மாவட்ட செய்திகள்

திண்டிவனத்தில், ஸ்கூட்டர் மீது பஸ் மோதல் - நகைக்கடை உரிமையாளர் பலி + "||" + At Tindivanam, Bus clashes on scooter - Jewelry owner kills

திண்டிவனத்தில், ஸ்கூட்டர் மீது பஸ் மோதல் - நகைக்கடை உரிமையாளர் பலி

திண்டிவனத்தில், ஸ்கூட்டர் மீது பஸ் மோதல் - நகைக்கடை உரிமையாளர் பலி
திண்டிவனத்தில் ஸ்கூட்டர் மீது தனியார் கல்லூரி பஸ் மோதிய விபத்தில் நகைக்கடை உரிமையாளர் பரிதாபமாக உயிரிழந்தார்.
திண்டிவனம்,

திண்டிவனம் ராஜாஜி வீதியை சேர்ந்தவர் தரம்சந்த் மகன் முகேஷ்குமார் (வயது 38). இவர் திண்டிவனம் நேரு வீதியில் நகைக்கடை வைத்து நடத்தி வந்தார். இவருக்கு கவிதா(36) என்ற மனைவியும், ஹீராலி(12), டிபாலி(10) என்ற 2 பெண் குழந்தைகளும் உள்ளனர். இந்த நிலையில் நேற்று மதியம் முகேஷ்குமார் சாப்பிட்டு விட்டு, நகைக்கடைக்கு ஸ்கூட்டரில் புறப்பட்டார்.

ராஜாஜி வீதியில் சென்று கொண்டிருந்த போது, எதிரே வந்த தனியார் கல்லூரி பஸ், முகேஷ்குமார் ஓட்டிச்சென்ற ஸ்கூட்டர் மீது மோதியது. இதில் ஸ்கூட்டருடன் கீழே விழுந்த முகேஷ்குமார் பஸ்சின் பின்பக்க சக்கரத்தில் சிக்கி உடல் நசுங்கி சம்பவ இடத்திலேயே பரிதாபமாக உயிரிழந்தார்.

இதுபற்றி தகவல் அறிந்த திண்டிவனம் போலீசார் சம்பவ இடத்துக்கு விரைந்து வந்து, விபத்தில் பலியான முகேஷ்குமாரின் உடலை பார்வையிட்டு அங்கிருந்தவர்களிடம் விசாரணை நடத்தினர். பின்னர் அவரது உடலை கைப்பற்றி பிரேத பரிசோதனைக்காக திண்டிவனம் அரசு மருத்துவமனைக்கு அனுப்பி வைத்தனர். மேலும் இதுகுறித்த புகாரின் பேரில் போலீசார் வழக்குப்பதிவு செய்து விசாரணை நடத்தி வருகின்றனர்.

தொடர்புடைய செய்திகள்

1. பள்ளி வேன் மோதி, மோட்டார்சைக்கிளில் இருந்து தவறி விழுந்த வாலிபர் மினிபஸ் ஏறி சாவு
கம்பம் அருகே தனியார் பள்ளி வேன் மோதி மோட்டார்சைக்கிளில் வந்த 2 வாலிபர்கள் கீழே விழுந்து படுகாயம் அடைந்தனர். அப்போது அங்கு வந்த மினி பஸ் ஒரு வாலிபர் மீது ஏறியதில் அவர் இறந்தார். மற்றொரு வாலிபர் மருத்துவமனைக்கு கொண்டு செல்லும் வழியில் பரிதாபமாக இறந்தார்.
2. பஸ் - சுற்றுலா வேன் மோதல், கல்லூரி மாணவர்கள் உள்பட 9 பேர் படுகாயம்
ஓசூரில் இருந்து பாலக்கோடு நோக்கி வந்த தனியார் பஸ்சும், சுற்றுலா வேனும் நேருக்கு நேர் மோதிக்கொண்டது. இந்த விபத்தில் கல்லூரி மாணவர்கள் உள்பட 9 பேர் படுகாயமடைந்தனர்.
3. சீனாவில் கப்பல் மூழ்கி 7 பேர் சாவு
சீனாவில் கப்பல் மூழ்கி விபத்துக்குள்ளானதில் 7 பேர் பலியானார்கள்.
4. மோட்டார் சைக்கிள் மீது வேன் மோதல், படுகாயம் அடைந்த விவசாயி பலி
மோட்டார் சைக்கிள் மீது வேன் மோதிய விபத்தில் படுகாயம் அடைந்த விவசாயி பலனின்றி பரிதாபமாக உயிரிழந்தார்.
5. மின்கம்பத்தில் மோட்டார் சைக்கிள் மோதல் - மாணவன் பலி
கம்பம், மோட்டார் சைக்கிள் மின்கம்பத்தில் மோதிய விபத்தில் பள்ளி மாணவன் பரிதாபமாக இறந்தான்.