மாவட்ட செய்திகள்

சிவசேனா கவுன்சிலரை தகுதி நீக்கம் செய்ய வேண்டும் மாநகராட்சிக்கு, அரசு உத்தரவு + "||" + Shiv Sena councilor should be disqualified

சிவசேனா கவுன்சிலரை தகுதி நீக்கம் செய்ய வேண்டும் மாநகராட்சிக்கு, அரசு உத்தரவு

சிவசேனா கவுன்சிலரை தகுதி நீக்கம் செய்ய வேண்டும் மாநகராட்சிக்கு, அரசு உத்தரவு
மும்பையில் சட்டவிரோதமாக கட்டிடம் கட்டிய சிவசேனா கவுன்சிலரை தகுதி நீக்கம் செய்ய வேண்டும் என மாநகராட்சிக்கு மாநில அரசு உத்தரவிட்டது.
மும்பை,

மும்பை காட்கோபரை சேர்ந்த சிவசேனா கவுன்சிலர் துக்காராம் பாட்டீல். இவர் கடந்த மாநகராட்சி தேர்தலின் போது, போட்டியிட்டு முதன்முறையாக கவுன்சிலர் ஆனார். இவர் முன்னதாக காட்கோபர் மேற்கு எல்.பி.எஸ்.மார்க் பகுதியில் சட்டவிரோதமாக மாநகராட்சி இடத்தை ஆக்கிரமித்து வணிகம் சார்ந்த 2 கட்டிடங்களை கட்டி உள்ளதாக கூறப்படுகிறது.


இது தொடர்பாக கடந்த 2013-ம் ஆண்டு மாநகராட்சி நடவடிக்கை எடுத்து சட்டவிரோத கட்டுமானத்தை இடித்து தள்ளியது.

இந்தநிலையில், கவுன்சிலர் ஆன பின்னர் துக்காராம் பாட்டீல் அந்த இடத்தில் மீண்டும் ஆக்கிரமித்து கட்டிடம் கட்டியதாக தெரிகிறது.

மாநகராட்சி சட்டத்தின்படி சட்டவிரோதமாக கட்டுமானத்தில் ஈடுபடும் கவுன்சிலரை தகுதி நீக்கம் செய்ய முடியும். இதுபற்றி அவரது பக்கத்து வார்டை சேர்ந்த பா.ஜனதா கவுன்சிலர் சாக்சி தல்வி மாநில அரசின் நகர மேம்பாட்டுத்துறையில் புகார் அளித்தார்.

இந்த புகாரின்பேரில் கவுன்சிலர் துக்காராம் பாட்டீலை ஒரு மாதத்திற்குள் தகுதி நீக்கம் செய்யும்படி மாநகராட்சிக்கு நகர மேம்பாட்டு துறை உத்தரவிட்டு கடிதம் அனுப்பி உள்ளது.

இதுபற்றி மாநகராட்சி நிலைக்குழு தலைவர் சிவசேனாவை சேர்ந்த யஸ்வந்த் ஜாதவ் கூறுகையில், கவுன்சிலர் துக்காராம் பாட்டீல் சட்டவிரோதமாக எந்த கட்டிடத்தையும் கட்டவில்லை. அவரை தகுதி நீக்கம் செய்ய வேண்டி அரசு அனுப்பியுள்ள உத்தரவு தவறானதாகும். சட்ட ரீதியாக இதை எதிர்கொள்வோம், என்றார்.



தொடர்புடைய செய்திகள்

1. நாடாளுமன்ற, சட்டமன்ற தேர்தலை பா.ஜனதா - சிவசேனா இணைந்து சந்திக்கும் : முதல்-மந்திரி நம்பிக்கை
நாடாளுமன்ற, சட்டமன்ற தேர்தல்களை பா.ஜனதாவும், சிவசேனாவும் இணைந்து சந்திக்கும் என முதல்-மந்திரி தேவேந்திர பட்னாவிஸ் நம்பிக்கை தெரிவித்துள்ளார்.
2. 2019 பாராளுமன்றத் தேர்தலில் சிவசேனாவும், பா.ஜனதாவும் இணைந்து போட்டியிடும் - தேவேந்திர பட்னாவிஸ்
2019 பாராளுமன்றத் தேர்தலில் சிவசேனாவும், பா.ஜனதாவும் இணைந்து போட்டியிடும் என தேவேந்திர பட்னாவிஸ் கூறியுள்ளார்.
3. முத்தலாக் விவகாரத்தை போல ராமர் கோவிலை கட்ட அவசரச் சட்டம் சிவசேனா வலியுறுத்தல்
முத்தலாக் விவகாரத்தை போல ராமர் கோவிலை கட்டவும் அவசரச் சட்டம் கொண்டுவர வேண்டும் என சிவசேனா வலியுறுத்தியுள்ளது.
4. ஆட்சியில் அமர்ந்ததும் இந்துத்துவா என்ற ஏணியை பா.ஜனதா தூக்கி எறிந்துவிட்டது - சிவசேனா விமர்சனம்
ஆட்சியை கைப்பற்ற இந்துத்வாவை ஏணியாக பயன்படுத்திய பா.ஜனதா, ஆட்சிக்கு வந்ததும் அதனை தூக்கி எறிந்துவிட்டது என சிவசேனா விமர்சனம் செய்துள்ளது.
5. முழு அடைப்பில் பங்கேற்காதது எங்களின் சொந்த முடிவு சிவசேனா சொல்கிறது
பா.ஜனதா தலைவர்கள் முழு அடைப்பில் கலந்துகொள்ள வேண் டாம் என எங்களுக்கு கோரிக்கை ஏதும் விடுக்கவில்லை. இது எங்கள் கட்சியின் சொந்த முடிவு என சிவசேனா மூத்த தலைவர் சஞ்சய் ராவுத் கூறியுள்ளார்.