மாவட்ட செய்திகள்

நெடுஞ்சாலைத்துறை கண்காணிப்பு பொறியாளர் அலுவலகத்தை சாலைப்பணியாளர்கள் முற்றுகை + "||" + Siege of road engineers at the Highways Department of Motor Traffic

நெடுஞ்சாலைத்துறை கண்காணிப்பு பொறியாளர் அலுவலகத்தை சாலைப்பணியாளர்கள் முற்றுகை

நெடுஞ்சாலைத்துறை கண்காணிப்பு பொறியாளர் அலுவலகத்தை சாலைப்பணியாளர்கள் முற்றுகை
திருச்சியில் நெடுஞ்சாலைத்துறை கண்காணிப்பு பொறியாளர் அலுவலகத்தை சாலைப்பணியாளர்கள் முற்றுகையிட்டு போராட்டம் நடத்தினார்கள். மாநிலம் முழுவதும் இருந்து ஏராளமானவர்கள் வந்து குவிந்ததால் பரபரப்பு ஏற்பட்டது.

திருச்சி,

புதுக்கோட்டையில் கோரிக்கைகளை வலியுறுத்தி ஆர்ப்பாட்டம் நடத்திய சாலைப்பணியாளர்களுக்கு சம்பளம் வழங்காமல் நிறுத்தி வைத்து இருப்பதை வழங்க நடவடிக்கை எடுக்கவேண்டும், சங்க நிர்வாகிகள் 4 பேரின் பணியிட மாற்றத்தை ரத்து செய்யவேண்டும், அவர்கள் மீது போடப்பட்ட வழக்குகளை திரும்ப பெற வேண்டும், புதுக்கோட்டை கோட்டப்பொறியாளர் மீது நடவடிக்கை எடுக்கவேண்டும் என்ற கோரிக்கைகளை வலியுறுத்தி தமிழ்நாடு நெடுஞ்சாலை துறை சாலைப்பணியாளர்கள் சங்கத்தினர் ஜூலை 10–ந்தேதி திருச்சி கண்காணிப்பு பொறியாளர் அலுவலகத்தில் ஒன்று கூடி பின்னர் ஓயாமரி சுடுகாட்டுக்கு சென்று பிணத்திடம் மனு கொடுப்பது என முடிவு செய்து இருந்தனர்.

இதன்படி திருச்சி டி.வி.எஸ். டோல்கேட் பகுதியில் உள்ள கண்காணிப்பு பொறியாளர் அலுவலக வளாகத்தில் நேற்று மாலை சாலைப்பணியாளர்கள் ஏராளமானவர்கள் கூடினார்கள். மாநிலத்தின் அனைத்து பகுதிகளில் இருந்தும் வந்து இருந்தனர். கோரிக்கைகளை வலியுறுத்தி கோ‌ஷம் எழுப்பிய அவர்கள் அங்கிருந்து கிளம்ப முற்பட்ட போது போலீசார் தடுத்து நிறுத்தினார்கள். ஓயாமரி சுடுகாட்டுக்கு சென்று பிணத்திடம் மனு கொடுக்கும் போராட்டத்துக்கு அனுமதி கிடையாது என்று போலீசார் தெரிவித்தனர்.

இதனால் அவர்கள் கண்காணிப்பு பொறியாளர் அலுவலகத்தை முற்றுகையிட்டு போராட்டம் நடத்தினார்கள். சங்கத்தின் மாநில தலைவர் அம்சராஜ் தலைமையில் நடைபெற்ற இந்த போராட்டத்தில் பொதுச்செயலாளர் பாசுப்பிரமணியன், மாநில நிர்வாகிகள் மகேந்திரன், கோதண்டபாணி, திருச்சி மாவட்ட தலைவர் ஜீவானந்தம் உள்பட பலர் கலந்து கொண்டனர். இதனால் அங்கு பெரும் பரபரப்பு ஏற்பட்டது.

இதனை தொடர்ந்து மாநில தலைவர் உள்ளிட்ட நிர்வாகிகளை அழைத்து கண்காணிப்பு பொறியாளர் பேச்சுவார்த்தை நடத்தினார். பின்னர் கண்காணிப்பு பொறியாளர் அளித்த உறுதிமொழியை ஏற்றி சாலைப்பணியாளர்கள் கலைந்து சென்றனர்.



தொடர்புடைய செய்திகள்

1. சேலம் தாலுகா அலுவலகங்களில் கிராம உதவியாளர்கள் காத்திருப்பு போராட்டம்
சேலத்தில் உள்ள தாலுகா அலுவலகங்களில் நேற்று கிராம உதவியாளர்கள் காத்திருப்பு போராட்டம் நடத்தினர்.
2. தாராபுரத்தில் சாக்குமூடையில் பிணம் மீட்பு: அண்ணியை கொன்ற வியாபாரி உள்பட 2 பேர் கைது
தாராபுரத்தில் சாக்குமூடையில் பிணம் மீட்கப்பட்ட விவகாரத்தில், அண்ணியை கொன்று உடலை சாக்குமூடையில் கட்டி வீசியதாக வியாபாரி உள்பட 2 பேரை போலீசார் கைது செய்தனர்.
3. மார்த்தாண்டம் அருகே பரபரப்பு: பள்ளிக்கூடத்துக்குள் புகுந்து மாணவிகளுக்கு அரிவாள் வெட்டு - அரசு பஸ் டிரைவர் கைது
பள்ளிக்கூடத்துக்குள் புகுந்து மாணவிகள் உள்பட 4 பேருக்கு அரிவாள் வெட்டு விழுந்தது. இதுதொடர்பாக அரசு பஸ் டிரைவர் கைது செய்யப்பட்டார்.
4. மின்வாரிய ஒப்பந்த ஊழியர்கள் அரசு பஸ்சை மறித்து போராட்டம்; 51 பேர் கைது
பணி நிரந்தரம் செய்யக்கோரி மின்வாரிய ஒப்பந்த ஊழியர்கள் அரசு பஸ்சை மறித்து போராட்டம் நடத்தினர். இதில் 51 பேரை போலீசார் கைது செய்தனர்.
5. ஈரோடு வெண்டிபாளையத்தில் பொதுமக்கள் போராட்டம் எதிரொலியாக டாஸ்மாக் கடை மூடல்
ஈரோடு வெண்டிபாளையத்தில் பொதுமக்கள் போராட்டம் எதிரொலியாக டாஸ்மாக் கடை மூடப்பட்டது.