மாவட்ட செய்திகள்

மருந்தகத்தை திறக்க கோரி கோட்டூரில், கால்நடைகளுடன் விவசாயிகள் தர்ணா + "||" + Farmers with livestock in Dharna demanding the opening of the dispensary

மருந்தகத்தை திறக்க கோரி கோட்டூரில், கால்நடைகளுடன் விவசாயிகள் தர்ணா

மருந்தகத்தை திறக்க கோரி கோட்டூரில், கால்நடைகளுடன் விவசாயிகள் தர்ணா
கால்நடை மருந்தகத்தை திறக்க கோரி கோட்டூரில், கால்நடைகளுடன் விவசாயிகள் தர்ணா போராட்டத்தில் ஈடுபட்டனர்.
கோட்டூர்,

திருவாரூர் மாவட்டம் கோட்டூரில் கால்நடை மருந்தகம் 50 ஆண்டுகளுக்கு மேலாக செயல்பட்டு வருகிறது. இந்த மருந்தகத்தில் காலை 7 மணி முதல் மதியம் 1 மணி வரை அனைத்து கால்நடைகளுக்கும் சிகிச்சை அளிக்கப்படும். இந்த கால்நடை மருந்தகத்தில் காடுவாகுடி, செல்லப்பிள்ளையார்கோட்டகம், அழகிரி கோட்டகம், பள்ளிசந்தம், கருப்புக்கிளார், திருப்பத்தூர், கோமாளப்பேட்டை, மேலபனையூர், கீழ மருதூர்தோட்டம், சோழங்கநல்லூர், நெம்மேலி, ஓவர்ச்சேரி, நெருஞ்சனக்குடி உள்ளிட்ட 100-க்கும் மேற்பட்ட கிராமங்களை சேர்ந்த விவசாயிகள் வளர்க்கும் கால்நடைகளுக்கு சிகிச்சை அளிக்கப்பட்டு வந்தது. தற்போது கடந்த 30 நாட்களாக எந்த முன் அறிவிப்பும் இன்றி இந்த கால்நடை மருந்தகம் பூட்டி கிடக்கிறது. இதனால் சுற்று வட்டார பகுதியில் இருந்து நீண்ட தூரம் கால்நடைகளுடன் நடந்து மருந்தகத்துக்கு வரும் மக்கள் மருந்தகம் பூட்டி கிடப்பதால் ஏமாற்றத்துடன் திரும்பி செல்கிறார்கள்.


தர்ணா போராட்டம்

இந்தநிலையில் நேற்று கால்நடை மருந்தகத்துக்கு கால் நடைகளுடன் சுற்று வட்டார பகுதியில் இருந்து விவசாயிகள் வந்தனர். அப்போது கால்நடை மருந்தகம் பூட்டி கிடந்தது. இதனால் ஆத்திர மடைந்த விவசாயிகள் மருந்தகத்தை திறக்க கோரி தங்கள் கால்நடைகளுடன் மருந்தகம் முன்பு தர்ணா போராட்டத்தில் ஈடுபட்டனர். போராட்டம் தொடங்கி சுமார் 1 மணி நேரம் கடந்த பிறகும் அதிகாரிகள் யாரும் சம்பவ இடத்துக்கு வரவில்லை. இதனால் விவசாயிகள் ஏமாற்றத்துடன் கலைந்து சென்றனர். 

தொடர்புடைய செய்திகள்

1. அக்னி ஆற்றில் மணல் கடத்தல்: ரூ.7½ கோடியில் கட்டப்பட்ட தடுப்பணைக்கு ஆபத்து விவசாயிகள் கவலை
அக்னி ஆற்றில் மணல் கடத்தல் தொடர்ந்து நடப்பதால் ரூ.7½ கோடி மதிப்பில் கட்டப்பட்டுள்ள தடுப்பணைக்கு ஆபத்து ஏற்பட்டுள்ளதாக விவசாயிகள் கவலையுடன் கூறுகிறார்கள்.
2. மழையால் சேதம் அடைந்த கரும்பு வயல்களை சீரமைக்கும் பணி இழப்பீடு வழங்க விவசாயிகள் கோரிக்கை
மழையால் சேதம் அடைந்த கரும்பு வயல்களை சீரமைக்கும் பணியில் விவசாயிகள் மும்முரமாக ஈடுபட்டுள்ளனர். சேதம் அடைந்த கரும்பு வயல்களுக்கு உரிய இழப்பீடு வழங்க வேண்டும் என விவசாயிகள் கோரிக்கை விடுத்துள்ளனர்.
3. ரூ.39 கோடி நிலுவை தொகையை வழங்காததை கண்டித்து சர்க்கரை ஆலை பேரவை கூட்டத்தில் கரும்பு விவசாயிகள் வெளிநடப்பு
பெரம்பலூர் சர்க்கரை ஆலைக்கு விவசாயிகள் வழங்கிய கரும்புக்கு வழங்க வேண்டிய ரூ.39 கோடி நிலுவை தொகையை வழங்காததை கண்டித்து, சர்க்கரை ஆலை ஆண்டு பேரவை கூட்டத்தி லிருந்து கரும்பு விவசாயிகள் வெளிநடப்பு செய்தனர்.
4. தஞ்சை மாவட்டத்தில் மழையால் நெற்பயிர்கள் நீரில் மூழ்கின கதிர்வந்த நெற்பயிர்கள் சாய்ந்ததால் விவசாயிகள் கவலை
தஞ்சை மாவட்டத்தில் மழையால் நெற்பயிர்கள் நீரில் மூழ்கி காணப்பட்டன. கதிர்வந்த நெற்பயிர்கள் சாய்ந்ததால் விவசாயிகள் கவலை அடைந்துள்ளனர்.
5. காற்றுடன் மழை பெய்ததால் திருக்காட்டுப்பள்ளி பகுதியில் பொங்கல் கரும்புகள் சாய்ந்தன விவசாயிகள் கவலை
காற்றுடன் மழை பெய்ததால் திருக்காட்டுப்பள்ளி பகுதியில் பொங்கல் கரும்புகள் சாய்ந்து விழுந்தன. இதனால் விவசாயிகள் கவலை அடைந்துள்ளனர்.