சினிமா துளிகள்

டிரைலரை வெளியிடும் மம்முட்டி + "||" + Mammootty publishes trailer

டிரைலரை வெளியிடும் மம்முட்டி

டிரைலரை வெளியிடும் மம்முட்டி
சுதந்திர தினத்தை முன்னிட்டு, ‘ஒடியன்’ படத்தின் டிரைலரை வெளியிட இருக்கிறார்கள்.
மலையாள சினிமாவில் பெரும்பாலும் எவ்வளவு பெரிய நடிகரின் படமாக இருந்தாலும், நான்கு அல்லது ஐந்து மாதத்தில் படப்பிடிப்பு முடிந்து படம் திரைக்கு வந்து விடும். ஆனால் மலையாள உச்ச நடிகரான மோகன்லால் நடித்து வரும் ‘ஒடியன்’ திரைப்படத்தின் படப்பிடிப்பு கடந்த ஓராண்டு காலமாக நடைபெற்று வருகிறது. இந்தப் படத்திற்காக தனது உடல் எடையில் 18 கிலோ வரை குறைத்து, இளமைத் தோற்றத்திற்கு மாறியிருந்தார் மோகன்லால்.

இந்தப் படம் சினிமா ரசிகர்களிடம் மிகுந்த எதிர்பார்ப்பை பற்றவைத்திருக்கிறது. அதற்கு அவ்வப்போது வெளியாகி வரும் இந்தப் படத்தின் போஸ்டர்களும் காரணமாக அமைந்துள்ளன. சமீபத்தில் இரண்டு எருதுகளுக்கு இடையே மோகன்லால் ஓடிவருவது போல் வெளியான போஸ்டரும் மிகுந்த வரவேற்பைப் பெற்றிருக்கிறது. இந்தப் படத்தை அறிமுக இயக்குனரான வி.ஏ.ஸ்ரீகுமார் மேனன் இயக்குகிறார். பிளாக் மேஜிசியனாக மோகன்லால் நடிக்கும் இந்தப் படத்தில் பிரகாஷ்ராஜ், மஞ்சுவாரியார் போன்ற பிரபல நட்சத்திரங்களும் இருக்கிறார்கள்.

இந்த நிலையில் ‘ஒடியன்’ படத்தில் மம்முட்டியும் இணைந்திருக்கிறார். எப்படி என்கிறீர்களா?

அக்டோபர் 11-ந் தேதி திரைக்கு வர இருக்கும் ‘ஒடியன்’ திரைப்படத்திற்கான எதிர்பார்ப்பு எகிறியிருக்கும் இந்த நேரத்தில் சுதந்திர தினத்தை முன்னிட்டு, அந்தப் படத்தின் டிரைலரை வெளியிட இருக்கிறார்கள். இந்த டிரைலரை வெளியிடுபவர், மலையாள சினிமாவின் மற்றொரு உச்ச நடிகரும், மோகன்லாலின் ஆத்மார்த்த நண்பருமான மம்முட்டி. 


தொடர்புடைய செய்திகள்

1. மிரட்டுவதற்கு தயாராகும் ‘ஒடியன்’
அறிவிக்கப்பட்ட நாள் தொடங்கி, ஓராண்டிற்கும் மேலாக ரசிகர்களின் அதீத எதிர்பார்ப்புக்குள்ளாகி இருக்கும் படம் ‘ஒடியன்’. இந்தப் படம் பேண்டசி திரில்லர் வகையில் உருவாகியிருக்கிறது.
2. நடிகர் திலீப்பின் ராஜினாமா கடிதத்தை மலையாள நடிகர் சங்கம் ஏற்று கொண்டது - மோகன்லால்
நடிகர் திலீப்பின் ராஜினாமா கடிதத்தை மலையாள நடிகர் சங்கம் ஏற்று கொண்டது என தலைவர் மோகன்லால் கூறி உள்ளார்.
3. சூர்யா படத்தில் பிரதமராக மோகன்லால்
செல்வராகவன் இயக்கிய ‘என்.ஜி.கே’ படத்தில் சூர்யா நடித்து முடித்துள்ளார். இப்போது கே.வி.ஆனந்த் இயக்கும் படத்தில் நடித்து வருகிறார். இவர்கள் கூட்டணியில் ஏற்கனவே அயன், மாற்றான் படங்கள் வெளிவந்தன.
4. மம்முட்டி வில்லனாக நடிப்பாரா?
ஜெயம் ரவி கதாநாயகனாகவும், அரவிந்தசாமி வில்லனாகவும் நடித்து, மோகன்ராஜா டைரக்டு செய்த படம் ‘தனி ஒருவன்’
5. ‘பேரன்பு’ மிகுந்த மம்முட்டியும், புதிரான அஞ்சலியும்...!
கற்றது தமிழ், தங்க மீன்கள், தரமணி ஆகிய படங்களை தொடர்ந்து ராம் டைரக்டு செய்துள்ள புதிய படம், ‘பேரன்பு.’ படம், விரைவில் திரைக்கு வர இருக்கிறது.