மாவட்ட செய்திகள்

பி.எஸ்.என்.எல். ஒப்பந்த ஊழியர்களை பணி நிரந்தரம் செய்ய வேண்டும் மாநாட்டில் தீர்மானம் + "||" + BSNL. Conclusion of the contract to make contract workers permanent

பி.எஸ்.என்.எல். ஒப்பந்த ஊழியர்களை பணி நிரந்தரம் செய்ய வேண்டும் மாநாட்டில் தீர்மானம்

பி.எஸ்.என்.எல். ஒப்பந்த ஊழியர்களை பணி நிரந்தரம் செய்ய வேண்டும் மாநாட்டில் தீர்மானம்
பி.எஸ்.என்.எல். ஒப்பந்த ஊழியர்களை பணி நிரந்தரம் செய்ய வேண்டும் என்று எஸ்.சி, எஸ்.டி. ஊழியர் நல சங்க மாநாட்டில் தீர்மானம் நிறைவேற்றப்பட்டது.

திருச்சி,

பி.எஸ்.என்.எல். எஸ்.சி., எஸ்.டி. ஊழியர் நல சங்கத்தின் ஐந்தாவது மாவட்ட மாநாடு நேற்று திருச்சியில் நடந்தது. சங்கத்தின் மாவட்ட தலைவர் வேலுசாமி தலைமை தாங்கினார். மாவட்ட செயலாளர் தாமரைக்கண்ணன் வரவேற்று பேசினார். திருச்சி மாவட்ட பி.எஸ்.என்.எல். முதன்மை பொது மேலாளர் ராஜூ சிறப்பு அழைப்பாளராக கலந்து கொண்டு பேசினார்.

இந்த கூட்டத்தில் நிறைவேற்றப்பட்ட தீர்மானங்கள் வருமாறு:–

ஆதிதிராவிடர், பழங்குடியினருக்கு எதிரான வன்கொடுமை தடுப்பு சட்டத்தை நீர்த்து போக செய்யும் வகையில் சுப்ரீம் கோர்ட்டு வழங்கிய தீர்ப்பை கண்டிப்பதோடு, சீராய்வு மனுவை முறையாக கண்காணிக்கவும், நாடாளுமன்றத்தில் அதற்கான சட்டம் இயற்றவும் வேண்டும். பட்டியல் இன மக்களுக்கு பதவி உயர்வில் இட ஒதுக்கீடு நடைமுறைப்படுத்தப்பட வேண்டும் என்ற சுப்ரீம் கோர்ட்டு வழங்கிய தீர்ப்பை வரவேற்பதோடு அதனை முழுமையாக செயல்படுத்த வேண்டும் என்று கேட்டுக்கொள்வது.

20 ஆண்டுகளுக்கும் மேலாக பி.எஸ்.என்.எல். நிறுவனத்தில் பலர் ஒப்பந்த ஊழியராக குறைந்த வருமானத்தில் நிரந்தர ஊழியர்களுக்கு இணையாக பணியாற்றி வருகிறார்கள். நிரந்தர ஊழியர்களும் வயது முதிர்வின் காரணமாக கடந்த 18 ஆண்டுகளில் 80 சதவீதம் பேர் ஓய்வு பெற்று விட்டதால் வேலைப்பளுவை குறைக்கும் வகையில் ஒப்பந்த ஊழியர்களை நிரந்தர ஊழியர்களாக நிர்வாகம் பணி நிரந்தரம் செய்ய வேண்டும்.

மேற்கண்ட தீர்மானங்கள் நிறைவேற்றப்பட்டன.

மாநாட்டில் சங்கத்தின் அகில இந்திய தலைவர் பெருமாள், முதன்மை ஆலோசகர் நம்பியார், மாநில தலைவர் கனகராஜன், பி.எஸ்.என்.எல். அதிகாரிகள் சங்க மாநில துணை செயலாளர் காமராஜ், தொ.மு.ச. மாவட்ட செயலாளர் ரவீந்திரன், குணசேகரன் உள்பட பலர் கலந்து கொண்டு பேசினார்கள்.



தொடர்புடைய செய்திகள்

1. உள்ளாட்சி தேர்தலை உடனடியாக நடத்த வேண்டும் - சமத்துவ மக்கள் கட்சி கூட்டத்தில் தீர்மானம்
உள்ளாட்சி தேர்தலை உடனடியாக நடத்த வேண்டும் என்று சமத்துவ மக்கள் கட்சி கூட்டத்தில் தீர்மானம் நிறைவேற்றப்பட்டது.
2. தி.மு.க. தலைமையில் ம.தி.மு.க. அரசியல் கடமைகளை மேற்கொள்ளும், ஈரோடு மாநாட்டில் தீர்மானம்
பா.ஜ.க., அ.தி.மு.க.வை வீழ்த்த தி.மு.க. தலைமையில் கூட்டணி கட்சிகளுடன் அணிசேர்ந்து ம.தி.மு.க. தனது அரசியல் கடமைகளை மேற்கொள்ளும் என்று ஈரோடு மாநாட்டில் தீர்மானம் நிறைவேற்றப்பட்டது.
3. மத்திய அரசு சாகர் மாலா திட்டத்தை கைவிட வேண்டும் - விடுதலை வேங்கைகள் பொதுக்கூட்டத்தில் தீர்மானம்
மத்திய அரசு சாகர் மாலா திட்டத்தை கைவிடக்கோரி விடுதலை வேங்கைகள் பொதுக்கூட்டத்தில் தீர்மானம் நிறைவேற்றப்பட்டு உள்ளது.
4. டி.ஜி.பி. ராஜேந்திரன், அமைச்சர் விஜயபாஸ்கர் பதவி விலக கோரி செப்டம்பர் 18ந்தேதி ஆர்ப்பாட்டம்; மு.க. ஸ்டாலின்
டி.ஜி.பி. ராஜேந்திரன், அமைச்சர் விஜயபாஸ்கர் ராஜினாமா செய்ய வலியுறுத்தி செப்டம்பர் 18ந்தேதி தி.மு.க. சார்பில் ஆர்ப்பாட்டம் நடத்த தீர்மானம் நிறைவேற்றப்பட்டு உள்ளது.
5. மகாத்மா காந்தி தேசிய ஊரக வேலைவாய்ப்பு திட்டத்தில் மாற்றுத்திறனாளிகளுக்கு 4 மணி நேர வேலை வழங்க வேண்டும், மாநில மாநாட்டில் தீர்மானம்
மகாத்மா காந்தி தேசிய ஊரக வேலைவாய்ப்பு திட்டத்தில் மாற்றுத்திறனாளிகளுக்கு 4 மணி நேர வேலை வழங்க வேண்டும் என்று, மாற்றுத்திறனாளிகள் மாநில மாநாட்டில் தீர்மானம் நிறைவேற்றப்பட்டது.