மாவட்ட செய்திகள்

கல்லூரிகளில் பகவத் கீதை வினியோகம் குறித்து சர்ச்சை + "||" + Controversy over the distribution of Bhagavad Gita in colleges

கல்லூரிகளில் பகவத் கீதை வினியோகம் குறித்து சர்ச்சை

கல்லூரிகளில் பகவத் கீதை வினியோகம் குறித்து சர்ச்சை
கல்லூரிகளில் பகவத் கீதை வினியோகிக்க உத்தரவிட்ட விவகாரம் தொடர்பாக கல்வி மந்திரி வினோத் தாவ்டே விளக்கம் அளித்துள்ளார்.
நாக்பூர்,

மும்பை பகுதி உயர்கல்வி துறை இணை இயக்குனர் அலுவலகத்தில் இருந்து கடந்த 11-ந் தேதி ‘நாக்’ தரவரிசை பட்டியலில் ‘ஏ’ மற்றும் ‘ஏ பிளஸ்’ தகுதி பெற்ற கல்லூரிகளுக்கு சுற்றறிக்கை வந்தது. அந்த அறிக்கையில், மாணவர்களுக்கு வினியோகம் செய்ய பகவத் கீதை நூல்களை பெற்றுக்கொள்ள வருமாறு கல்லூரிகளுக்கு அழைப்பு விடுக்கப்பட்டு இருந்தது. ஆனால் பகவத் கீதை நூல்கள் யாரால் தானமாக வழங்கப்படுகின்றன என்பது குறித்து அறிக்கையில் ஏதும் குறிப்பிடப்படவில்லை.

இந்த விவகாரம் மாநிலத்தில் பெரும் சர்ச்சையை ஏற்படுத்தியது. மராட்டிய அரசு, கல்வி நிறுவனங்களை காவிமயமாக்க முயற்சிப்பதாக காங்கிரஸ் மற்றும் தேசியவாத காங்கிரஸ் உள்ளிட்ட எதிர்க்கட்சிகள் குற்றம்சாட்டின.

இந்தநிலையில் நாக்பூரில் நிருபர்களை சந்தித்த மராட்டிய கல்வி மந்திரி வினோத் தாவ்டே இது குறித்து கூறியதாவது:-

பகவத் கீதையை மாநில அரசு வினியோகம் செய்யவில்லை. தானேயில் உள்ள பிவண்டி பகவத் கீதா தொண்டு நிறுவனம் கல்லூரிகளுக்கு பகவத் கீதையை கொடையளிக்க முன்வந்தது. இதற்காக சில கல்லூரிகளின் பட்டியலை அவர்களுக்கு அரசு வழங்கியது.

ஒருவேளை யாராவது பைபிள் அல்லது குரான் உள்ளிட்ட புனித நூல்களை கல்லூரிகளுக்கு கொடையளிக்க விரும்பினால் அவர்களுக்கும் அரசு சார்பில் கல்வி நிறுவனங்களின் பட்டியல் வழங்கப்படும்.

இவ்வாறு அவர் கூறினார். 


தொடர்புடைய செய்திகள்

1. காவலர் பணிக்கான வயது 24 ஆக உயர்வு: பல் மருத்துவக்கல்லூரி ஊழியர்களுக்கு சம்பளம் வழங்க கவர்னர் ஒப்புதல்
புதுவை காவலர் பணியில் சேருவதற்கான வயது வரம்பினை 24 ஆக உயர்த்துவதற்கும், அரசு பல் மருத்துவக்கல்லூரி ஊழியர்களுக்கு சம்பளம் வழங்கவும் கவர்னர் கிரண்பெடி ஒப்புதல் அளித்துள்ளார்.
2. மாணவர் சேர்க்கையில் விதிமீறல்: புதுவை தனியார் மருத்துவக் கல்லூரிக்கு நோட்டீசு
மாணவர் சேர்க்கையில் விதிகள் மீறப்பட்டு இருப்பதாக கூறி விளக்கம் கேட்டு புதுவையில் உள்ள தனியார் மருத்துவக்கல்லூரிக்கு சுகாதாரத்துறை நோட்டீசு அனுப்பி உள்ளது.
3. சேலத்தில் பரபரப்பு: காதலி அழைத்ததால் பெண் வேடமிட்டு பள்ளிக்குள் புகுந்த கல்லூரி மாணவர்
சேலத்தில் காதலி அழைத்ததால் பெண் வேடமிட்டு பள்ளிக்குள் புகுந்த கல்லூரி மாணவரை காவலாளி மடக்கி பிடித்த சம்பவம் பரபரப்பை ஏற்படுத்தி உள்ளது.
4. தூத்துக்குடியில் பள்ளி, கல்லூரி மாணவர்களுக்கு கலாசார போட்டி
தூத்துக்குடியில் பள்ளி, கல்லூரி மாணவர்களுக்கு கலாசார போட்டிகள் நேற்று தொடங்கியது.
5. பஸ்பாஸ் பெற பள்ளி, கல்லூரி மாணவ-மாணவிகள் செல்போன், ஆன்லைன் மூலம் விண்ணப்பிக்கலாம்
பி.எம்.டி.சி. பஸ்களில் பயணிக்க சலுகை விலை பஸ்பாஸ் பெற பள்ளி, கல்லூரி மாணவ-மாணவிகள் செல்போன் மற்றும் ஆன்லைன் மூலமாக விண்ணப்பம் செய்ய வசதி ஏற்படுத்தி கொடுக்கப்பட்டு உள்ளது.