மாவட்ட செய்திகள்

சென்னை விமான நிலையத்தில் பெண் ஊழியர் திடீர் சாவு உறவினர்கள் முற்றுகையால் பரபரப்பு + "||" + Chennai airport Female employee sudden death The siege of relatives

சென்னை விமான நிலையத்தில் பெண் ஊழியர் திடீர் சாவு உறவினர்கள் முற்றுகையால் பரபரப்பு

சென்னை விமான நிலையத்தில் பெண் ஊழியர் திடீர் சாவு உறவினர்கள் முற்றுகையால் பரபரப்பு
சென்னை விமான நிலையத்தில் வாகன சுங்கச்சாவடியில் பெண் ஊழியர் திடீரென இறந்தார். அவரது சாவில் மர்மம் இருப்பதாக தனியார் நிறுவன அலுவலகத்தில் உறவினர்கள் முற்றுகையிட்டதால் பரபரப்பு ஏற்பட்டது.
ஆலந்தூர்,

சென்னை மீனம்பாக்கம் விமான நிலையத்தில் வாகனங்களுக்கு சுங்க கட்டணம் வசூலிக்கும் பணியை தனியார் நிறுவனம் செய்து வருகிறது. இந்த நிறுவனம் சார்பில், சுங்கச்சாவடியில் வாகன ஓட்டிகளிடம் கட்டணம் வசூலிக்கும் பணியில் திரிசூலத்தை சேர்ந்த அருள் என்பவருடைய மனைவி கவுரி(வயது 40) ஈடுபட்டு வந்தார்.


நேற்று காலை வழக்கம்போல் பணியில் இருந்த கவுரி, திடீரென மயங்கி விழுந்தார். உடனடியாக அவரை அங்கிருந்த மற்ற ஊழியர்கள் மீட்டு விமான நிலையத்தில் உள்ள தனியார் மருத்துவமனைக்கு அழைத்துச் சென்றனர். அங்கு பரிசோதித்து பார்த்த டாக்டர்கள், கவுரி மாரடைப்பால் இறந்துவிட்டதாக தெரிவித்தனர்.

கவுரி இறந்த தகவல் அறிந்ததும் அவரது உறவினர்கள் 50-க்கும் மேற்பட்டோர் விமான நிலையத்தில் உள்ள அந்த தனியார் நிறுவன அலுவலகத்தை முற்றுகையிட்டனர். இதுபற்றி தகவல் அறிந்ததும் விமான நிலைய போலீசார் அங்கு விரைந்து வந்தனர். போலீசாருடன், கவுரியின் உறவினர்கள் வாக்குவாதத்தில் ஈடுபட்டதால் பரபரப்பு ஏற்பட்டது.

அப்போது போலீசாரிடம் கவுரியின் உறவினர்கள், “கடந்த 15 ஆண்டுகளாக கவுரி இந்த சுங்கச்சாவடியில் வேலை பார்த்து வந்தார். அவரது சாவில் மர்மம் உள்ளது” என்றனர்.

இது தொடர்பாக முறையாக புகார் தாருங்கள். அதன்மீது உரிய நடவடிக்கை எடுக் கப்படும் என்று போலீசார் தெரிவித்தனர். இதையடுத்து அவர்கள் முற்றுகையை கை விட்டு கலைந்து சென்றனர்.

இதுபற்றி விமான நிலைய போலீசார் வழக்குப்பதிவு செய்து, கவுரியின் உடலை மீட்டு பிரேத பரிசோதனைக்கு அனுப்பி வைத்தனர்.

தற்போது சென்னையில் கடுமையான வெயில் கொளுத்துகிறது. இந்த வெயில் கொடுமையால் கவுரி இறந்தாரா? அல்லது வேறு காரணம் உள்ளதா? என்பது குறித்து போலீசார் விசாரித்து வருகின்றனர்.

எனினும் பிரேத பரிசோதனை அறிக்கை வந்த பிறகே கவுரியின் சாவுக்கு உண்மையான காரணம் என்ன? என்பது தெரியவரும் என போலீசார் தெரிவித்தனர்.

தொடர்புடைய செய்திகள்

1. சென்னை விமான நிலையத்தில் ரூ.19 லட்சம் தங்கம் பறிமுதல் இலங்கை பெண்ணிடம் விசாரணை
கொழும்பில் இருந்து சென்னைக்கு கடத்தி வரப்பட்ட ரூ.18 லட்சத்து 80 ஆயிரம் மதிப்புள்ள தங்க நகைகளை பறிமுதல் செய்த சுங்க இலாகா அதிகாரிகள், இதுதொடர்பாக இலங்கை பெண்ணிடம் விசாரித்து வருகின்றனர்.
2. சிங்கப்பூர், சவுதிஅரேபியா, தாய்லாந்தில் இருந்து கடத்தல்: சென்னை விமான நிலையத்தில் ரூ.1 கோடி தங்கம் சிக்கியது
சிங்கப்பூர், சவுதி அரேபியா மற்றும் தாய்லாந்தில் இருந்து கடத்திவரப்பட்ட ரூ.1 கோடி மதிப்புள்ள தங்கத்தை சென்னை விமான நிலையத்தில் அதிகாரிகள் பறிமுதல் செய்தனர்.
3. மலேசியா, சார்ஜாவில் இருந்து கடத்தல் சென்னை விமான நிலையத்தில் ரூ.50 லட்சம் தங்கம் பறிமுதல்
சென்னை விமான நிலையத்தில் மலேசியா, சார்ஜாவில் இருந்து கடத்தி வரப்பட்ட ரூ.50 லட்சம் மதிப்புள்ள தங்கத்தை சுங்க இலாகா அதிகாரிகள் பறிமுதல் செய்தனர்.
4. சென்னை விமான நிலையத்தில் மருந்து பொருட்களை திருடி போதை கும்பலுக்கு விற்ற ஊழியர்கள் 2 ஆண்டுகளுக்கு பின்னர் சிக்கினர்
சென்னை விமான நிலைய சரக்ககப்பிரிவில் மலேசியாவுக்கு ஏற்றுமதி செய்ய கொண்டு வரப்பட்ட மருந்து பொருட்களை திருடி, போதை கும்பலுக்கு விற்ற முன்னாள் ஊழியர்கள் 4 பேரை, 2 ஆண்டுகளுக்கு பிறகு போலீசார் கைது செய்தனர்.
5. சென்னை விமான நிலையத்தில் ரூ.58 லட்சம் கடத்தல் தங்கம் பறிமுதல்
சென்னை விமான நிலையத்தில் கொழும்பு, மலேசியாவில் இருந்து கடத்தி வரப்பட்ட ரூ.58 லட்சத்து 55 ஆயிரம் மதிப்புள்ள தங்கத்தை சுங்க இலாகா அதிகாரிகள் பறிமுதல் செய்தனர்.