லாட்டரி சீட்டுகள் விற்ற 3 பேர் கைது

புதுச்சேரி,

புதுவையில் லாட்டரி சீட்டுகள் விற்பனை செய்ய அரசால் தடை விதிக்கப்பட்டுள்ளது. இந்தநிலையில் ஒதியஞ்சாலை காவல்நிலை பகுதிக்குட்பட்ட இடங்களில் 3 நம்பர் லாட்டரி விற்கப்படுவதாக போலீசாருக்கு ரகசிய தகவல் கிடைத்தது. இதுதொடர்பாக நடவடிக்கை எடுக்க போலீஸ் சூப்பிரண்டு மாறன் உத்தரவின்பேரில் ஒதியஞ்சாலை போலீஸ் இன்ஸ்பெக்டர் செந்தில்குமார், சப்-இன்ஸ்பெக்டர்கள் கீர்த்தி, நாராயணசாமி மற்றும் போலீசாரை கொண்ட தனிப்படை அமைக்கப்பட்டது.

இந்த தனிப்படையினர் லாட்டரி சீட்டு விற்கப்படுகிறதா? என கண்காணித்து வந்தனர். பல இடங்களில் ரோந்து பணியிலும் ஈடுபட்டனர். சின்னசுப்புராயப்பிள்ளை வீதி மாரியம்மன்கோவில் அருகே போலீசார் ரோந்து வந்தபோது அங்கு சந்தேகத்திற்கிடமாக திரிந்த 3 நபர்களை மடக்கிப் பிடித்து விசாரித்தனர்.