சினிமா செய்திகள்

அஜித்குமார் நடிக்கும் வலிமை படத்துக்கு விலைபேசும் ஓ.டி.டி. தளங்கள் + "||" + Ajith Kumar starrer 'Valimai' is priced at OTT sites

அஜித்குமார் நடிக்கும் வலிமை படத்துக்கு விலைபேசும் ஓ.டி.டி. தளங்கள்

அஜித்குமார் நடிக்கும் வலிமை படத்துக்கு விலைபேசும் ஓ.டி.டி. தளங்கள்
கொரோனா சினிமா தொழிலை புரட்டி போட்டுள்ளது. தியேட்டர்களை மூடி உள்ளதால் திரைக்கு வர தயாராக இருந்த 50-க்கும் மேற்பட்ட படங்கள் முடங்கி உள்ளன.
இந்த சிக்கலை சாதகமாக்கிய ஓ.டி.டி. தளங்கள் ஏற்கனவே சூர்யாவின் சூரரை போற்று, விஜய்சேதுபதியின் க.பெ.ரணசிங்கம், நயன்தாரா நடித்துள்ள மூக்குத்தி அம்மன், கீர்த்தி சுரேசின் பெண்குயின் உள்ளிட்ட பல படங்களை கைப்பற்றி ஓ.டி.டி.யில் வெளியிட்டன.

தனுஷ் நடித்துள்ள ஜெகமே தந்திரம் படத்தையும், ஓ.டி.டி. தளம் வாங்கி ஜூன் மாதம் வெளியிடுகிறது. விஜய்சேதுபதியின் துக்ளக் தர்பார், திரிஷா நடித்துள்ள ராங்கி, சிவகார்த்திகேயனின் டாக்டர், நயன்தாரா நடித்துள்ள நெற்றிக்கண் ஆகிய படங்களையும் ஓ.டி.டி.யில் வெளியிட பேச்சுவார்த்தைகள் நடக்கின்றன.

இந்த நிலையில் அஜித்குமார் நடித்துள்ள வலிமை படத்துக்கும் ஓ.டி.டி. தளங்கள் விலை பேசுவதாக பரபரப்பு தகவல் பரவி வருகிறது. இந்த வருடம் ஆகஸ்டு மாதம் திரைக்கு வருவதாக இருந்த வலிமை படம் கொரோனாவால் தாமதமாகி உள்ளது. இன்னும் ஒரு வாரம் படப்பிடிப்பு பாக்கி உள்ளது. தீபாவளிக்கு படத்தை திரையிட படக்குழுவினர் ஆர்வமாக உள்ளனர்.

இந்த நிலையில்தான் ஓ.டி.டி. தளங்கள் வலிமையை வாங்க போட்டி போடுவதாக கூறப்படுகிறது. ஆனாலும் அஜித்குமார், தயாரிப்பாளர் போனிகபூர் ஆகியோர் படத்தை தியேட்டரில் திரையிடும் முடிவில் இருப்பதாக கூறப்படுகிறது.

ஏற்கனவே விஜய்யின் மாஸ்டர் படத்தை வாங்க ஓ.டி.டி. தளங்கள் எடுத்த முயற்சி தோல்வி அடைந்து படம் தியேட்டரில் வெளியானது குறிப்பிடத்தக்கது.

தொடர்புடைய செய்திகள்

1. கொரோனாவால் முடங்கிய வலிமை தயாரிப்பாளர் குடும்பம் ... ! மீண்டது... !
போனி கபூரின் இளைய மகள் குஷி கபூருக்கு கொரோனா தொற்று உறுதி செய்யப்பட்டதை தொடர்ந்து, போனி கபூர், ஜான்வி கபூர் உள்ளிட்டோர் தங்களை வீட்டிலேயே தனிமைப்படுத்திக் கொண்டுள்ளனர்.
2. அஜித்தின் வலிமை... பின்வாங்கிய பிரபாஸ், மோதும் விஷால்
புதுமுக இயக்குனர் து.ப.சரவணன் இயக்கத்தில் விஷால், டிம்பிள் ஹயாத்தி நடிப்பில் உருவாகி இருக்கும் புதிய படம் அஜித்துடன் மோத இருக்கிறது.
3. அஜித்தின் “வலிமை”: புதிய அப்டேட் வெளியிட்ட போனி கபூர்....!
வலிமை திரைப்படம் வரும் 13-ம் தேதி தமிழ், தெலுங்கு மற்றும் இந்தியில் வெளியாகும் என்று படத்தயாரிப்பாளர் போனி கபூர் டுவிட்டரில் தெரிவித்துள்ளார்.
4. 'அஜித் சார், இந்த சந்தோஷத்த எப்படி வெளிப்படுத்தறதுனு எனக்கு தெரியல' - புகழ் நெகிழ்ச்சி பதிவு..!
'வலிமை' திரைப்படத்தில் நடித்தது குறித்து நடிகர் புகழ் நெகிழ்ச்சி பதிவு ஒன்றை வெளியிட்டுள்ளார்.
5. 'வலிமை' படத்தின் ரிலீஸ் தேதி அறிவிப்பு..!
நடிகர் அஜித்குமார் நடித்துள்ள 'வலிமை' திரைப்படத்தின் ரிலீஸ் தேதி அறிவிக்கப்பட்டுள்ளது.

அதிகம் வாசிக்கப்பட்டவை