மாவட்ட செய்திகள்

பாபநாசம் அருகே செங்கல் சூளையில் கொத்தடிமைகளாக வேலை பார்த்த 50 பேர் மீட்பு + "||" + 50 people who were working as bridges in a brick kiln near Papanasam

பாபநாசம் அருகே செங்கல் சூளையில் கொத்தடிமைகளாக வேலை பார்த்த 50 பேர் மீட்பு

பாபநாசம் அருகே செங்கல் சூளையில் கொத்தடிமைகளாக வேலை பார்த்த 50 பேர் மீட்பு
பாபநாசம் அருகே செங்கல் சூளையில் கொத்தடிமைகளாக வேலை பார்த்த 50 பேர், கும்பகோணம் உதவி கலெக்டர் அதிரடி நடவடிக்கையின் பேரில் மீட்கப்பட்டனர்.
பாபநாசம்,

தஞ்சை மாவட்டம் பாபநாசம் அருகே உள்ள தேவன்குடி கிராமத்தில் கடலூர், அரியலூர், தஞ்சை மாவட்டங்களை சேர்ந்த 20 குடும்பத்தினர் பல ஆண்டுகளாக செங்கல் சூளையில் கொத்தடிமைகளாக வேலை பார்த்து வருவதாக கும்பகோணம் உதவி கலெக்டருக்கு பல்வேறு புகார்கள் வந்தன.


இந்த புகார்களை தொடர்ந்து கும்பகோணம் உதவி கலெக்டர் வீராசாமி தலைமையில் பாபநாசம் தாசில்தார் கண்ணன், துணை தாசில்தார் தர்மராஜ், வருவாய் ஆய்வாளர்கள் மஞ்சுளா, ராஜ்குமார், கிராம நிர்வாக அலுவலர் பாலசுப்பிரமணியன் மற்றும் போலீசார் அங்கு சென்று பார்வையிட்டனர்.


அப்போது அங்குள்ள செங்கல் சூளைகளில் 19 ஆண்கள், 20 பெண்கள், 5 ஆண் குழந்தைகள், 2 பெண் குழந்தைகள் என 20 குடும்பங்களை சேர்ந்த 50 பேர் கொத்தடிமைகளாக வேலை பார்த்து வந்தது தெரிய வந்தது. இதனையடுத்து அவர்கள் அனைவரும் மீட்கப்பட்டனர். அவர்கள் அனைவருக்கும் விடுதலை பத்திரங்களை கும்பகோணம் ஆர்.டி.ஓ.வீராசாமி வழங்கினார். இதனையடுத்து அவர்கள் அனைவரும் அவரவர் சொந்த ஊருக்கு பாதுகாப்பாக அனுப்பி வைக்கப்பட்டனர்.

மேலும் தமிழக அரசின் சார்பில் தலா 20 ஆயிரம் வீதம் நிவாரண உதவிகள் மீட்கப்பட்ட 50 பேருக்கும் வழங்க உரிய நடவடிக்கை மேற்கொள்ளப்படும் என தெரிவித்த கும்பகோணம் உதவி கலெக்டர் வீராசாமி, அவர்கள் அனைவரையும் கொத்தடிமைகளாக வைத்து வேலை வாங்கி கொடுமைப்படுத்திய சம்மந்தப்பட்ட செங்கல் சூளைகளின் உரிமையாளர்கள் மீது சட்டப்படி உரிய நடவடிக்கை எடுக்கப்படும் என்றும் தெரிவித்தார்.

தொடர்புடைய செய்திகள்

1. வெளிநாட்டில் வேலை வாங்கி தருவதாக பல லட்சம் ரூபாய் மோசடி கேரள தம்பதி மீது போலீஸ் கமிஷனரிடம் புகார்
வெளிநாட்டில் வேலை வாங்கி தருவதாக பல லட்சம் ரூபாய் மோசடி செய்ததாக கேரள தம்பதி மீது இளைஞர்கள் சிலர் திருச்சி போலீஸ் கமிஷனரிடம் புகார் மனு அளித்தனர்.
2. துணை ராணுவ படையில் 76 ஆயிரம் பேருக்கு வேலை - மத்திய உள்துறை அறிவிப்பு
துணை ராணுவ படையில் 76 ஆயிரம் பணி இடங்கள் நிரப்பும் பணி நடந்து வருவதாக மத்திய உள்துறை தெரிவித்துள்ளது.
3. அரசு ஊழியர்கள் வேலை நிறுத்தத்திற்கு ஆதரவு: கருப்பு சின்னம் அணிந்து நர்சுகள் பணி புரிந்தனர்
அரசு ஊழியர்கள் வேலை நிறுத்தத்திற்கு ஆதரவு தெரிவித்து கருப்பு சின்னம் அணிந்து பணி புரிந்த நர்சுகள் ஆர்ப்பாட்டத்திலும் ஈடுபட்டனர்.
4. திருச்சியை சேர்ந்த 30 பேரிடம் கைவரிசை: வெளிநாட்டில் வேலை வாங்கி தருவதாக ரூ.22 லட்சம் மோசடி
வெளிநாட்டில் வேலைவாங்கி தருவதாக திருச்சியை சேர்ந்த 30 பேரிடம் ரூ.22 லட்சம் மோசடி செய்த டிராவல்ஸ் அதிபர் உள்பட 2 பேர் மீது போலீசார் வழக்குப்பதிவு செய்தனர்.