மாவட்ட செய்திகள்

நாமக்கல்லில் வாக்காளர் விழிப்புணர்வு மனிதசங்கிலி கலெக்டர் ஆசியாமரியம் தலைமையில் நடந்தது + "||" + The voter awareness in the Namakkal was conducted by Human chain Collector Asia Asia

நாமக்கல்லில் வாக்காளர் விழிப்புணர்வு மனிதசங்கிலி கலெக்டர் ஆசியாமரியம் தலைமையில் நடந்தது

நாமக்கல்லில் வாக்காளர் விழிப்புணர்வு மனிதசங்கிலி கலெக்டர் ஆசியாமரியம் தலைமையில் நடந்தது
நாமக்கல்லில் நேற்று வாக்காளர் விழிப்புணர்வு மனித சங்கிலி நிகழ்ச்சி கலெக்டர் ஆசியா மரியம் தலைமையில் நடந்தது.
நாமக்கல்,

இந்திய தேர்தல் ஆணையம், வாக்காளர்கள் அனைவரும் வாக்களிக்க வேண்டும் என்பதற்காக பல்வேறு வசதிகள் செய்து வருகிறது. அதன்படி 18 வயது நிரம்பியவர்கள் அனைவரையும் வாக்காளர் பட்டியலில் இடம் பெற செய்வதற்காக விழிப்புணர்வு ஏற்படுத்தப்பட்டு வருகிறது.


மேலும் வாக்காளர்கள், வாக்காளராக பதிவு செய்ய தேவையான தகவல்கள் மற்றும் தாங்கள் எந்த வாக்குசாவடிகளில் வாக்களிக்க வேண்டும் என்ற விவரத்தை தங்களின் பெயர் மற்றும் தந்தையின் பெயரை கலெக்டர் அலுவலகத்தில் உள்ள தேர்தல் பிரிவின் இலவச தொடர்பு எண் 1950-ஐ தொடர்பு கொண்டு தெரிவித்து, அறிந்துக்கொள்ளும் வசதியும் செய்யப்பட்டு உள்ளது.

அதேபோல், இதே விவரங்களை ஸ்மார்ட் போனில் ‘வோட்டர் ஹெல்ப் லைன்’ என்ற செயலியின் மூலம் எளிதில் தெரிந்துகொள்ளும் வசதியும் தேர்தல் ஆணையம் செய்து தந்துள்ளது. மேலும் தேர்தல் ஆணையம் அனைத்து வாக்காளர்களையும் தேர்தல் நாளன்று வாக்களிக்க செய்ய கலைநிகழ்ச்சிகள் மற்றும் ஊர்வலங்கள் மூலமாக விழிப்புணர்வை ஏற்படுத்தி வருகிறது.

இதுதவிர பொதுமக்களை கவரும் வகையில் செய்தி மக்கள் தொடர்புத்துறையின் அதிநவீன வசதிகளுடன் கூடிய மின்னணுதிரை வாகனத்தின் மூலமாக இந்திய தேர்தல் ஆணையத்தின் வாக்காளர் விழிப்புணர்வு குறும்படம் ஒளிபரப்பப்பட்டு தேர்தல் குறித்து விழிப்புணர்வு ஏற்படுத்தப்பட்டு வருகிறது.

இதற்கிடையே நாமக்கல் மாவட்ட கலெக்டர் அலுவலக வளாகத்தில் வாக்காளர் விழிப்புணர்வு மனித சங்கிலி நிகழ்ச்சி கலெக்டர் ஆசியா மரியம் தலைமையில் நேற்று நடைபெற்றது. இந்த விழிப்புணர்வு மனித சங்கிலி நிகழ்ச்சியில் தனியார் பாலிடெக்னிக் கல்லூரி மாணவர்கள், மகளிர் சுய உதவிக்குழுவினர் என 250-க்கும் மேற்பட்டவர்கள் பங்கேற்றனர்.

இதில் நாமக்கல் சப்-கலெக்டர் கிராந்தி குமார், மாவட்ட ஊரக வளர்ச்சி முகமை திட்ட இயக்குனர் மலர்விழி, மகளிர் திட்ட இயக்குனர் டாக்டர் மணி, ரெட்கிராஸ் ஒருங்கிணைப்பாளர் ராஜேஸ்கண்ணன் மற்றும் பலர் கலந்து கொண்டனர்.

தொடர்புடைய செய்திகள்

1. குமரி மாவட்டத்தில் உரிமம் பெற்ற 300 துப்பாக்கிகள் போலீசில் ஒப்படைப்பு
குமரி மாவட்டத்தில் உரிமம் பெற்ற 300 துப்பாக்கிகள் போலீசில் ஒப்படைக்கப்பட்டு உள்ளது.
2. தேர்தல் நடத்தை விதிமுறைகள் அமல்: பேனர்கள், சுவரொட்டிகளை உடனடியாக அகற்ற வேண்டும் கலெக்டர் பிரபாகர் உத்தரவு
தேர்தல் நடத்தை விதிமுறைகள் அமலுக்கு வந்துள்ளதால் பேனர்கள், சுவரொட்டிகளை உடனடியாக அகற்றிட வேண்டும் என்று கலெக்டர் பிரபாகர் கூறினார்.
3. பெரம்பலூர் மாவட்டத்தில் தேர்தல் நடத்தை விதிமுறைகளை அமல்படுத்துவதில் தாமதம்
பெரம்பலூர் மாவட்டத்தில் தேர்தல் நடத்தை விதிமுறைகளை அமல்படுத்துவதில் காலதாமதம் ஏற்பட்டுள்ளது.
4. ‘அடுத்து வரும் தேர்தல்களில் தி.மு.க.வுக்கு வெற்றி உறுதி’ மு.க.ஸ்டாலின் பேச்சு
அடுத்து வர இருக்கின்ற சட்டமன்ற இடைத்தேர்தல் மற்றும் நாடாளுமன்ற தேர்தலில் தி.மு.க.வின் வெற்றி உறுதி என்று மு.க.ஸ்டாலின் கூறினார்.
5. தேர்தல் தேதி அறிவித்தவுடன் யாருடன் கூட்டணி என தெரிவிக்கப்படும் ரங்கசாமி பேட்டி
வரும் நாடாளுமன்ற தேர்தலில் யாருடன் கூட்டணி என்பது குறித்து, தேர்தல் தேதி அறிவித்தவுடன் தெரிவிக்கப்படும் என, புதுச்சேரி முன்னாள் முதல்-அமைச்சர் ரங்கசாமி அறிவித்துள்ளார்.