மாவட்ட செய்திகள்

உயர் ரக கிளிகளை திருடியதாக துணிக்கடையில் சிறுவனை அடைத்து வைத்து சித்ரவதை 2 பேர் கைது + "||" + Two arrested for torturing a boy in a garment shop

உயர் ரக கிளிகளை திருடியதாக துணிக்கடையில் சிறுவனை அடைத்து வைத்து சித்ரவதை 2 பேர் கைது

உயர் ரக கிளிகளை திருடியதாக துணிக்கடையில் சிறுவனை அடைத்து வைத்து சித்ரவதை 2 பேர் கைது
நாகையில் உயர் ரக கிளிகளை திருடியதாக துணிக்கடையில் சிறுவனை அடைத்து வைத்து சித்ரவதை செய்த 2 பேரை போலீசார் கைது செய்தனர்.
நாகப்பட்டினம்,

நாகை பப்ளிக் ஆபீஸ் சாலையில் உள்ள பூட்டப்பட்டிருந்த துணிக்கடையின் உள்ளே இருந்து கதவை தட்டும் சத்தம் கேட்டது. இதை அந்த வழியாக சென்ற பொதுமக்கள் கேட்டு வெளிப்பாளையம் போலீசாருக்கு தகவல் தெரிவித்தனர். அதன் பேரில் போலீஸ் இன்ஸ்பெக்டர் சிவப்பிரகாசம் மற்றும் போலீசார் சம்பவ இடத்துக்கு வந்து கடையின் கதவை திறந்து உள்ளே சென்று பார்த்தனர். அங்கு 15 வயதான சிறுவன் இருந்தான். இதனால் அதிர்ச்சி அடைந்த போலீசார் அந்த சிறுவனை கடையில் இருந்து வெளியே கொண்டு வந்தனர்.


அப்போது அந்த சிறுவனின் வாயில் பெவிக்கால் பசை போட்டு ஒட்டப்பட்டு இருந்தது. மேலும் அவன் மயங்கி நிலையில் இருந்தான்.

இதையடுத்து போலீசார் சிறுவனை மீட்டு நாகை அரசு மருத்துவமனைக்கு சிகிச்சைக்காக அனுப்பி வைத்தனர். பின்னர் அந்த சிறுவனிடம் போலீசார் விசாரணை நடத்தினர். அதில், அந்த சிறுவன் திருவாரூர் மாவட்டத்தை சேர்ந்தவன் என்பதும், நாகை புதுத்தெருவை சேர்ந்த பரக்கத்துல்லா (வயது 26) மற்றும் இவரது நண்பர் நூல்கடை தெருவை சேர்ந்த தாரீக்ரியாஸ் (28) ஆகியோர் சேர்ந்து நேற்று முன்தினம் வீட்டில் இருந்த போது தன்னை அழைத்து வந்து கடையில் அடித்து உதைத்து சித்ரவதை செய்ததாக சிறுவன் போலீசாரிடம் கூறினான்.

இதையடுத்து வெளிப்பாளையம் போலீசார் வழக்குப்பதிவு செய்து பரக்கத்துல்லா, தாரீக்ரியாஸ் ஆகிய 2 பேரையும் கைது செய்தனர். தொடர்ந்து அவர்களிடமும் விசாரணை நடத்தினர். விசாரணையில் பரக்கத்துல்லா தனது வீட்டில் பறவைகள் வளர்த்து வந்துள்ளார். கடந்த சில தினங்களாக இவரது வீட்டில் வளர்த்து வரும் உயர்ரக கிளிகள் காணாமல் போனது.

கடந்த சில நாட்களுக்கு முன்பு பரக்கத்துல்லா, 3 சிறுவர்கள் கிளிகளை எடுத்து சென்றதை பார்த்துள்ளார். அவர்கள் தான் தனது கிளிகளை திருடி இருக்க வேண்டும் என நினைத்துள்ளார். இதை தொடர்ந்து அவர்கள் யார்? என்று விசாரணை நடத்திய போது அந்த சிறுவர்கள் திருவாரூர் மாவட்டத்தை சேர்ந்தவர்கள் என்பது தெரியவந்தது.

இதையடுத்து அவர் தனது நண்பர் தாரீக்ரியாஸ் உடன் நேற்று முன்தினம் இரவு திருவாரூர் சென்று சிறுவனை மட்டும் பிடித்து நாகை பப்ளிக் ஆபீஸ் சாலையில் உள்ள தாரீக்ரியாசுக்கு சொந்தமான துணிக்கடையில் அடைத்து வைத்து கிளிகள் குறித்து கேட்டு தாக்கி உள்ளது தெரிய வந்தது.

இந்த சம்பவம் அந்த பகுதியில் பரபரப்பை ஏற்படுத்தி உள்ளது.

தொடர்புடைய செய்திகள்

1. சிவகங்கை அருகே ஜீவ சமாதிக்கு முயற்சித்த சாமியாரின் மகன் உள்பட 3 பேர் கைது
சிவகங்கை அருகே ஜீவசமாதிக்கு முயற்சித்த சாமியாரின் மகன் உள்பட 3 பேரை போலீசார் கைது செய்தனர். பந்தல், மின்விளக்கு அலங்காரத்துக்கு ரூ.3 லட்சம் கொடுக்காமல் மோசடி செய்ததாக அளித்த புகாரின் பேரில் போலீசார் இந்த நடவடிக்கையை மேற்கொண்டனர்.
2. மதுபோதையில் தகராறு: கல்லால் தாக்கி தொழிலாளி கொலை நண்பர் கைது
புதுக்கடை அருகே மதுபோதையில் ஏற்பட்ட தகராறில் கல்லால் தாக்கப்பட்ட தொழிலாளி பரிதாபமாக இறந்தார். இதையடுத்து கொலை வழக்கின் கீழ் நண்பர் கைது செய்யப்பட்டார்.
3. முதன்மை கல்வி அலுவலகத்தை முற்றுகையிட முயன்ற 12 போ் கைது
5, 8-ம் வகுப்புகளுக்கு நடப்பு கல்வியாண்டு முதல் பொதுத்தேர்வு நடைபெறும் என தமிழக அரசு அறிவித்துள்ளது. இதற்கு அரசியல் கட்சியினர் மற்றும் பல்வேறு அமைப்பினர் எதிர்ப்பு தெரிவித்து வருகின்றனர்.
4. பர்கூர் அருகே, பள்ளி மாணவிக்கு பாலியல் தொந்தரவு - தொழிலாளி கைது
பர்கூர் அருகே பள்ளி மாணவிக்கு பாலியல் தொந்தரவு கொடுத்த தொழிலாளியை போக்சோ சட்டத்தின் கீழ் போலீசார் கைது செய்தனர்.
5. நாமக்கல்லில் தடைசெய்யப்பட்ட ரூ.4 லட்சம் புகையிலை பொருட்கள் பறிமுதல் - 3 பேர் கைது
நாமக்கல்லில் தமிழக அரசால் தடைசெய்யப்பட்ட ரூ.4 லட்சம் மதிப்பிலான புகையிலை பொருட்களை பறிமுதல் செய்த போலீசார் 3 பேரை கைது செய்து விசாரணை நடத்தி வருகின்றனர்.

ஆசிரியரின் தேர்வுகள்...

அதிகம் வாசிக்கப்பட்டவை