சினிமா செய்திகள்

ஆகஸ்டில் வெளிவரும் சூர்யாவின் ‘காப்பான்’ + "||" + Surya 'Kappan' Will be released in August

ஆகஸ்டில் வெளிவரும் சூர்யாவின் ‘காப்பான்’

ஆகஸ்டில் வெளிவரும் சூர்யாவின் ‘காப்பான்’
சூர்யாவின் ‘காப்பான்’ திரைப்படம் ஆகஸ்டில் வெளிவர உள்ளது.

கே.வி.ஆனந்த் இயக்கத்தில் சூர்யா, ஆர்யா, மோகன்லால், சாயிஷா ஆகியோர் நடித்துள்ள படம் காப்பான். இந்த படத்தின் டிரெய்லர் சமூக வலைத்தளத்தில் வெளியாகி லட்சக்கணக்கான பார்வையாளர்களை கடந்துள்ளது. ரசிகர்கள் மத்தியில் வரவேற்பையும் பெற்றுள்ளது. அரசியல், பயங்கரவாதம் பற்றிய காட்சிகள் டிரெய்லரில் உள்ளன.

விவசாயியாக வரும் சூர்யா, நாட்டில் நடக்கும் பிரச்சினைகள் குறித்து ஆவேசமாக பேசுகிறார். “இயற்கையாக உற்பத்தியாகும் நதியை தனக்குத்தான் சொந்தம் என்று உரிமை கொண்டாடும் அதிகாரத்தை உங்களுக்கு யார் கொடுத்தது” என்று ஆவேசமாக பேசுகிறார். விவசாயிகள் போராட்டம் கலவரமாக மாறி பலர் ரத்த வெள்ளத்தில் மிதக்கும் காட்சிகளும் டிரெய்லரில் உள்ளன.

சூர்யா உழவு மாடுகளை பிடித்தபடி ஏர் கலப்பையுடன் வரும் காட்சியும் உள்ளன. படத்தில் மோகன்லால் பிரதமராக நடித்து இருப்பதாக கூறப்படுகிறது. ‘சியாச்சின், கார்க்கில் அடுத்து சர்ஜிக்கல் அட்டாக். இதைத்தான் விரும்புகிறதா? உங்கள் பாகிஸ்தான் என்று மோகன்லால் கோபமாக பேசும் வசனமும் உள்ளது.

சாயிஷாவின் காதலராக வரும் ஆர்யா தமிழ்நாட்டை பாலைவனமாக்கி விட்டு இந்தியாவை சூப்பர் பவர் ஆக்கப்போகிறீர்களா? என்று கேள்வி எழுப்புகிறார். பாதுகாப்பு அதிகாரியாகவும் சூர்யா அதிரடி சண்டை போடுகிறார். எதிர்பார்ப்பை ஏற்படுத்தி உள்ள இந்த படம் ஆகஸ்டில் திரைக்கு வருகிறது.



தொடர்புடைய செய்திகள்

1. போலியோ சொட்டு மருந்து முகாம் விழிப்புணர்வு வழக்கு, நடிகர்கள் அஜித், விஜய், சூர்யாவை எதிர்மனுதாரராக சேர்க்க வேண்டும்
போலியோ சொட்டு மருந்து முகாம் விழிப்புணர்வு நிகழ்ச்சி தொடர்பான வழக்கில் நடிகர்கள் அஜித்குமார், விஜய், சூர்யாவை எதிர்மனுதாரர் களாக சேர்க்க மதுரை ஐகோர்ட்டு உத்தரவிட்டது.
2. காக்க காக்க, கண்டநாள் முதல்: சூர்யா, பிரசன்னாவின் 2-ம் பாகம் படங்கள்?
சூர்யாவின் காக்க காக்க , பிரசன்னாவின் கண்டநாள் முதல் ஆகிய படங்களின் 2-ம் பாகம் குறித்த தகவல் வெளியாகி உள்ளது.
3. திறமையான நடிகர்கள்: “சூர்யாவும், கார்த்தியும் பழகுவதற்கு இனிமையானவர்கள்” - நடிகை ரகுல் பிரீத்சிங் பேட்டி
சூர்யாவும், கார்த்தியும் பழகுவதற்கு இனிமையானவர்கள் என நடிகை ரகுல் பிரீத்சிங் கூறினார்.
4. “எனக்கு சவுகரியமான கதாநாயகர்கள் சூர்யா - அஜித் - மாதவன்” நடிகை ஜோதிகா சொல்கிறார்
“சூர்யா, அஜித், மாதவன் ஆகிய 3 பேரும் எனக்கு சவுகரியமான கதாநாயகர்கள்” என்று நடிகை ஜோதிகா கூறினார்.
5. படப்பிடிப்பு விரைவில் தொடங்குகிறது : விஜய், அஜித், சூர்யாவின் புதிய படங்கள்
ரஜினிகாந்தும், கமல்ஹாசனும் அரசியல் பணிகளுக்கு நடுவில் படங்களிலும் நடிக்கிறார்கள். கமல்ஹாசன் தேவர் மகன், இந்தியன் ஆகிய படங்களின் இரண்டாம் பாகங்களில் நடிக்கிறார்.