மாவட்ட செய்திகள்

க.பரமத்தி அருகே, மோட்டார் சைக்கிள் மீது லாரி மோதி பட்டதாரி ஆசிரியர் பலி + "||" + Near K. Paramathi, Truck collides with motorcycle Graduate Teacher Kills

க.பரமத்தி அருகே, மோட்டார் சைக்கிள் மீது லாரி மோதி பட்டதாரி ஆசிரியர் பலி

க.பரமத்தி அருகே, மோட்டார் சைக்கிள் மீது லாரி மோதி பட்டதாரி ஆசிரியர் பலி
க.பரமத்தி அருகே பள்ளிக்கு மோட்டார் சைக்கிளில் சென்று கொண்டிருந்த பட்டதாரி ஆசிரியர் லாரி மோதி பரிதாபமாக இறந்தார்.
க.பரமத்தி, 

கரூர் திருக்காம்புலியூர் பகுதியை சேர்ந்தவர் குமரவேல் (வயது 43). இவர் க.பரமத்தி ஒன்றியம், சி.கூடலூர் நடுநிலைப்பள்ளியில் பட்டதாரி ஆசிரியராகவும், தமிழ்நாடு ஆசிரியர் முன்னேற்ற சங்க கரூர் மாவட்ட செயலாளராக பணியாற்றி வந்தார். குமரவேல் தினமும் பள்ளிக்கு தனது மோட்டார் சைக்கிளில் சென்று வருவது வழக்கம்.

அதேபோல நேற்றும் தனது வீட்டில் இருந்து மோட்டார் சைக்கிளில் பள்ளிக்கு குமரவேல் புறப்பட்டார். கரூர்–கோவை தேசியநெடுஞ்சாலையில் க.பரமத்தி அருகே சாலைப்பாளையம் பிரிவு பகுதியில் சென்று கொண்டிருந்தபோது, குமரவேல் மோட்டார் சைக்கிள் மீது எதிரே வந்த லாரி பயங்கரமாக மோதியது.

இதில் மோட்டார் சைக்கிளில் இருந்து தூக்கி வீசப்பட்ட குமரவேல் தலையில் பலத்த காயமடைந்து உயிருக்கு போராடினார். இதைக்கண்ட அந்த வழியாக சென்றவர்கள் க.பரமத்தி போலீசாருக்கு தகவல் தெரிவித்தனர். தகவலின்பேரில் போலீசார் சம்பவ இடத்திற்கு வந்து, படுகாயமடைந்த குமரவேலை மீட்டு சிகிச்சைக்காக கரூர் அரசு மருத்துவமனைக்கு அனுப்பி வைத்தனர். இருப்பினும் மருத்துவமனைக்கு செல்லும் வழியிலேயே குமரவேல் பரிதாபமாக இறந்தார்.

இதையடுத்து அவரது உடல் கரூர் அரசு மருத்துவமனையில் பிரேத பரிசோதனை செய்யப்பட்டு உறவினர்களிடம் ஒப்படைக்கப்பட்டது. இந்த விபத்து குறித்த புகாரின்பேரில் க.பரமத்தி போலீசார் வழக்குப்பதிவு செய்து விசாரணை நடத்தி வருகின்றனர்.

தொடர்புடைய செய்திகள்

1. தொப்பூர் கணவாயில் லாரி கவிழ்ந்து கிளனர் சாவு - டிரைவர் படுகாயம்
தொப்பூர் கணவாயில் லாரி கவிழ்ந்து இடிபாடுகளில் சிக்கி கிளனர் பலியானார். இதில் டிரைவர் படுகாயம் அடைந்தார்.
2. மோட்டார் சைக்கிளில் சென்றபோது டிப்பர் லாரி மோதியதில் பெண் உள்பட 2 பேர் பலி
ஓசூர் அருகே மோட்டார் சைக்கிள் மீது டிப்பர் லாரி மோதியதில் பெண் உள்பட 2 பேர் பலியானார்கள்.
3. நாமக்கல் அருகே விபத்து: மோட்டார் சைக்கிளில் சென்ற 2 தொழிலாளர்கள் பரிதாப சாவு
நாமக்கல் அருகே வளைவில் திரும்ப முயன்ற லாரி கவிழ்ந்து விபத்துக்குள்ளானதில், மோட்டார் சைக்கிளில் சென்ற 2 தொழிலாளர்கள் சிக்கி பரிதாபமாக இறந்தனர்.
4. ஈரோடு அருகே விபத்து; கணவன்-மனைவி, மகன் பரிதாப சாவு
ஈரோடு அருகே மோட்டார் சைக்கிள் மீது லாரி மோதிய விபத்தில் கணவன்-மனைவி, மகன் பரிதாபமாக இறந்தனர்.
5. மோட்டார் சைக்கிள்கள் நேருக்குநேர் மோதல்: தந்தை, மகன் உள்பட 3 பேர் பலி
ராயக்கோட்டை அருகே மோட்டார் சைக்கிள்கள் நேருக்கு நேர் மோதிக்கொண்ட விபத்தில் தந்தை, மகன் உள்பட 3 பேர் பலியானார்கள்.