மாவட்ட செய்திகள்

புஞ்சைபுளியம்பட்டி அருகே தண்ணீர் கேட்டு காலிக்குடங்களுடன் கிராமமக்கள் சாலை மறியல் + "||" + The village people asking for water stir the road

புஞ்சைபுளியம்பட்டி அருகே தண்ணீர் கேட்டு காலிக்குடங்களுடன் கிராமமக்கள் சாலை மறியல்

புஞ்சைபுளியம்பட்டி அருகே தண்ணீர் கேட்டு காலிக்குடங்களுடன் கிராமமக்கள் சாலை மறியல்
புஞ்சைபுளியம்பட்டி அருகே தண்ணீர் கேட்டு கிராமமக்கள் காலிக்குடங்களுடன் சாலை மறியலில் ஈடுபட்டார்கள்.

புஞ்சைபுளியம்பட்டி,

புஞ்சைபுளியம்பட்டி அருகே உள்ள வரப்பாளையம் ஊராட்சிக்கு உட்பட்டது கொண்டையம்பாளையம் கிராமம். இங்கு 100–க்கும் மேற்பட்ட குடும்பத்தினர் வசித்து வருகிறார்கள்.

இவர்களுக்கு ஊராட்சி மூலம் பவானி ஆற்று தண்ணீர் உறிஞ்சப்பட்டு, மேல்நிலைத்தொட்டியில் ஏற்று பொது குழாய் வழியாக வினியோகம் செய்யப்பட்டு வந்தது. இந்த நிலையில் கடந்த 4 நாட்களாக குழாயில் தண்ணீர் வரவில்லை. இதனால் கிராமமக்கள் மிகவும் அவதிப்பட்டார்கள்.

இந்தநிலையில் நேற்று காலை 9 மணி அளவில் கொண்டையம்பாளையம் கிராமத்தை சேர்ந்த 50 பெண்கள் உள்பட சுமார் 60 பேர் வண்டிபாளையம்பிரிவு என்ற இடத்துக்கு சென்று, அங்கு செல்லும் காவிலிபாளையம்–நம்பியூர் ரோட்டில் திடீர் சாலை மறியலில் ஈடுபட்டார்கள்.

இதனால் அந்த வழியாக எந்த வாகனமும் செல்லமுடியவில்லை. இதுபற்றிய தகவல் கிடைத்ததும், புஞ்சைபுளியம்பட்டி போலீஸ் இன்ஸ்பெக்டர் பிரபாகரன், பவானிசாகர் வட்டார வளர்ச்சி அதிகாரி மைதிலி ஆகியோர் சம்பவ இடத்துக்கு சென்று சாலை மறியலில் ஈடுபட்டு இருந்த கிராமமக்களுடன் பேச்சுவார்த்தை நடத்தினார்கள்.

அப்போது கிராமமக்கள், 4 நாட்களாக தண்ணீர் வினியோகிக்கவில்லை. கொளுத்தும் வெயிலில் குடிக்க கூட தண்ணீர் இல்லாமல் வாடுகிறோம் என்றார்கள். அப்போது வட்டார வளர்ச்சி அதிகாரி மைதிலி, குழாயில் பழுது ஏற்பட்டுள்ளது. அதை சரிசெய்யும் பணியில் நடைபெறுவால் ஆற்று தண்ணீர் வினியோகிக்க முடியவில்லை. இன்று மாலை 2 லாரிகளில் தண்ணீர் கொண்டுவந்து கொண்டையம்பாளையத்தில் வினியோகிக்கப்படும். நாளைக்குள் குழாயில் பழுதும் சரிசெய்யப்பட்டு ஆற்று தண்ணீர் வினியோகிக்கப்படும் என்று உறுதி அளித்தார். அதை ஏற்றுக்கொண்டு கிராமமக்கள் சாலை மறியலை கைவிட்டார்கள். எனினும் காலை 10 மணி வரை அந்த ரோட்டில் 1 மணி நேரம் போக்குவரத்து பாதிக்கப்பட்டது.


தொடர்புடைய செய்திகள்

1. அந்தியூர் அருகே, குடிநீர் சீராக வினியோகிக்க கோரி பொதுமக்கள் சாலை மறியல் - போக்குவரத்து பாதிப்பு
அந்தியூர் அருகே குடிநீர் சீராக வினியோகிக்க கோரி பொதுமக்கள் திடீர் சாலைமறியலில் ஈடுபட்டனர். இதனால் அந்த பகுதியில் போக்குவரத்து பாதிப்பு ஏற்பட்டது.
2. தஞ்சையில், முக்குலத்து புலிகள் அமைப்பினர் சாலை மறியல் - 15 பேர் கைது
தஞ்சையில், முக்குலத்து புலிகள் அமைப்பினர் சாலை மறியலில் ஈடுபட்டனர். இந்த மறியல் போராட்டத்தில் ஈடுபட்ட 15 பேரை போலீசார் கைது செய்தனர்.
3. சிமெண்டு ஆலைக்கு செல்லும் லாரிகளுக்கு மாற்றுப்பாதை அமைக்க கோரி கிராம மக்கள் சாலை மறியல்
சிமெண்டு ஆலைக்கு சுண்ணாம்பு கற்கள் ஏற்றி செல்லும் லாரிகளுக்கு மாற்றுப்பாதை அமைக்க கோரி கிராம மக்கள் சாலை மறியலில் ஈடுபட்டனர்.
4. பல்வேறு கோரிக்கைகளை வலியுறுத்தி விவசாயிகள் திடீர் சாலை மறியல் - கலெக்டர் பேச்சுவார்த்தை
திருவண்ணாமலையில் பல்வேறு கோரிக்கைகளை வலியுறுத்தி விவசாயிகள் திடீரென சாலை மறியல் போராட்டத்தில் ஈடுபட்டனர். அவர்களிடம் கலெக்டர் பேச்சுவார்த்தை நடத்தினார்.
5. காங்கேயத்தில் கொங்கு மக்கள் முன்னணியினர் சென்ற 7 கார்களின் கண்ணாடி உடைப்பு; சாலை மறியல், போலீஸ் குவிப்பு
காங்கேயத்தில் கொங்கு மக்கள் முன்னணியினர் சென்ற 7 கார்களின் கண்ணாடிகள் உடைக்கப்பட்டன. இதனால் அவர்கள் சாலை மறியலில் ஈடுபட்டனர். பதற்றம் நிலவியதால் அங்கு போலீசார் குவிக்கப்பட்டனர்.

அதிகம் வாசிக்கப்பட்டவை