மாவட்ட செய்திகள்

ராயக்கோட்டை துர்க்கை மகா மாரியம்மன் கோவிலில் தீமிதி விழா திரளான பக்தர்கள் பங்கேற்பு + "||" + Great Mariamman of Durga Fort The Dimitti festival in the temple is attended by a large number of devotees

ராயக்கோட்டை துர்க்கை மகா மாரியம்மன் கோவிலில் தீமிதி விழா திரளான பக்தர்கள் பங்கேற்பு

ராயக்கோட்டை துர்க்கை மகா மாரியம்மன் கோவிலில் தீமிதி விழா திரளான பக்தர்கள் பங்கேற்பு
ராயக்கோட்டை துர்க்கை மகா மாரியம்மன் கோவிலில் தீ மிதி விழா நடந்தது. இதில் திரளான பக்தர்கள் கலந்து கொண்டனர்.
ராயக்கோட்டை,

ராயக்கோட்டையில் கிருஷ்ணகிரி சாலையில் ஸ்ரீ துர்க்கை மகா மாரியம்மன் கோவில் அமைந்துள்ளது. ஒவ்வொரு ஆண்டு ஆடி மாதத்தில் கோவில் திருவிழா மற்றும் தீ மிதி விழா சிறப்பாக நடைபெறுவது வழக்கம். இந்த ஆண்டு கோவில் திருவிழா கடந்த 21-ந் தேதி தொடங்கியது.


விழாவையொட்டி அன்று இரவு சக்தி கரகம் அனுப்பும் நிகழ்ச்சி நடந்தது. நேற்று முன்தினம் காலை கலச பூஜை, மகா மங்களாரத்தியும், இரவு அம்மனுக்கு சிறப்பு பூஜைகள், தொடர்ந்து மழை வேண்டி யாகம் வளர்த்து சிறப்பு பூஜைகளும் நடந்தது. மேலும் பக்தர்களுக்கு பிரசாதம் வழங்கப்பட்டது. நேற்று காலை 5 மணிக்கு ஸ்ரீ வஜ்ரநாதேஸ்வரர் கோவிலில் இருந்து, தீர்த்தம் எடுத்து வரும் நிகழ்ச்சி நடந்தது. தொடர்ந்து சாமிக்கு சிறப்பு அலங்காரமும், மலர்களால் சிறப்பு பூஜையும் நடந்தது.

பக்தர்கள் நேர்த்திக்கடன்

அதைத் தொடர்ந்து காலை 11 மணிக்கு தீ மிதி விழா தொடங்கியது. இதில் முதலில் சாமியை தூக்கியவாறு பூசாரிகள் தீக்குண்டத்தில் இறங்கி தீ மிதித்தனர். அதைத் தொடர்ந்து ஏராளமான ஆண், பெண் பக்தர்கள் தீ மிதித்து நேர்த்திக்கடன் செலுத்தினார்கள். அதே பெண் பக்தர்கள் குழந்தைகளுடன் தீக்குண்டம் இறங்கி நேர்த்திக்கடன் செலுத்தினார்கள். விழாவை முன்னிட்டு அனைவருக்கும் அன்னதானம் வழங்கப்பட்டது.

பின்னர் சாமி சிறப்பு அலங்காரத்தில் ஊர்வலமாக எடுத்து வரப்பட்டது. மாலை 6 மணிக்கு சிறப்பு அபிஷேகம், அலங்காரம், பூஜைகளும், இரவு இன்னிசை நிகழ்ச்சியும் நடந்தது. இதில் ராயக்கோட்டை மற்றும் சுற்று வட்டார கிராமங்களைச் சேர்ந்த ஏராளமான பக்தர்கள் கலந்து கொண்டு சாமி தரிசனம் செய்தனர். இதற்கான ஏற்பாடுகளை விழாக்குழுவினர் மற்றும் ஊர்பொதுமக்கள் செய்திருந்தனர். விழாவை முன்னிட்டு ராயக்கோட்டை போலீசார் பாதுகாப்பு பணியில் ஈடுபட்டிருந்தனர். 

தொடர்புடைய செய்திகள்

1. தோவாளை கிருஷ்ணன்புதூர் முத்தாரம்மன் கோவிலில் சூரசம்ஹார விழா திரளான பக்தர்கள் கலந்து கொண்டனர்
தோவாளை கிருஷ்ணன்புதூர் முத்தாரம்மன் கோவிலில் சூரசம்ஹார விழா நேற்று நடந்தது. இதில் திரளான பக்தர்கள் கலந்து கொண்டு சாமி தரிசனம் செய்தனர்.
2. திருக்கோடீஸ்வரர் கோவிலில் திரிபுரசுந்தரி அம்மன், பெருமாளாக காட்சி தரும் உற்சவம் திரளான பக்தர்கள் தரிசனம்
திருக்கோடீஸ்வரர் கோவிலில் திரிபுரசுந்தரி அம்மன், பெருமாளாக காட்சி தரும் உற்சவம் நடந்தது. இதில் திரளான பக்தர்கள் கலந்து கொண்டு சாமி தரிசனம் செய்தனர்.
3. மகாளய அமாவாசையை முன்னிட்டு சமயபுரம் மாரியம்மன் ரிஷப வாகனத்தில் வீதி உலா திரளான பக்தர்கள் தரிசனம்
புரட்டாசி மகாளய அமாவாசையை முன்னிட்டு நேற்று சமய புரத்தில் மாரியம்மன் ரிஷப வாகனத்தில் வீதி உலா வந்தார். இதில் திரளான பக்தர்கள் கலந்து கொண்டு அம்மனை தரிசனம் செய்தனர்.
4. சேலத்தில் வெவ்வேறு இடங்களில் கோவில், ஜவுளிக்கடையில் நகை, பணம் திருட்டு
சேலத்தில் வெவ்வேறு இடங்களில் கோவில், ஜவுளிக்கடையில் நகை, பணம் திருட்டு போனது.
5. வெள்ளியணை மாரியம்மன் கோவில் சுற்றுப்பொங்கல் விழாவையொட்டி பக்தர்கள் பால்குடம் எடுத்து ஊர்வலம்
மாரியம்மன் கோவில் சுற்றுப்பொங்கல் விழாவையொட்டி பக்தர்கள் பால்குடம் எடுத்து ஊர்வலமாக வந்தனர்.