மாவட்ட செய்திகள்

கீழ்வேளூரில் தேவநதி வாய்க்காலை சொந்த செலவில் தூர்வாரும் விவசாயிகள் + "||" + Devotees run the land at Kilaveloor at their own expense and farmers

கீழ்வேளூரில் தேவநதி வாய்க்காலை சொந்த செலவில் தூர்வாரும் விவசாயிகள்

கீழ்வேளூரில் தேவநதி வாய்க்காலை சொந்த செலவில் தூர்வாரும் விவசாயிகள்
கீழ்வேளூரில் வேதநதி வாய்க்காலை சொந்த செலவில் விவசாயிகள் தூர்வாரி வருகின்றனர்.
கீழ்வேளூர்,

நாகை மாவட்டத்தின் கடைமடை பகுதிக்கு பாண்டவைஆறு, ஓடம் போக்கி ஆறு, கடுவையாறு உள்ளிட்ட பல்வேறு ஆறுகள் வழியாக பாசன வாய்க்கால்கள் மூலம் விவசாய நிலங்களுக்கு தண்ணீர் செல்கின்றன. இந்த நிலையில் வெட்டாற்று கிளை பாசன வாய்க்காலான தேவநதி வாய்க்கால் மூலம் பெருங்கடம்பனூர், செல்லூர், பாலையூர், பாலக்காடு, வைரவன் இருப்பு, மேல நாகூர், நாகூர் உள்ளிட்ட பல்வேறு கிராமங்களில் ஆயிரக்கணக்கான ஏக்கர் விவசாய நிலங்கள் பாசன வசதி பெறுகின்றன.


ஆனால் கடந்த பல ஆண்டுகளாக தேவநதி வாய்க்கால் தூர்வாரப்படவில்லை. இதனால் தண்ணீர் இன்றி விவசாயம் பாதிக்கப்பட்டது. தற்போது மேட்டூர் அணையில் இருந்து திறந்து விடப்பட்ட தண்ணீர் கல்லணை மூலம் நாகை மாவட்டத்தின் கடைமடை பகுதிக்கு வந்து கொண்டிருக்கின்றன.

இருப்பினும் தேவ நதி வாய்க்கால் தூர் வாரப்படாத காரணத்தால் ஆங்காங்கே தண்ணீர் தேங்கி நிற்பதால் விவசாயிகள் கவலை அடைந்தனர். இதுகுறித்து மாவட்ட நிர்வாகத்திற்கு கோரிக்கை விடுத்தும் எவ்வித நடவடிக்கையும் எடுக்கவில்லை என தெரிகிறது. இதை கண்டித்து சில நாட்களுக்கு இப்பகுதி விவசாயிகள் வயலில் இறங்கி தீப்பந்தம் ஏந்தி விடிய,விடிய போராட்டத்தில் ஈடுபட்டனர். இதன்பிறகும் எந்தவித நடவடிக்கை எடுக்காததால் விவசாயிகள் ஒன்று சேர்ந்து தேவநதி வாய்க்காலை தூர்வார முடிவு செய்தனர். இதற்காக விவசாயிகள் பணம் வசூல் செய்து எந்திரம் மூலம் தேவநதி வாய்க்காலில் தூர்வாரும் பணியில் ஈடுபட்டு வருகின்றனர்.

இதுகுறித்து விவசாயிகள் கூறுகையில், மாவட்ட நிர்வாகத்திடம் தேவநதி வாய்க்காலை தூர்வார கோரிக்கை விடுத்தும் எந்தவித நடவடிக்கை எடுக்காததால் வேறு வழியின்றி கடன் வாங்கி வாய்க்காலை தூர்வாரும் பணியில் ஈடுபட்டு வருகின்றோம். இதன் மூலம் 500 ஏக்கர் விவசாய நிலங்கள் பாசன வசதி பெறும். இந்த தூர்வாரும் பணிக்கு ஆகும் செலவை சம்பந்தப்பட்ட அதிகாரிகள் அரசிடம் இருந்து பெற்று தரவேண்டும் என்றனர். 


தொடர்புடைய செய்திகள்

1. புயலால், வாழ்வாதாரம் பாதிக்கப்பட்டுள்ளதால் விவசாயிகளின் பயிர் கடனை தள்ளுபடி செய்ய வேண்டும் - கலெக்டரிடம் கோரிக்கை மனு
திருவாரூர் மாவட்டத்தில், கஜா புயலால் வாழ்வாதாரம் பாதிக்கப்பட்டுள்ளதால் விவசாயிகளின் பயிர் கடனை தள்ளுபடி செய்ய வேண்டும் என விவசாய சங்கங்களின் கூட்டு இயக்கம் கோரிக்கை விடுத்துள்ளது.
2. படைப்புழு தாக்கிய பயிர்களுக்கு இழப்பீடு கேட்டு கலெக்டர் அலுவலகத்தை முற்றுகையிட்ட விவசாயிகள்
படைப்புழு தாக்கிய பயிர்களுக்கு அரசிடம் இருந்து உரிய இழப்பீடு பெற்று தரக்கோரி பல்வேறு கிராமங்களை சேர்ந்த விவசாயிகள் பெரம்பலூர் கலெக்டர் அலுவலகத்தை முற்றுகையிட்டனர்.
3. கடலூர் மாவட்டத்தில்: 58 ஆயிரம் விவசாயிகள் பயிர் காப்பீடு செய்துள்ளனர் - அதிகாரி தகவல்
கடலூர் மாவட்டத்தில் 44,500 ஹெக்டேர் பரப்பளவில் சம்பா நெல்லுக்கு 58 ஆயிரத்து 288 விவசாயிகள் பயிர் காப்பீடு செய்துள்ளதாக அதிகாரி ஒருவர் கூறியுள்ளார். இது தொடர்பாக வேளாண்மைத்துறை அதிகாரி ஒருவர் கூறியதாவது:-
4. லோயர்கேம்ப் பகுதியில்: மதுரை குடிநீர் திட்டப்பணிக்காக அதிகாரிகள் ரகசிய ஆய்வு - விவசாயிகள் திரண்டதால் பரபரப்பு
லோயர்கேம்ப் பகுதியில் மதுரைக்கு குடிநீர் கொண்டு செல்ல தடுப்பணை அமைக்க உள்ள இடத்தை மதுரை மாநகராட்சி அதிகாரிகள் மற்றும் நபார்டு அதிகாரிகள் குழுவினர் ரகசியமாக ஆய்வு செய்தனர். அப்போது விவசாயிகள் அங்கு திரண்டதால் பரபரப்பு ஏற்பட்டது.
5. பெலகாவி சுவர்ண சவுதாவுக்குள் விவசாயிகள் போர்வையில் கொள்ளையர்கள் நுழைந்து விட்டார்கள் - முதல்மந்திரி குமாரசாமி பேச்சு
விவசாயிகள் போர்வையில் கொள்ளையர்கள் நுழைந்து விட்டார்கள் என்று முதல்-மந்திரி குமாரசாமி கூறினார்.