மாவட்ட செய்திகள்

சேலம் மாவட்டத்தில் 8 நிறுவனங்களில் கூடுதல் விலைக்கு விற்க வைத்திருந்த 7,710 முகக்கவசங்கள் பறிமுதல் + "||" + Seized 7,710 masks sold at 8 companies in Salem district

சேலம் மாவட்டத்தில் 8 நிறுவனங்களில் கூடுதல் விலைக்கு விற்க வைத்திருந்த 7,710 முகக்கவசங்கள் பறிமுதல்

சேலம் மாவட்டத்தில் 8 நிறுவனங்களில் கூடுதல் விலைக்கு விற்க வைத்திருந்த 7,710 முகக்கவசங்கள் பறிமுதல்
சேலம் மாவட்டத்தில் 8 நிறுவனங்களில் கூடுதல் விலைக்கு விற்க வைத்திருந்த 7,710 முகக்கவசங்களை பறிமுதல் செய்து தொழிலாளர் நலத்துறை அதிகாரிகள் நடவடிக்கை எடுத்தனர்.
சேலம்,

கொரோனா வைரஸ் பரவுவதை தடுப்பதற்காக உபயோகப்படுத்தப்படும் முகக்கவசம் மற்றும் கை சுத்தம் செய்யும் திரவம் ஆகியவை மருந்து கடைகள், மருத்துவ உபகரணங்கள் விற்பனை செய்யும் நிறுவனங்களில் அதிக விலைக்கு விற்கப்படுவதாகவும், அந்த பொருட்களில் அதிகபட்ச சில்லறை விலை, தயாரிப்பாளர் முகவரி, தயாரிப்பு மாதம், தேதி போன்ற விவரங்கள் இல்லாமல் விற்கப்படுவதாகவும் தொழிலாளர் நலத்துறை அதிகாரிகளுக்கு புகார் வந்தது.


அதன்பேரில், சேலம், தொழிலாளர் உதவி ஆணையர்(அமலாக்கம்) கோட்டீஸ்வரி தலைமையில் தொழிலாளர் துணை ஆய்வர்கள் சீனிவாசன், சந்திரன், உதவி ஆய்வர்கள் சாந்தி, ஞானசேகரன், சிவகுமார், அன்பழகன் ஆகியோர் சேலம் மாவட்டத்தில் உள்ள மருந்து கடைகள் மற்றும் மருத்துவ உபகரணங்கள் விற்பனை நிறுவனங்களில் நேற்று திடீரென ஆய்வு மேற்கொண்டனர்.

முகக்கவசங்கள் பறிமுதல்

இந்த ஆய்வின் போது 8 நிறுவனங்களில் பொட்டலப்பொருட்கள் விதிகளின் கீழ் கூடுதல் விலை, தயாரிப்பாளர் முகவரி, தயாரிப்பு மாதம், தேதி உள்ளிட்ட அறிவிப்புகள் இல்லாமல் முகக்கவசங்கள் விற்பனைக்கு வைக்கப்பட்டிருந்தது கண்டுபிடிக்கப்பட்டது. இதையடுத்து கூடுதல் விலைக்கு விற்க வைக்கப்பட்டிருந்த 7,710 முகக்கவசங்கள் பறிமுதல் செய்யப்பட்டன.

மேலும் இந்த 8 நிறுவனங்களின் உரிமையாளர்கள் மீது வழக்கு தொடர நடவடிக்கை எடுக்கப்பட்டு வருகிறது. முறைகேடுகள் நடைபெறும் கடைகள் மற்றும் நிறுவனங்களில் தொடர்ந்து ஆய்வு செய்யப்பட்டு கடுமையான நடவடிக்கை எடுக்கப்படும் என தொழிலாளர் உதவி ஆணையர் கோட்டீஸ்வரி எச்சரித்துள்ளார்.

தொடர்புடைய செய்திகள்

1. வெளிநாடு- மற்ற மாநிலங்களில் இருந்து கரூர் மாவட்டத்திற்கு வருபவர்கள் தனிமைப்படுத்தப்பட்டு தீவிர கண்காணிப்பு
வெளிநாடு மற்றும் வெளி மாநிலங்களில் இருந்து கரூர் மாவட்டத்திற்கு வருபவர்கள் தனிமைப்படுத்தப்பட்டு, தீவிர கண்காணிப்பில் வைக்கப்படுவார்கள் என்று கலெக்டர் அன்பழகன் கூறினார்.
2. கிருஷ்ணகிரியில் மருந்து கடைகளில் முக கவசம், கிருமி நாசினி பதுக்கலா? குடிமைப்பொருட்கள் போலீசார் சோதனை
கிருஷ்ணகிரி உள்பட மாவட்டத்தின் பல்வேறு பகுதிகளில் உள்ள மருந்து கடைகளில் முக கவசம், கிருமி நாசினி உள்ளிட்ட பொருட்கள் பதுக்கப்படுகிறதா? என்பது குறித்து நேற்று குடிமைப்பொருள் வழங்கல் குற்றப்புலனாய்வு பிரிவு போலீசார் சோதனை மேற் கொண்டனர்.
3. அரசு உத்தரவை மீறி திறந்து இருந்த வணிக நிறுவனங்கள் மூடல் அதிகாரிகள் நடவடிக்கை
மயிலாடுதுறையில் அரசு உத்தரவை மீறி திறந்து இருந்த வணிக நிறுவனங்கள் மூடப்பட்டன.
4. கொரோனா தடுப்பு நடவடிக்கைகள்: பொது இடத்தில் கூட்டமாக நிற்பதை பொதுமக்கள் தவிர்க்க வேண்டும் கலெக்டர் அறிவுரை
சின்னாளப்பட்டி, அம்மையநாயக்கனூர் பகுதிகளில் மேற்கொள்ளப்பட்டு வரும் கொரோனா வைரஸ் தடுப்பு நடவடிக்கைகளை பார்வையிட்ட கலெக்டர் விஜயலட்சுமி, பொது இடத்தில் கூட்டமாக நிற்பதை தவிர்க்க வேண்டும் என்று பொதுமக்களுக்கு அறிவுரை வழங்கினார்.
5. தேனி பழைய அரசு மருத்துவமனை கட்டிடத்தில் 120 படுக்கை வசதியுடன் கொரோனா சிறப்பு சிகிச்சை பிரிவு கலெக்டர் ஆய்வு
தேனி பழைய அரசு மருத்துவமனை கட்டிடத்தில் 120 படுக்கை வசதிகளுடன் கூடிய கொரோனா வைரஸ் சிறப்பு சிகிச்சை பிரிவை கலெக்டர் பல்லவி பல்தேவ் பார்வையிட்டு ஆய்வு செய்தார்.