சினிமா செய்திகள்

ரஜினிகாந்த் நடித்துள்ள தர்பார் திரைப்படத்தின் டிரைலர் வெளியீடு + "||" + Rajinikanth's Darbar trailer released

ரஜினிகாந்த் நடித்துள்ள தர்பார் திரைப்படத்தின் டிரைலர் வெளியீடு

ரஜினிகாந்த் நடித்துள்ள தர்பார் திரைப்படத்தின் டிரைலர் வெளியீடு
ஏ.ஆர் முருகதாஸ் இயக்கத்தில் ரஜினி நடிக்கும் தர்பார் படத்தின் டிரைலர் வெளியிடப்பட்டது.
சென்னை,

ஏ. ஆர். முருகதாஸ் இயக்கத்தில் ரஜினிகாந்த் நடிப்பில் 167-வது படமாக உருவாகும் 'தர்பார்' திரைப்படத்தை லைகா நிறுவனம் தயாரித்துள்ளது. சந்தோஷ் சிவன் ஒளிப்பதிவு செய்கிறார். இந்த படத்திற்கு,  அனிருத்  இசையமைத்துள்ளார். இசை வெளியீட்டு விழா பிரமாண்டமாகவும், கோலாகலமாகவும் நடைபெற்றது.   கதாநாயகியாக நயன்தாரா மற்றும் பிரகாஷ்ராஜ், நிவேதா தாமஸ், பிரதீக் பாபர், தலிப் தாஹில், யோகிபாபு, மனோபாலா, சுமன், ஹரிஷ் உத்தமன், ஆனந்தராஜ், ஸ்ரீமன் உள்ளிட்ட மேலும் பலர் நடித்துள்ளனர்.

இந்த படத்தில் ரஜினிகாந்த் போலீஸ் அதிகாரியாக வருகிறார். தாதாக்களுக்கும் போலீசுக்கும் நடக்கும் மோதலை மையமாக வைத்து எடுத்துள்ளனர். பெரும்பகுதி படப்பிடிப்பு வட மாநிலங்களில் நடந்துள்ளது. படத்தில் அனிருத் இசையில் எஸ்.பி.பாலசுப்ரமணியம் பாடிய ‘சும்மா கிழி நான்தாண்டா இனிமேலு வந்து நின்னா தர்பாரு’ என்ற அரசியல் பாடல் வெளியாகி ரசிகர்களின் வரவேற்பை பெற்றது.

தர்பார் படம் ஜனவரி 15-ந்தேதி பொங்கல் பண்டிகை அன்று தமிழ், தெலுங்கு, இந்தி, மலையாளம் ஆகிய 4 மொழிகளில் திரைக்கு வரும் என்று அறிவித்து உள்ளனர்.

இந்தநிலையில் முருகதாஸ் இயக்கத்தில் நடிகர் ரஜினிகாந்த் நடிக்கும் 'தர்பார்' திரைப்படத்தின் டிரைலர் இன்று வெளியானது. ”ஒரிஜினலாகவே நான் வில்லன்மா” என்று ரஜினி பேசும் வசனம் டிரைலரில் இடம் பெற்றுள்ளது.டிரைலர் வெளியான சில நிமிடங்களில், சமூக வலைத்தளங்களில் டிரெண்ட் ஆக தொடங்கியது. வாட்ஸ் அப் போன்ற சமூக வலைத்தளங்களிலும் ரஜினிகாந்த் ரசிகர்கள் டிரைலர் காட்சிகளை பதிவிட்டு வருகின்றனர்.


தொடர்புடைய செய்திகள்

1. தர்பார் பட இயக்குனர் ஏ.ஆர். முருகதாசுக்கு ஐகோர்ட்டு கண்டனம்
பாதுகாப்பு கேட்ட மனுவை முடித்து வைக்க வேண்டும் என்று கோரிக்கை விடுத்த தர்பார் பட இயக்குனர் ஏ.ஆர்.முருகதாசுக்கு சென்னை ஐகோர்ட்டு கண்டனம் தெரிவித்தது.
2. பாதுகாப்பு கோரி இயக்குநர் ஏ.ஆர்.முருகதாஸ் தொடர்ந்த வழக்கில் காவல்துறை அறிக்கை தாக்கல் செய்ய உத்தரவு!
பாதுகாப்பு கோரி இயக்குநர் ஏ.ஆர்.முருகதாஸ் தொடர்ந்த வழக்கில் காவல்துறை அறிக்கை தாக்கல் செய்ய சென்னை ஐகோர்ட் உத்தரவிட்டு உள்ளது.
3. தர்பார் - கேலரி
சூப்பர் ஸ்டார் ரஜினிகாந்த் நடிக்கும் 167-வது படத்திற்கு ‘தர்பார்’ என பெயரிடப்பட்டு, இப்படத்தை ஏ.ஆர்.முருகதாஸ் இயக்குகிறார். தர்பார் படத்தின் முன்னோட்டம்.
4. ரசிகர்களை திருப்திபடுத்தி காவல்துறைக்கு பெருமை சேர்க்கும் தர்பார் - சினிமா விமர்சனம்
போலீஸ் வேடத்தில் ரஜினிகாந்தை பார்த்து ரொம்ப நாளாகி விட்டது என்று ஆதங்கப்படுகிற ரசிகர்களுக்கு சர்க்கரை பொங்கல் விருந்து. கதையும், வேடமும் அவருக்கு அப்படி பொருந்தி இருக்கிறது. படம் தர்பார் விமர்சனம்.
5. கிரு‌‌ஷ்ணகிரியில் தர்பார் பட சிறப்பு காட்சிக்கு தடை போலீஸ் துணை சூப்பிரண்டு உத்தரவு
கிரு‌‌ஷ்ணகிரியில் தர்பார் பட சிறப்பு காட்சிக்கு தடை விதித்து போலீஸ் துணை சூப்பிரண்டு உத்தரவிட்டுள்ளார்.