மாவட்ட செய்திகள்

பயிர் காப்பீட்டு திட்டத்தின் கீழ் நெற்பயிருக்கு விவசாயிகள் பதிவு செய்யலாம் - கலெக்டர் வீரராகவ ராவ் தகவல் + "||" + Under Crop Insurance Scheme Farmers can register for rice

பயிர் காப்பீட்டு திட்டத்தின் கீழ் நெற்பயிருக்கு விவசாயிகள் பதிவு செய்யலாம் - கலெக்டர் வீரராகவ ராவ் தகவல்

பயிர் காப்பீட்டு திட்டத்தின் கீழ் நெற்பயிருக்கு விவசாயிகள் பதிவு செய்யலாம் - கலெக்டர் வீரராகவ ராவ் தகவல்
பயிர் காப்பீட்டு திட்டத்தின் கீழ் சம்பா நெற்பயிருக்கு விவசாயிகள் பதிவு செய்து கொள்ளலாம் என்று மாவட்ட கலெக்டர் வீரராகவ ராவ் தெரிவித்துள்ளார்.

ராமநாதபுரம்,

பிரதம மந்திரியின் பயிர் காப்பீட்டு திட்டம் விவசாயிகளுக்கு எதிர்பாராமல் ஏற்படும் இழப்புகளில் இருந்து பாதுகாக்கவும், பண்ணை வருவாயை நிலைப்படுத்தவும் மற்றும் அதிநவீன தொழில்நுட்பங்களை கடைப்பிடிப்பதை ஊக்குவிக்கவும் 2018–19–ம் ஆண்டின் தமிழ்நாட்டில் சம்பா, தாளடி, பிசான பருவத்தில் சாகுபடி செய்யப்படும் நெற்பயிரை பிரதம மந்திரியின் பயிர் காப்பீட்டு திட்டத்தின் கீழ் காப்பீடு செய்ய அரசாணை வெளியிடப்பட்டுள்ளது.

இதன்படி நடப்பாண்டில் ராமநாதபுரம் மாவட்டத்தில் 400 வருவாய் கிராமங்கள் அறிவிக்கை செய்யப்பட்டுள்ளன. இத்திட்டத்தின்கீழ் கடன் பெறும் விவசாயிகள் தாங்கள் கடன் பெறும் வங்கிகளில் கட்டாயமாக பயிர் காப்பீட்டு திட்டத்தில் பதிவு செய்யப்படுவர். கடன்பெறா விவசாயிகள் ராமநாதபுரம் மாவட்டத்தில் பொது சேவை மையங்கள் மூலமாகவோ வங்கிகள், தொடக்க வேளாண்மை கூட்டுறவு சங்கங்கள் மூலமாகவோ விருப்பத்தின் பேரில் பதிவு செய்து கொள்ளலாம்.

சம்பா பருவத்தில் நெற்பயிரிடும் விவசாயிகள் இத்திட்டத்தில் பதிவு செய்ய வருகிற 30–ந்தேதி கடைசி நாளாகும். எனவே விவசாயிகள் இறுதி நேர நெரிசலை தவிர்க்கவும், விண்ணப்பங்கள் விடுபடாமல் இருக்கவும் முன்கூட்டியே காப்பீட்டு தொகை செலுத்தி பதிவு செய்து பயன்பெறலாம்.

காப்பீட்டு தொகையில் விவசாயிகள் 1.5 சதவீதம் மட்டும் அதாவது ஏக்கருக்கு ரூ.341 காப்பீட்டு கட்டணமாக செலுத்தினால் போதுமானது. பதிவு செய்யும்போது முன்மொழிவு விண்ணப்பத்துடன், பதிவு விண்ணப்பம், கிராம நிர்வாக அலுவலர் வழங்கும் அடங்கல், வங்கி கணக்கு புத்தகத்தின் முதல் பக்க நகல், ஆதார் அட்டை நகல் ஆகியவற்றை இணைத்து கட்டண தொகையை செலுத்த வேண்டும். அதற்கான ரசீதை பொதுச்சேவை மையங்கள், தொடக்க வேளாண்மை கூட்டுறவு சங்கங்களில் பெற்றுக்கொள்ளலாம். இந்த தகவலை மாவட்ட கலெக்டர் வீரராகவ ராவ் தெரிவித்தார்.



தொடர்புடைய செய்திகள்

1. ‘கஜா’ புயலால் பயிர்களுக்கு ஏற்பட்ட சேத மதிப்பு எவ்வளவு? அறிக்கை தாக்கல் செய்ய அதிகாரிகளுக்கு கலெக்டர் உத்தரவு
திருச்சி மாவட்டத்தில் ‘கஜா’ புயலால் பயிர்களுக்கு ஏற்பட்ட சேத மதிப்பு எவ்வளவு என்ற விவரத்தை 3 நாட்களில் அறிக்கையாக தயாரித்து தாக்கல் செய்ய வேண்டும் என அதிகாரிகளுக்கு கலெக்டர் ராஜாமணி உத்தரவிட்டு உள்ளார்.
2. கஜா புயலால் பாதிக்கப்பட்ட மாவட்டங்களுக்கு மருத்துவம், மீட்பு பணிக்குழு; கலெக்டர் வழியனுப்பி வைத்தார்
கஜா புயலால் பாதிக்கப்பட்டுள்ள மாவட்டங்களுக்கு உதவிக்கரம் நீட்டும் விதமாக மருத்துவம் மற்றும் மீட்புப் பணிக்குழுவினரை கலெக்டர் வழியனுப்பி வைத்தார்.
3. கஜா புயலில் பாதிக்கப்பட்டவர்களுக்கு நிவாரண பொருட்கள் வழங்கலாம் - கலெக்டர் கதிரவன் வேண்டுகோள்
கஜா புயலில் பாதிக்கப்பட்டவர்களுக்கு நிவாரண பொருட்கள் வழங்கலாம் என்று கலெக்டர் கதிரவன் வேண்டுகோள் விடுத்து உள்ளார்.
4. கஜா புயல் பாதிப்பு; பொங்கல் திருவிழாவுக்காக பயிரிடப்பட்ட கரும்பு– மஞ்சள் பயிர்கள் நாசம்- இழப்பீடு வழங்க விவசாயிகள் கோரிக்கை
கஜா புயல் பாதிப்பையொட்டி திருப்பத்தூர் அருகே பொங்கல் விழாவிற்காக பயிரிடப்பட்ட கரும்பு மற்றும் மஞ்சள் செடிகள் முற்றிலும் சேதமாகியது. இதற்கான இழப்பீட்டு தொகையை உடனடியாக வழங்க வேண்டும் என்று விவசாயிகள் கோரிக்கை விடுத்துள்ளனர்.
5. கேமாரி நோய் தாக்குதல்: கால்நடைகளை இழந்த விவசாயிகளுக்கு இழப்பீடு - அமைச்சர் கே.ஏ.செங்கோட்டையன் தகவல்
கேமாரி நோய் தாக்குதலில் கால்நடைகளை இழந்த விவசாயிகளுக்கு இழப்பீடு வழங்கப்படும் என்று அமைச்சர் கே.ஏ.செங்கோட்டையன் கூறினார்.