மாவட்ட செய்திகள்

கர்நாடக பட்ஜெட்டை கண்டித்து ஏ.பி.வி.பி. மாணவ அமைப்பினர் போராட்டம்-கைது மங்களூரு கலெக்டர் அலுவலகம் முன்பு நடந்தது + "||" + Denounced the Karnataka budget ABVB Student organization arrested

கர்நாடக பட்ஜெட்டை கண்டித்து ஏ.பி.வி.பி. மாணவ அமைப்பினர் போராட்டம்-கைது மங்களூரு கலெக்டர் அலுவலகம் முன்பு நடந்தது

கர்நாடக பட்ஜெட்டை கண்டித்து
ஏ.பி.வி.பி. மாணவ அமைப்பினர் போராட்டம்-கைது
மங்களூரு கலெக்டர் அலுவலகம் முன்பு நடந்தது
கர்நாடக பட்ஜெட்டை கண்டித்து மங்களூரு கலெக்டர் அலுவலகம் முன்பு ஏ.பி.வி.பி. மாணவ அமைப்பினர் போராட்டத்தில் ஈடுபட்டனர். அவர்கள் கைது செய்யப்பட்டு மாலையில் விடுவிக்கப்பட்டனர்.

மங்களூரு, 

கர்நாடக பட்ஜெட்டை கண்டித்து மங்களூரு கலெக்டர் அலுவலகம் முன்பு ஏ.பி.வி.பி. மாணவ அமைப்பினர் போராட்டத்தில் ஈடுபட்டனர். அவர்கள் கைது செய்யப்பட்டு மாலையில் விடுவிக்கப்பட்டனர்.

போராட்டம்

2018-19-ம் ஆண்டுக்கான கர்நாடக பட்ஜெட்டை நேற்று முன்தினம் முதல்-மந்திரி குமாரசாமி சட்டசபையில் தாக்கல் செய்தார். இந்த பட்ஜெட்டை எதிர்க்கட்சிகள் கடுமையாக விமர்சனம் செய்து வருகின்றன. இந்த நிலையில் கர்நாடக பட்ஜெட்டை கண்டித்து நேற்று மங்களூருவில் (தட்சிண கன்னடா மாவட்டம் ) உள்ள கலெக்டர் அலுவலகம் முன்பு அகில பாரத வித்தியார்த்தி பரிஷத் (ஏ.பி.வி.பி.) மாணவ அமைப்பினர் திடீரென்று போராட்டத்தில் ஈடுபட்டனர்.

அப்போது அவர்கள் மாநில அரசுக்கு எதிராகவும், குமாரசாமிக்கு எதிராகவும் கோஷங்களை எழுப்பினார்கள். நேற்று முன்தினம் தாக்கல் செய்யப்பட்ட பட்ஜெட்டில் கல்வித்துறை முற்றிலும் அலட்சியம் செய்யப்பட்டுள்ளதாக குற்றம்சாட்டினர்.

ஏமாற்றமளிக்கும் பட்ஜெட்

இதுகுறித்து போராட்டக்காரர்கள் கூறுகையில், ‘கர்நாடக பட்ஜெட் தொடர்பாக மாநில அரசு மீது ஏராளமான எதிர்பார்ப்புகள் இருந்தன. ஆனால் நேற்று (அதாவது நேற்று முன்தினம்) மாநில அரசு தாக்கல் செய்த பட்ஜெட், ஏழை, நடுத்தர மற்றும் திறமையான மாணவர்களை புறக்கணித்து விட்டது. மாணவ-மாணவிகளுக்கு இலவச பஸ் பாஸ் வழங்க தவறிவிட்டது.

எஸ்.சி., எஸ்.டி. விடுதிகளை மேம்படுத்தவும், மாநிலத்தில் பள்ளி, கல்லூரிகளில் காலியாக உள்ள ஆசிரியர்கள் பணியிடங்களை நிரப்புவது குறித்தும் எந்த அறிவிப்பும் வெளியாகவில்லை. மொத்தத்தில் இது ஆசிரியர்கள், மாணவர்களுக்கு ஏமாற்றமளிக்கும் பட்ஜெட்டாகும்’ என்றனர்.

கைது-பரபரப்பு

அந்த சமயத்தில் போராட்டக்காரர்கள், போலீஸ் வைத்திருந்த இரும்பு தடுப்பு வேலிகள் மீதும் ஏறி, குறித்து கலெக்டர் அலுவலகத்துக்குள் நுழைய முயன்றனர். அப்போது அங்கு பாதுகாப்பு பணியில் ஈடுபட்டிருந்த போலீசார், மாணவ-மாணவிகளை தடுத்து நிறுத்தினார்கள். மேலும் அவர்களை அங்கிருந்து கலைந்து செல்லும்படி கூறினர். ஆனால், மாணவ- மாணவிகள் கலைந்து செல்ல மறுத்து தொடர்ந்து மாநில அரசுக்கு எதிராக கோஷங் களை எழுப்பிக் கொண்டிருந்தனர்.

இதையடுத்து போலீசார், மாணவ-மாணவிகளை கைது செய்து குண்டுக்கட்டாக தூக்கி வேனில் ஏற்றி அங்கிருந்து அழைத்து சென்றனர். பின்னர் மாலையில் அனைவரும் விடுவிக்கப்பட்டனர். இந்த போராட்டத்தால் கலெக்டர் அலுவலகம் முன்பு நேற்று பெரும் பரபரப்பு ஏற்பட்டது.



தொடர்புடைய செய்திகள்

1. இடைத்தேர்தலை சந்திக்க முடிவு செய்தது ஏன்? டி.டி.வி.தினகரன் பேச்சு
இடைத்தேர்தலை சந்திக்க முடிவு செய்தது ஏன்? என்பது குறித்து பாப்பிரெட்டிப்பட்டியில் நடந்த உண்ணாவிரத போராட்டத்தில் டி.டி.வி. தினகரன் எம்.எல்.ஏ. பேசினார்.
2. ஆஸ்பத்திரி-பள்ளிக்கூடங்களில் திரவ கிருமிநாசினி பயன்படுத்துவதை கட்டாயப்படுத்த வேண்டும் கலெக்டர் உத்தரவு
ஈரோடு மாவட்டத்தில் ஆஸ்பத்திரி மற்றும் பள்ளிக்கூடங்களில் திரவ கிருமிநாசினி பயன் படுத்துவதை கட்டாயப்படுத்த வேண்டும் என்று கலெக்டர் கதிரவன் உத்தரவிட்டு உள்ளார்.
3. நாகை, திருவாரூரில் அரசாணை நகலை எரித்து அரசு ஊழியர்கள் போராட்டம்
நாகை, திருவாரூரில் தனியார் மயமாக்கும் முயற்சியை கைவிட வலியுறுத்தி அரசாணை நகலை எரித்து அரசு ஊழியர்கள் போராட்டத்தில் ஈடுபட்டனர்.
4. திருப்பத்தூர் அருகே டாஸ்மாக் கடையை மூடக்கோரி சப்–கலெக்டர் அலுவலகம் முற்றுகை
திருப்பத்தூர் அருகே டாஸ்மாக் கடையை மூடக்கோரி சப்–கலெக்டர் அலுவலகத்தை பொதுமக்கள் முற்றுகையிட்டனர்.
5. டாஸ்மாக் கடை திறப்பதை எதிர்த்து வழக்கு: மதுரை கலெக்டர் ஆய்வு செய்ய ஐகோர்ட்டு உத்தரவு
பொதுமக்கள் நடமாட்டம் உள்ள பகுதியில் டாஸ்மாக் கடை திறப்பதை எதிர்த்து தொடரப்பட்ட வழக்கில் மதுரை கலெக்டர் ஆய்வு செய்ய ஐகோர்ட்டு உத்தரவிட்டுள்ளது.