மாவட்ட செய்திகள்

தனியார் மண் குவாரி உரிமத்தை ரத்து செய்யக்கோரி 2-வது நாளாக பொதுமக்கள் உண்ணாவிரதம் + "||" + The public fast for the 2nd day to cancel the private soil quarry license

தனியார் மண் குவாரி உரிமத்தை ரத்து செய்யக்கோரி 2-வது நாளாக பொதுமக்கள் உண்ணாவிரதம்

தனியார் மண் குவாரி உரிமத்தை ரத்து செய்யக்கோரி 2-வது நாளாக பொதுமக்கள் உண்ணாவிரதம்
திருக்கடையூர் அருகே தனியார் மண் குவாரி உரிமத்தை ரத்து செய்யக்கோரி 2-வது நாளாக பொதுமக்கள் உண்ணாவிரதத்தில் ஈடுபட்டனர். மேலும் பொதுமக்கள் ரேஷன் கார்டை அரசிடம் திருப்பி ஓப்படைத்து, நாடாளுமன்ற தேர்தலை புறக்கணிக்க முடிவு செய்து உள்ளனர்.
திருக்கடையூர்,

நாகை மாவட்டம், திருக்கடையூர் அருகே பிள்ளைபெருமாள்நல்லூர் ஊராட்சிக்கு உட்பட்ட திருமெய்ஞானம் கிராமம் உள்ளது. இங்கு சில ஆண்டுகளுக்கு முன்பு மண் குவாரி அமைக்க அரசு அனுமதி வழங்கப்பட்டது. மண் குவாரியால் நிலத்தடிநீர்மட்டம் குறைந்து குடிநீர் தட்டுப்பாடு ஏற்படுவதுடன் விளைநிலங்கள் பாதிக்கப்படும் என்றும், குவாரி அருகே மயானம் உள்ளதால் மண்ணரிப்பு ஏற்படும் என்றும் கிராம மக்கள் எதிர்ப்பு தெரிவித்தனர். இதனால் மண் குவாரிக்கு அனுமதி வழங்கக்கூடாது, மண் குவாரிக்கான உரிமத்தை ரத்து செய்ய வேண்டும் என்று கிராம மக்கள், பலமுறை அதிகாரிகளிடம் கோரிக்கை மனு அளித்தனர். ஆனால் இதுகுறித்து எந்த நடவடிக்கையும் எடுக்கவில்லை.


இந்த நிலையில் நேற்று முன்தினம் திருமெய்ஞானம் கிராம பொதுநல சங்க தலைவர் முனுசாமி தலைமையில் 100-க்கும் மேற்பட்ட பொதுமக்கள் தனியார் மண் குவாரி உரிமத்தை ரத்து செய்ய கோரி உண்ணாவிரதத்தில் ஈடுபட்டனர். இந்த உண்ணாவிரதம் நேற்று 2-வது நாளாக நீடித்தது. அப்போது பொதுமக்கள், மண் குவாரி உரிமத்தை ரத்து செய்யவில்லையென்றால் ரேஷன் கார்டை அரசிடம் திருப்பி கொடுப்போம் என்றும், வருகிற நாடாளுமன்ற தேர்தலை புறக்கணிப்போம் என்றும் தெரிவித்தனர்.

தொடர்புடைய செய்திகள்

1. துறையூர் அருகே 3 கரடிகள் நடமாட்டம்; பொதுமக்கள் அச்சம்
துறையூர் அருகே 3 கரடிகள் நடமாட்டம் உள்ளதால் பொதுமக்கள் அச்சமடைந்துள்ளனர்.
2. திருவாரூர் ஓடம்போக்கி ஆற்றை தூர்வார வேண்டும் பொதுமக்கள் கோரிக்கை
திருவாரூர் ஓடம்போக்கி ஆற்றை தூர்வார நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.
3. காவிரி கூட்டுக்குடிநீர் வினியோகம் பாதிப்பு யூனியன் அலுவலகத்தில் பொதுமக்கள் முற்றுகை
ஆதியூர் கிராமத்தில் காவிரி கூட்டுக்குடிநீர் வினியோகம் பாதிக்கப்பட்டதால் யூனியன் அலுவலகத்தில் பொதுமக்கள் முற்றுகையிட்டனர்.
4. குடிநீர் கேட்டு பெரம்பலூர் ஊராட்சி ஒன்றிய அலுவலகத்தை பொதுமக்கள் முற்றுகை
குடிநீர் கேட்டு பெரம்பலூர் ஊராட்சி ஒன்றிய அலுவலகத்தை பொதுமக்கள் முற்றுகையிட்டதால் பரபரப்பு ஏற்பட்டது.
5. புயல் நிவாரணம் வழங்காததை கண்டித்து நாடாளுமன்ற தேர்தல் புறக்கணிப்பு பொதுமக்கள் அறிவிப்பு
கஜா புயல் நிவாரணம் வழங்காததை கண்டித்து நாடாளுமன்ற தேர்தலை புறக்கணிப்பதாக பொதுமக்கள் அறிவித்துள்ளனர்.