மாவட்ட செய்திகள்

மத்திய அரசு துறைகளில் ஜூனியர் என்ஜினீயர் பணியிடங்களுக்கான தேர்வு + "||" + Junior Engineer vacancies in central government departments

மத்திய அரசு துறைகளில் ஜூனியர் என்ஜினீயர் பணியிடங்களுக்கான தேர்வு

மத்திய அரசு துறைகளில் ஜூனியர் என்ஜினீயர் பணியிடங்களுக்கான தேர்வு
மத்திய அரசு துறைகளில் ஜூனியர் என்ஜினீயர் பணியிடங்களை நிரப்ப அறிவிப்பு வெளியாகி உள்ளது. இது பற்றிய விவரம் வருமாறு:-
மத்திய அரசுப் பணியாளர் தேர்வாணையங்களில் ஒன்றான ஸ்டாப் செலக்சன் கமிஷன் (எஸ்.எஸ்.சி.) மத்திய அரசு துறைகளில் ஏற்படும் பல்வேறு பணியிடங்களை நிரப்பும் அமைப்பாக விளங்குகிறது. தற்போது மத்திய அரசு துறைகளில் ஜூனியர் என்ஜினீயர் பணியிடங்களை நிரப்பும் தேர்வான “ஜூனியர் என்ஜினீயர் எக்ஸாம் -2018” தேர்வு அறிவிப்பை இந்த அைமப்பு வெளியிட்டுள்ளது.

சிவில், எலக்ட்ரிக்கல், மெக்கானிக்கல், குவான்டிட்டி சர்வேயிங் அண்ட் காண்டிராக்ட் பிரிவில் பணியிடங்கள் நிரப்பப்படுகிறது. காலியிடங்களின் எண்ணிக்கையை பற்றிய அறிவிப்பு விரைவில் வெளியாகும் என்று எதிர்பார்க்கப்படுகிறது. மத்திய தண்ணீர் வாரியம், ஊரக வளர்ச்சித்துறை, ராணுவம் மற்றும் பாதுகாப்புத்துறை, தொழில்நுட்ப ஆராய்ச்சித்துறை உள்ளிட்ட பல்வேறு அரசுத்துறைகளில் பணியிடங்கள் நிரப்பப்பட உள்ளது.

இந்த பணிகளுக்கு விண்ணப்பிக்க விரும்புபவர்கள் பெற்றிருக்க வேண்டிய தகுதி விவரங்களை இனி பார்க்கலாம்....

வயது வரம்பு

ஒவ்வொரு துறை என்ஜினீயரிங் பணிக்கும் வயது வரம்பு வேறுபடுகிறது. அதிகபட்சம் 32 வயதுக்கு உட்பட்டவர்களுக்கு பணியிடங்கள் உள்ளன. மத்திய அரசு விதிகளின்படி குறிப்பிட்ட பிரிவினருக்கு வயது வரம்பு தளர்வும் அனுமதிக்கப்படுகிறது.

கல்வித்தகுதி

சிவில், எலக்ட்ரிக்கல், மெக்கானிக்கல் போன்ற பிரிவில் டிப்ளமோ என்ஜினீயரிங் படித்தவர்கள் விண்ணப்பிக்கலாம். சில பணிகளுக்கு பட்டப்படிப்பு படித்தவர்களும் விண்ணப்பிக்கலாம். குறிப்பிட்ட பணி அனுபவம் அவசியம். அந்தந்த பணிக்கான சரியான கல்வித்தகுதி, வயது வரம்பு, பணி அனுபவ விவரங்களை இணையதளத்தில் பார்க்கலாம்.

கட்டணம்

பொது மற்றும் ஓ.பி.சி. பிரிவினர் ரூ.100 கட்டணம் செலுத்தி விண்ணப்பிக்க வேண்டும். மற்றவர்கள் இந்த கட்டணத்தில் இருந்து விதி விலக்கு அளிக்கப்படுகிறது.

விண்ணப்பிக்கும் முறை

விருப்பமும், தகுதியும் உள்ளவர்கள் இணைய தளம் வழியாக விண்ணப்பம் சமர்ப்பிக்கலாம். பிப்ரவரி 25-ந் தேதி விண்ணப்பிக்க கடைசி நாளாகும். வங்கி வழியாக கட்டணம் செலுத்த கடைசிநாள் பிப்ரவரி 27-ந் தேதியாகும். இதற்கான கணினி தேர்வு செப்டம்பர் 23 முதல் 27-ந் தேதி வரையும், இரண்டாம் தாள் தேர்வு டிசம்பர் 29-ந் தேதியும் நடத்த உத்தேசிக்கப்பட்டுள்ளது.

இது பற்றிய விரிவான விவரங்களை அறிந்து கொள்ள https://ssc.nic.in/ என்ற இணையதள பக்கத்தைப் பார்க்கலாம்.. 

தொடர்புடைய செய்திகள்

1. பஞ்சாப் நேஷனல் வங்கியில் 325 அதிகாரி பணிகள்
பஞ்சாப் நேஷனல் வங்கியில் 325 அதிகாரி பணியிடங்கள் அறிவிக்கப்பட்டு உள்ளன. இது பற்றிய விரிவான விவரம் வருமாறு:-
2. வேளாண் கிட்டங்கிகளில் 571 பணியிடங்கள்
மத்திய விவசாய விளைபொருள் பாதுகாப்பு கிட்டங்கிகளில் 571 பணியிடங்கள் நிரப்பப்படுகிறது. பட்டதாரிகள் இந்த பணிகளுக்கு விண்ணப்பிக்கலாம். இது பற்றிய விரிவான விவரம் வருமாறு:-
3. எய்ம்ஸ் மருத்துவ மையங்களில் கற்பித்தல் மற்றும் அலுவலக பணிகளுக்கு 247 இடங்கள்
எய்ம்ஸ் மருத்துவ மையத்தில் பேராசிரியர் மற்றும் ஸ்டெனோ, பார்மசிஸ்ட் போன்ற பணிகளுக்கு 247 பேர் தேர்வு செய்யப்படுகிறார்கள். இது பற்றிய விவரம் வருமாறு:-
4. திருச்சி என்.ஐ.டி.யில் உதவி பேராசிரியர் பணி - 134 பேர் தேர்வு செய்யப்படுகிறார்கள்
திருச்சி என்.ஐ.டி. கல்வி நிறுவனத்தில் உதவி பேராசிரியர் பணிக்கு 134 பேரை தேர்வு செய்ய அறிவிப்பு வெளியாகி உள்ளது. இது பற்றிய விவரம் வருமாறு:-
5. அணுசக்தி ஆராய்ச்சி மையத்தில் வேலை
பாபா அணுசக்தி ஆராய்ச்சி மையத்தில் அப்பர் டிவிஷன் கிளார்க், ஸ்டெனோகிராபர் உள்ளிட்ட பணியிடங்களுக்கு அறிவிப்பு வெளியாகி உள்ளது. மொத்தம் 60 பேர் தேர்வு செய்யப் படுகிறார்கள்.

ஆசிரியரின் தேர்வுகள்...