இரட்டை வேடங்களில், நயன்தாரா
நயன்தாரா இரட்டை வேடங்களில் நடிக்கும் ‘ஐரா’ படம் விரைவில் திரைக்கு வர இருக்கிறது. இந்த படத்தை டைரக்டு செய்திருப்பவர், சர்ஜுன்.

சர்ஜுன் ஏற்கனவே ‘எச்சரிக்கை இது மனிதர்கள் நடமாடும் பகுதி’ என்ற படத்தை இயக்கியிருக்கிறார். ஐரா’ பற்றி அவர் கூறியதாவது:–

‘‘ஐரா என்றால் வெள்ளை யானையை குறிக்கும். பொதுவாகவே யானைகளுக்கு ஞாபக சக்தி அதிகம். தனக்கு நிகழும் சம்பவங்களை பல வருடங்களாக நினைவில் வைத்திருக்கும். படத்தின் கதாநாயகி நயன்தாராவுக்கு அந்த குணம்தான். ‘ஐரா’வில் அவர் இரட்டை வேடங்களில் நடித்து இருக்கிறார். ஒரு கதாபாத்திரத்தின் பெயர், யமுனா. இவர் பத்திரிகை நிருபர். இன்னொருவர், பவானி என்ற கிராமத்து பெண். இருவருக்கும் இடையே எந்த உறவும், தொடர்பும் இல்லை. இருவரும் ஒரு கட்டத்தில் சந்தித்துக் கொள்கிறார்கள்.


கிராமத்து பெண் பவானி, கறுப்பாக தெரிவார். இதற்காக, பவானி வேடத்தில் வரும் அவருக்கு கறுப்பு மேக்கப் போடப்பட்டது. இந்த மேக்கப் போடுவதற்கு ஒன்றரை மணி நேரம் ஆனது. யமுனா கதாபாத்திரத்துக்கு கிருத்திகா நெல்சனும், பவானி கதாபாத்திரத்துக்கு தீபா வெங்கட்டும் ‘டப்பிங்’ பேசினார்கள். கதாநாயகன், கலையரசன். இவருடைய கதாபாத்திரமும் பேசப்படும். யோகி பாபு, ஜெயப்பிரகாஷ், குலப்புள்ளி லீலா ஆகிய மூவரும் முக்கிய வேடங்களில் நடித்து இருக்கிறார்கள். கோட்டபாடி ஜே.ராஜேஷ் தயாரித்துள்ளார்.

படம் தணிக்கை செய்யப்பட்டு விட்டது. தணிக்கை குழுவினர் ஒரு காட்சியை கூட நீக்கவில்லை. படத்துக்கு, ‘யு ஏ’ சான்றிதழ் கொடுக்கப்பட்டு இருக்கிறது. படத்தை பார்த்த நயன்தாரா, படக்குழுவினர் அனைவரையும் பாராட்டினார்.”


தொடர்புடைய செய்திகள்

1. இணையதளத்தில் விஜய் சேதுபதி, நயன்தாரா படங்கள் - படக்குழுவினர் அதிர்ச்சி
இணையதளத்தில் விஜய் சேதுபதி, நயன்தாரா ஆகியோரின் படங்கள் வெளியானதால் படக்குழுவினர் அதிர்ச்சி அடைந்துள்ளனர்.
2. நயன்தாரா விவகாரத்தை வைத்து ராதாரவியை பழிதீர்த்துவிட்டனர் தி.மு.க. மீது அமைச்சர் குற்றச்சாட்டு
நடிகை நயன்தாரா விவகாரத்தை வைத்து ராதாரவியை தி.மு.க. பழிதீர்த்துவிட்டது என அமைச்சர் கே.டி.ராஜேந்திரபாலாஜி குற்றம்சாட்டினார்.
3. நயன்தாரா குறித்து ராதாரவி சர்ச்சைக்குரிய பேச்சு; சின்மயி, விக்னேஷ் சிவன் கண்டனம்
நயன்தாரா குறித்த ராதாரவியின் சர்ச்சைக்குரிய பேச்சுக்கு சின்மயி, விக்னேஷ் சிவன் கண்டனம் தெரிவித்துள்ளனர்.
4. ஜோடியாக நயன்தாரா: விஜய்யின் 63-வது படப்பிடிப்பு தொடக்கம்
விஜய்யின் 63-வது படப்பிடிப்பு தொடங்கியது. இதில் விஜய்யின் ஜோடியாக நயன்தாரா நடிக்கிறார்.
5. ஐரா
தமிழ் பட உலகின் ‘பிரபல’ கதாநாயகியான நயன்தாரா, முதன் முதலாக ஒரு படத்தில் 2 வேடங்களில் நடிக்கிறார். அந்த படத்தின் பெயர், ‘ஐரா.’ படத்தின் முன்னோட்டம்.