மாவட்ட செய்திகள்

பட்டத்தரசி அம்மன் கோவிலில் சிலை திருட்டு: மேலும் ஒருவர் கைது 4-ந் தேதி வரை காவலில் வைக்க உத்தரவு + "||" + Theft of the statue at the Pattadassery Amman temple was also ordered to be kept in custody till 4th

பட்டத்தரசி அம்மன் கோவிலில் சிலை திருட்டு: மேலும் ஒருவர் கைது 4-ந் தேதி வரை காவலில் வைக்க உத்தரவு

பட்டத்தரசி அம்மன் கோவிலில் சிலை திருட்டு: மேலும் ஒருவர் கைது 4-ந் தேதி வரை காவலில் வைக்க உத்தரவு
கோவை பாப்பநாயக்கன்பாளையம் பட்டத்தரசி அம்மன் கோவிலை உடைத்து சிலை திருடிய வழக்கில் மேலும் ஒருவரை போலீசார் கைது செய்தனர். அவரை 4-ந் தேதி வரை காவலில் வைக்க நீதிபதி உத்தரவிட்டார்.
கும்பகோணம்,

கோவை மாவட்டம் பாப்பநாயக்கன்பாளையத்தில் பிரசித்தி பெற்ற பட்டத்தரசி அம்மன் கோவில் உள்ளது. இக்கோவிலில் கடந்த 12-ந் தேதி பூட்டை உடைத்து 2½ அடி உயரமுள்ள ரூ.5 லட்சம் மதிப்பிலான பட்டத்து அரசிஅம்மன் ஐம்பொன் சிலை, கோவில் உண்டியலில் இருந்த பணம், தங்க நகைகளை மர்ம நபர்கள் திருடி சென்றனர். இது குறித்து கோவில் செயல் அலுவலர் ரமேஷ்குமார் கோவை ரேஸ்கோர்ஸ் போலீஸ் நிலையத்தில் புகார் கொடுத்தார்


இதன் புகாரின் பேரில் போலீசார் வழக்குப்பதிவு செய்து பாப்பநாயக்கன் பாளையத்தை சேர்ந்த மருதாசலம் மகன் தண்டபாணி (வயது 32) என்பவரை கடந்த 13-ந் தேதி கைது செய்தனர். மேலும் அவரிடமிருந்து பட்டத்தரசி அம்மன் ஐம்பொன் சிலையை பறிமுதல் செய்து, கோவில் செயல் அலுவலரிடம் ஒப்படைத்தனர். இந்த வழக்கில் மேலும் ஒருவரை போலீசார் தேடி வந்தனர்.

இந்நிலையில் இந்த சிலை திருட்டு வழக்கில் தொடர்புடைய, கோவை, புலியங்குளம், ஏரிமேடு பகுதியை சேர்ந்த கோபால் மகன் முருகன்(26) என்பவரை போலீசார் கைது செய்து கும்பகோணம் கோர்ட்டில் ஆஜர்படுத்தினர். முருகனை அடுத்த மாதம்(மார்ச்) 4-ந் தேதி(திங்கட்கிழமை) வரை காவலில் வைக்க நீதிபதி அய்யப்பன்பிள்ளை உத்தரவிட்டார். இதைத்தொடர்ந்து முருகனை போலீசார் திருச்சி மத்திய சிறையில் அடைத்தனர். கோவை பட்டத்தரசியம்மன் கோவில் சிலை திருட்டு வழக்கில் இதுவரை 2 பேர் கைது செய்யப்பட்டுள்ளனர் என்பது குறிப்பிடத்தக்கது.

தொடர்புடைய செய்திகள்

1. திருப்பூரில் பட்டப்பகலில் துணிகரம்: கலெக்டர் அலுவலக பெண் ஊழியர் வீட்டில் ரூ.14 லட்சம் திருட்டு மர்ம ஆசாமிகள் கைவரிசை
திருப்பூரில் பட்டப்பகலில் கலெக்டர் அலுவலக பெண் ஊழியர் வீட்டில் பூட்டை உடைத்து ரூ.14 லட்சத்தை மர்ம ஆசாமிகள் துணிகரமாக திருடி சென்றனர். அவர்களை போலீசார் தேடி வருகின்றனர்.
2. திருட்டு, கொள்ளையில் ஈடுபட்ட பெண் உள்பட 22 பேர் கைது
பெங்களூருவில் திருட்டு, கொள்ளையில் ஈடுபட்ட பெண் உள்பட 22 பேர் கைது செய்யப்பட்டுள்ளனர். அவர்களிடம் இருந்து ரூ.61 லட்சம் மதிப்பிலான நகைகள், வாகனங்கள் மீட்கப்பட்டுள்ளன.
3. தஞ்சை திருமண மண்டபத்தில் மணமகளுக்கு சொந்தமான 60 பவுன் நகை திருட்டு
தஞ்சை திருமண மண்டபத்தில் மணமகளுக்கு சொந்தமான 60 பவுன் நகையை திருடிச் சென்ற மர்மநபர், போலீசாரை கண்டதும் நகையை போட்டுவிட்டு தப்பி சென்றுவிட்டார்.
4. பண்ருட்டியில், ஆசிரியர் தம்பதி வீட்டில் திருடிய வாலிபர் கைது
பண்ருட்டியில் ஆசிரியர் தம்பதி வீட்டில் திருடிய வாலிபரை போலீசார் கைது செய்தனர்.
5. அரக்கோணம் அருகே, 2 டாஸ்மாக் கடைகளில் ரூ.1½ லட்சம் கொள்ளை - பூட்டுகளை உடைத்து மர்மநபர்கள் கைவரிசை
அரக்கோணம் அருகே 2 டாஸ்மாக் கடைகளில் பூட்டை உடைத்து மர்மநபர்கள் ரூ.1½ லட்சத்தை கொள்ளையடித்துச்சென்றுள்ளனர்.