சினிமா செய்திகள்

சீனுராமசாமி இயக்கிய விஜய்சேதுபதியின் 2 படங்கள் ஓ.டி.டி.யில் ரிலீஸ்? + "||" + 2 films of Vijay Sethupathi directed by Seenuramasamy released on ODT?

சீனுராமசாமி இயக்கிய விஜய்சேதுபதியின் 2 படங்கள் ஓ.டி.டி.யில் ரிலீஸ்?

சீனுராமசாமி இயக்கிய விஜய்சேதுபதியின் 2 படங்கள் ஓ.டி.டி.யில் ரிலீஸ்?
விஜய்சேதுபதி நடித்துள்ள மாமனிதன், இடம் பொருள் ஏவல் ஆகிய படங்களையும் ஓ.டி.டி.யில் வெளியிட படக்குழுவினர் பேச்சுவார்த்தை நடத்துவதாக தகவல் வெளியாகி உள்ளது.
கொரோனா பரவலால் தியேட்டர்களை திறப்பதில் தாமதம் ஏற்பட்டு உள்ளது. இதனால் புதிய படங்கள் திரையரங்குகளுக்கு பதிலாக இணையதளமான ஓ.டி.டி.யில் வெளியாகி வருகின்றன. 

பொன்மகள் வந்தாள், பெண்குயின், டேனி, லாக்கப் உள்ளிட்ட படங்கள் ஓ.டி.டி. தளத்தில் வெளிவந்தன. சூர்யா நடித்துள்ள சூரரை போற்று படம் அடுத்த மாதம் 30-ந்தேதி ஓ.டி.டி.யில் வெளியாகும் என்று அறிவித்து உள்ளனர். இந்த நிலையில் விஜய்சேதுபதி நடித்துள்ள க.பெ.ரணசிங்கம் படம் அடுத்த மாதம் 2-ந்தேதி ஜிபிளக்ஸ் ஓ.டி.டி. தளத்தில் வெளியாகும் என்று அறிவித்து உள்ளனர். தொடர்ந்து விஜய்சேதுபதி நடித்துள்ள மாமனிதன், இடம் பொருள் ஏவல் ஆகிய படங்களையும் ஓ.டி.டி.யில் வெளியிட படக்குழுவினர் பேச்சுவார்த்தை நடத்துவதாக தகவல் வெளியாகி உள்ளது.

இந்த 2 படங்களையும் சீனுராமசாமி இயக்கி உள்ளார். அவர் கூறும்போது, “மாமனிதன், இடம் பொருள் ஏவல் ஆகிய 2 படங்களும் தியேட்டரில் வெளியாக வேண்டும் என்பதே எனது விருப்பம். ஆனால் கொரோனா பரவலை பொறுத்து தியேட்டரா? ஓ.டி.டி. தளமா? என்பதை தயாரிப்பாளர்கள் முடிவு செய்வார்கள். மாமனிதன் படத்தில் இளையராஜாவும், யுவன் சங்கர்ராஜாவும் இணைந்து இசையமைத்து இருப்பது சிறப்பு. பாடல்கள் நன்றாக வந்துள்ளன. இளையராஜா பிறந்த ஊரில் படப்பிடிப்பு நடத்தினோம். பண்ணைய புரத்தில் பிறந்த குயிலே என்ற பாடலும் உள்ளது. இடம்பொருள் ஏவல் படத்தில் விஜய்சேதுபதியும், விஷ்ணுவிஷாலும் இணைந்து நடித்துள்ளனர்” என்றார்.


தொடர்புடைய செய்திகள்

1. விஜய் சேதுபதி பட நடிகை: நிஹரிகா திருமண நிச்சயதார்த்தம்
விஜய் சேதுபதி பட நடிகை நிஹரிகா திருமண நிச்சயதார்த்தம் நடைபெற்றது.
2. கொரோனா குமார்’ படத்தில் கவுரவ வேடத்தில், விஜய் சேதுபதி!
கொரோனா குமார் படத்தில் விஜய் சேதுபதி கவுரவ வேடத்தில் நடிக்க உள்ளார்
3. ஒரு தடுப்பூசி; ஓ மை கடவுளே - நடிகர் விஜய் சேதுபதி டுவீட்
பசிக்கு ஒரு தடுப்பூசி கண்டுபிடித்தால் எவ்வளவு நன்றாக இருக்கும் என விஜய் சேதுபதி தனது ஆதங்கத்தை வெளிப்படுத்தியுள்ளார்.