கை, கால் நன்றாகத்தானே உள்ளது: நடிகை விஜயலட்சுமியை சாடிய சிவராஜ்குமார்

பெங்களூருவில் வசித்து வரும் விஜயலட்சுமி சமீபத்தில் உயர் ரத்த அழுத்தம் காரணமாக ஆஸ்பத்திரியில் அனுமதிக்கப்பட்டார். சிகிச்சை செலவுக்கு பணம் இல்லை என்றும் கன்னட சினிமா துறையினர் உதவி செய்ய வேண்டும் என்றும் வேண்டுகோள் விடுத்து இருந்தார். இதை ஏற்று சிலர் பணம் கொடுத்தனர்.

இந்த நிலையில் முன்னணி கன்னட நடிகர்கள் சிவராஜ்குமார், புனித்ராஜ்குமார் ஆகியோர் சிகிச்சைக்கு உதவவில்லை என்று பேசி விஜயலட்சுமி வீடியோ வெளியிட்டு இருந்தார். இதுகுறித்து மைசூருக்கு வந்த சிவராஜ்குமாரிடம் கேள்வி எழுப்பப்பட்டது.

இதற்கு பதில் அளித்து அவர் கூறும்போது, “விஜயலட்சுமிக்கு எப்போதும் உதவி செய்துகொண்டு இருக்க முடியாது. அவர் சொல்வது உண்மையா என்று பார்க்க வேண்டும். உடலில் குறை உள்ளவர்களே கடினமாக உழைத்து வாழ்கிறார்கள். நல்ல கை, கால்கள், மன நலம் உள்ளவர்களால் ஏன் தன்னை பார்த்துக்கொள்ள முடியவில்லை. இயலாத ஒருவரை பார்த்தால் உதவி செய்ய தோன்றும். உதவும் உணர்வு உள்ளிருந்து வர வேண்டும்” என்றார்.