இந்தியன் 2, தக் லைப், கல்கி 2898 - அப்டேட் கொடுத்த கமல்ஹாசன்

சென்னை,

விக்ரம் படத்தின் வெற்றிக்குப் பிறகு தொடர்ந்து படங்களில் நடித்து வருகிறார் கமல்ஹாசன். தற்போது சங்கர் இயக்கத்தில் உருவாகி வரும் இந்தியன்-2 படத்தில் கமல்ஹாசன் நடித்துள்ளார். இப்படத்தின் படப்பிடிப்பு ஆந்திர மாநிலம் விஜயவாடா பகுதியில் நடந்து வந்தது. இதில் நடிகர் கமல் நடிக்கும் காட்சிகள் படமாக்கப்பட்டு வந்தன.

ஆந்திராவின் பல்வேறு இடங்களில் இந்தியன்-2 காட்சிகள் படமாக்கப்பட்டுள்ளன. கமல்ஹாசன் விஜயவாடாவில் பணிபுரிவது இதுவே முதல் முறை என்று கூறப்படுகிறது.

மேலும், தக் லைப், கல்கி 2898 கி.பி போன்ற படங்களிலும் கமல்ஹாசன் நடிக்கிறார்.

இந்நிலையில், இந்தியன் 2, தக் லைப், கல்கி 2898 கி.பி படம் குறித்த அப்டேட் ஒன்றை கமல் கொடுத்துள்ளார்.

இது குறித்து அவர் கூறுகையில், இந்தியன் 2' மற்றும் 'இந்தியன் 3' ஆகிய படங்களின் படப்பிடிப்பு நிறைவடைந்துள்ளது .'இந்தியன் 2' படத்தின் போஸ்ட் புரொடக்சன் பணிகள் தற்போது நடைபெற்று வருகின்றன. இந்த பணிகளை முடித்த பிறகு 'இந்தியன் 3' படத்தின் போஸ்ட் புரொடக்சன் வேலைகளை தொடங்குவோம்.

மேலும், மக்களவை தேர்தல் பணிகளில் ஈடுபட்டுள்ளதால் தேர்தல் முடிந்தவுடன் மணிரத்னத்தின் 'தக் லைப்' படத்தின் படப்பிடிப்பில் கலந்துகொள்வேன். மேலும், 'கல்கி 2898 கி.பி.' படத்தில் நான் கவுரவ வேடத்தில் நடிக்கிறேன். என்றார்

மணிரத்னத்தின் தக் லைப் படத்தின் முதல்கட்டப் படப்பிடிப்பில் கமல் கலந்துகொண்டார். செர்பியாவில் இரண்டாம் கட்டப் படப்பிடிப்பு நடந்திருக்க வேண்டும். மக்களவை தேர்தல் கூட்டணி குறித்தப் பேச்சுவார்த்தை இருந்ததால் செர்பிய படப்பிடிப்பு தடைபட்டது.