மாவட்ட செய்திகள்

பேச்சிப்பாறை அணையின் நீர் மட்டம் 39 அடியாக உயர்வு + "||" + The water level of the dam is 39 feet higher

பேச்சிப்பாறை அணையின் நீர் மட்டம் 39 அடியாக உயர்வு

பேச்சிப்பாறை அணையின் நீர் மட்டம் 39 அடியாக உயர்வு
குமரி மாவட்டத்தில் மழை ஓய்ந்த போதிலும், அணைகளுக்கு தொடர்ந்து தண்ணீர் வருகிறது. இதனால் பேச்சிப்பாறை அணையின் நீர் மட்டம் 39 அடியாக உயர்ந்துள்ளது.
நாகர்கோவில்,

அரபிக்கடலில் உருவான மகா புயல் காரணமாக குமரி மாவட்டத்தில் கொட்டி தீர்த்த கனமழையால் ஆறுகள் மற்றும் கால்வாய்களில் வெள்ளப்பெருக்கு ஏற்பட்டது. இதனால் பல குடியிருப்பு பகுதிகளில் தண்ணீர் சூழ்ந்தது. கால்வாய்களை தூர்வாராததால் தான் குடியிருப்பு பகுதியில் தண்ணீர் புகுந்ததாக பொதுமக்கள் குற்றம் சாட்டினர். குமரி மாவட்டம் முழுவதும் மழை காரணமாக 200–க்கும் மேற்பட்ட வீடுகள் இடிந்துள்ளன.


இந்த நிலையில் குமரி மாவட்டத்தில் நேற்று முன்தினம் மழை பெய்யவில்லை. வழக்கம் போல வெயில் அடிக்க தொடங்கியது. இதே போல நேற்று காலையிலும் வெயில் சுட்டெரித்தது. ஆனால் மதியம் 3 மணிக்கு மேல் வானம் இருள் சூழ்ந்து காணப்பட்டது. மழை இல்லாததால் குடியிருப்பு பகுதிகளை சூழ்ந்திருந்த வெள்ளம் படிப்படியாக வடிய தொடங்கியது. மேலும் வயல்கள், வாழை, தென்னை மற்றும் ரப்பர் தோட்டங்களை சூழ்ந்த தண்ணீரும் மெல்ல மெல்ல வடிந்து வருகிறது.

அணைகள்

குமரி மாவட்டத்தில் மழை ஓய்ந்தாலும் அணைகளுக்கு தொடர்ந்து தண்ணீர் வந்து கொண்டிருக்கிறது. அதாவது நேற்று காலை நிலவரப்படி பேச்சிப்பாறை அணைக்கு 867 கனஅடி தண்ணீர் வந்தது. பெருஞ்சாணி அணைக்கு 1,667 கனஅடியும், சிற்றார் 1 அணைக்கு 273 கனஅடியும், பொய்கை அணைக்கு 26 கனஅடியும், மாம்பழத்துறையாறு அணைக்கு 52 கனஅடியும், முக்கடல் அணைக்கு 5 கனஅடியும் தண்ணீர் வந்தது.

பேச்சிப்பாறை அணையின் நீர் மட்டம் நேற்று முன்தினம் 38.65 அடியாக இருந்தது. அணைக்கு தண்ணீர் தொடர்ந்து வந்து கொண்டு இருப்பதால் நேற்று 39.15 அடியாக உயர்ந்துள்ளது. அணையின் மொத்த கொள்ளளவு 48 அடி ஆகும்.  

அதே சமயத்தில் அணைகள் நிரம்பியதால், பெருஞ்சாணி அணையில் இருந்து 1,667 கனஅடியும், சிற்றார் 1 அணையில் இருந்து 273 கனஅடியும், மாம்பழத்துறையாறு அணையில் இருந்து 52 கனஅடியும் உபரிநீர் திறந்துவிடப்பட்டு உள்ளது.


தொடர்புடைய செய்திகள்

1. கட்டண உயர்வால் பயணிகள் அவதி: திருச்சியில் இருந்து முக்கிய ஊர்களுக்கு ரெயில் கட்டண விவரம்
ரெயில் கட்டணம் உயர்வால் பயணிகள் அவதி அடைந்துள்ளனர். திருச்சியில் இருந்து முக்கிய ஊர்களுக்கான ெரயில் கட்டண விவரம் தெரிவிக்கப்பட்டுள்ளது.
2. அமெரிக்க டாலருக்கு நிகரான இந்திய ரூபாயின் மதிப்பு உயர்வு
அமெரிக்க டாலருக்கு நிகரான இந்திய ரூபாயின் மதிப்பு 8 பைசாக்கள் உயர்ந்துள்ளது.
3. அனுமதியின்றி லாரியில் ஏற்றி வரப்பட்ட 21 டன் வெங்காயம் பறிமுதல்
சீர்காழி அருகே அனுமதியின்றி லாரியில் ஏற்றி வரப்பட்ட 21 டன் வெங்காயத்தை தேர்தல் பறக்கும் படை அதிகாரிகள் பறிமுதல் செய்தனர். வாக்காளர்களுக்கு வினியோகம் செய்வதற்காக வெங்காயம் கொண்டு வரப்பட்டதா? என அதிகாரிகள் விசாரணை நடத்தி வருகிறார்கள்.
4. ‘ஹெல்மெட்’ வாங்கினால் ஒரு கிலோ வெங்காயம் இலவசம் போட்டி, போட்டு பொதுமக்கள் வாங்கி சென்றனர்
‘ஹெல்மெட்’ வாங்குபவர்களுக்கு ஒரு கிலோ வெங்காயம் இலவசமாக வழங்கப்பட்டதால் பொதுமக்கள் போட்டி, போட்டு வாங்கி சென்றனர்.
5. வெங்காயத்தை பதுக்கி வைத்தால் கடும் நடவடிக்கை குடிமைப்பொருள் வழங்கல் துறை இயக்குனர் எச்சரிக்கை
வெங்காயத்தை பதுக்கி வைத்தால் கடும் நடவடிக்கை எடுக்கப்படும் என்று புதுவை மாநில குடிமைப் பொருள் வழங்கல் துறை இயக்குனர் எச்சரித்துள்ளார்.