சினிமா செய்திகள்

கமலின் இந்தியன்-2 படம் தயாராவதில் சிக்கல்? + "||" + Kamal's Indian -2 film trouble in preparing?

கமலின் இந்தியன்-2 படம் தயாராவதில் சிக்கல்?

கமலின் இந்தியன்-2 படம் தயாராவதில் சிக்கல்?
கமலின் இந்தியன்-2 படம் தயாராவதில் சிக்கல் எழுந்துள்ளதாக தகவல் வெளியாகி உள்ளது.

கமல்ஹாசனின் இந்தியன்-2 படம் தயாராகுமா? என்று தொடர்ந்து சமூக வலைத்தளங்களில் சந்தேகங்கள் கிளப்பி வருகிறார்கள். இந்த படத்தை எடுக்கும் முயற்சியில் இயக்குனர் ஷங்கர் சில மாதங்களுக்கு முன்பே தீவிரமாக ஈடுபட்டார். சில நாட்கள் படப்பிடிப்பை நடத்திய பிறகு கமல்ஹாசனின் வயதான தோற்றம் திருப்தியாக இல்லை என்று வேலைகளை அப்படியே நிறுத்திவிட்டதாக கூறப்பட்டது.


பின்னர் கமல்ஹாசன் தோற்றத்தில் ஹாலிவுட் மேக்கப் கலைஞர்களை வைத்து மாற்றம் செய்தனர். அதன்பிறகும் படப்பிடிப்பு தொடங்கவில்லை. நாடாளுமன்ற தேர்தல் வேலைகளில் கமல்ஹாசன் ஈடுபட்டதால் மேலும் தாமதம் ஏற்பட்டது. படத்தின் பட்ஜெட் விவகாரத்தில் ஷங்கருக்கும், தயாரிப்பு நிறுவனத்துக்கும் பிரச்சினை ஏற்பட்டு படம் கைவிடப்பட்டதாக மீண்டும் தகவல் பரவியது.

இதனை தயாரிப்பாளர் தரப்பில் மறுத்தனர். தேர்தல் முடிந்து பட வேலைகள் தொடங்கும் என்று எதிர்பார்த்த நிலையில் கமல்ஹாசன் டெலிவிஷன் பிக்பாஸ் நிகழ்ச்சியின் 3-வது சீசனையும் தொகுத்து வழங்க இருப்பதாக அறிவிப்பு வந்துள்ளது. இந்த நிகழ்ச்சியை அடுத்த மாதத்தில் இருந்து தொடங்க உள்ளனர்.

3 மாதங்களுக்கு மேல் இந்த நிகழ்ச்சியில் இருப்பார் என்று எதிர்பார்க்கப்படுகிறது. அதன்பிறகு தேவர் மகன்-2 படத்தில் நடிக்க இருப்பதாகவும் தகவல் வெளியாகி உள்ளது. இதனால் இந்தியன்-2 படம் கைவிடப்பட்டு விட்டதாக மீண்டும் தகவல் பரவி உள்ளது. ஆனாலும் படக்குழுவினர் இதனை உறுதிப்படுத்தவில்லை.

தொடர்புடைய செய்திகள்

1. மம்தா பானர்ஜி படத்தை வைத்து அவதூறு: பா.ஜனதா பெண் பிரமுகர் கைது
மம்தா பானர்ஜி படத்தை வைத்து அவதூறு செய்த பா.ஜனதா பெண் பிரமுகர் கைது செய்யப்பட்ட நிலையில், ஜாமீன் கேட்டு சுப்ரீம் கோர்ட்டில் அவர் மனு தாக்கல் செய்துள்ளார்.
2. ‘அவெஞ்சர்ஸ்’ படம் பார்த்து தேம்பி, தேம்பி அழுத இளம் பெண் - மூச்சுதிணறல் ஏற்பட்டு மருத்துவமனையில் அனுமதி
சீனாவில் அவெஞ்சர்ஸ் படம் பார்த்து இளம் பெண் ஒருவர் தேம்பி, தேம்பி அழுத வினோத சம்பவம் நிகழ்ந்துள்ளது.
3. இந்தியன்-2 படம் கைவிடப்பட்டதா?
இந்தியன்-2 படம் கைவிடப்பட்டதா என்பது குறித்த தகவல் வெளியாகி உள்ளது.
4. மம்தா பானர்ஜி படத்துக்கு தடை விதிக்கப்படுமா?
மம்தா பானர்ஜி படத்துக்கு தடை விதிப்பது குறித்து தேர்தல் கமிஷன் விளக்கம் கேட்டுள்ளது.
5. உலக கோப்பையை வென்ற கதை: கிரிக்கெட் படத்தில் உதவி இயக்குனராக கபில்தேவ் மகள்
உலக கோப்பையை வென்ற கிரிக்கெட் படத்தில், உதவி இயக்குனராக கபில்தேவ் மகள் பணியாற்றுகிறார்.