மாவட்ட செய்திகள்

கர்நாடகத்தில் கட்சித்தாவல் சட்டம் பாயாமல் அடைக்கலமாக உள்ளது - ப.சிதம்பரம் பேச்சு + "||" + Party Protection Act in Karnataka is a safe haven - P. Chidambaram

கர்நாடகத்தில் கட்சித்தாவல் சட்டம் பாயாமல் அடைக்கலமாக உள்ளது - ப.சிதம்பரம் பேச்சு

கர்நாடகத்தில் கட்சித்தாவல் சட்டம் பாயாமல் அடைக்கலமாக உள்ளது - ப.சிதம்பரம் பேச்சு
கட்சித்தாவல் சட்டம் பாயாமல் அடைக்கலமாக உள்ளது என்று முன்னாள் மத்திய மந்திரி ப.சிதம்பரம் பேசினார்.

பரமக்குடி,

கர்நாடகத்தில் ஆளும் காங்கிரஸ்–மதச்சார்பற்ற ஜனதா தளம் ஆட்சியை குறுக்கு வழியில் கலைக்க முயற்சிப்பதாக மத்திய பா.ஜ.க. அரசை கண்டித்து பரமக்குடி பாரதிநகரில் காங்கிரஸ் கட்சியின் சார்பில் கண்டன ஆர்ப்பாட்டம் நடந்தது. ஆர்ப்பாட்டத்திற்கு தமிழ்நாடு காங்கிரஸ் கட்சி தலைவர் கே.எஸ்.அழகிரி தலைமை தாங்கினார்.

இதில் சட்டமன்ற காங்கிரஸ் கட்சி தலைவர் கே.ஆர்.ராமசாமி எம்.எல்.ஏ., முதுகுளத்தூர் எம்.எல்.ஏ. மலேசியா பாண்டியன் ஆகியோர் கண்டன உரையாற்றினர்.

அப்போது முன்னாள் மத்திய மந்திரி ப.சிதம்பரம் பேசியதாவது:–

ஜனநாயகத்திற்கு பேராபத்து வந்துள்ளது. கர்நாடகாவில் தொடங்கி பல மாநிலங்களில் பா.ஜ.க. அல்லாத ஆட்சியை கலைக்க முயற்சி மேற்கொள்ளப்பட்டு வருகிறது. ஒரே நாடு ஒரே தேர்தல். ஒரே கட்சி, ஒரே வேட்பாளர் என உலகில் பல நாடுகள் சர்வாதிகாரத்தை நோக்கி அடியெடுத்து வைக்கிறது. அதை பா.ஜ.க. பின்பற்றி வருகிறது. கட்சித்தாவல் தடை சட்டம் உள்ளது. ஆனால் அந்த சட்டம் பாயாமல் அடைக்கலமாக உள்ளது.

கட்சி தாவாமல் பதவியை ராஜினாமா செய்து பா.ஜ.க.வில் சேருங்கள். அந்த தொகுதிக்கு இடைத்தேர்தல் வரும். நீங்களே வேட்பாளராக நில்லுங்கள். நாங்கள் பணத்தை செலவு செய்து வெற்றி பெற வைக்கிறோம், மந்திரி பதவி தருகிறோம் என ஆசை வார்த்தைகளை கூறி பா.ஜ.க. குதிரை பேரங்களை நடத்தி வருகிறது. இந்தியா ஜனநாயக நாடு. அதை சீர்குலைக்க நினைக்கும் பா.ஜ.க.வை மக்கள் நன்கு புரிந்து கொள்ள வேண்டும்.

இவ்வாறு அவர் பேசினார்.


தொடர்புடைய செய்திகள்

1. ப.சிதம்பரம் பாஸ்போர்ட்டை ஒப்படைக்க தயார் - டெல்லி ஐகோர்ட்டில் கபில்சிபல் வாதம்
அமலாக்கப்பிரிவு வழக்கில் ப.சிதம்பரம் ஜாமீன் மனு மீது விசாரணை நடந்தது. அப்போது அவரது பாஸ்போர்ட்டை ஒப்படைக்க தயார் என அவர் தரப்பில் ஆஜரான வக்கீல் கபில் சிபில் கூறினார்.
2. நன்றாக இருப்பதால் ப.சிதம்பரத்தை ஆஸ்பத்திரியில் அனுமதித்து சிகிச்சை அளிக்க தேவை இல்லை - டெல்லி ஐகோர்ட்டு உத்தரவு
ப.சிதம்பரம் நன்றாக இருப்பதால் அவரை ஆஸ்பத்திரியில் அனுமதித்து சிகிச்சை அளிக்க தேவை இல்லை என்று டெல்லி ஐகோர்ட்டு உத்தரவிட்டு உள்ளது.
3. சிகிச்சை பெறுவதற்காக 3 நாள் இடைக்கால ஜாமீன் கேட்ட ப.சிதம்பரத்தின் கோரிக்கை நிராகரிப்பு
சிகிச்சை பெறுவதற்காக 3 நாள் இடைக்கால ஜாமீன் கேட்ட ப.சிதம்பரத்தின் கோரிக்கையை டெல்லி ஐகோர்ட் நிராகரித்தது.
4. ஐ.என்.எக்ஸ். முறைகேடு வழக்கு: ப.சிதம்பரத்தை 24-ந் தேதி வரை அமலாக்கத்துறை காவலில் விசாரிக்க அனுமதி; தனிக்கோர்ட்டு நீதிபதி உத்தரவு
ஐ.என்.எக்ஸ். முறைகேடு வழக்கில் ப.சிதம்பரத்தை வருகிற 24-ந் தேதி வரை 14 நாட்கள் அமலாக்கத்துறை காவலில் வைத்து விசாரிக்க தனிக்கோர்ட்டு நீதிபதி அனுமதி வழங்கி உத்தரவிட்டார்.
5. ஐ.என்.எக்ஸ். மீடியா வழக்கு: ப.சிதம்பரம் மீண்டும் கைது - அமலாக்கத்துறை நடவடிக்கை
ஐ.என்.எக்ஸ். மீடியா வழக்கில் ப.சிதம்பரம் மீண்டும் கைது செய்யப்பட்டார். இந்த நடவடிக்கையை அமலாக்கத்துறை எடுத்தது. நாடு முழுவதும் பெரும் பரபரப்பை ஏற்படுத்தி உள்ள ஒரு வழக்காக ஐ.என்.எக்ஸ். மீடியா முறைகேடு வழக்கு மாறி உள்ளது.