மாவட்ட செய்திகள்

வேலூர் மாவட்டத்தில் அரசு பஸ் டிரைவர் உள்பட 2 பேருக்கு கொரோனா + "||" + Corona for 2 people including government bus driver in Vellore district

வேலூர் மாவட்டத்தில் அரசு பஸ் டிரைவர் உள்பட 2 பேருக்கு கொரோனா

வேலூர் மாவட்டத்தில் அரசு பஸ் டிரைவர் உள்பட 2 பேருக்கு கொரோனா
சென்னையில் பணிபுரிந்த வேலூர் மாவட்டத்தை சேர்ந்த அரசு பஸ் டிரைவர் உள்பட 2 பேருக்கு கொரோனா தொற்று உறுதியானது.
வேலூர், 

வேலூர் மாவட்டம் கே.வி.குப்பம் அருகேயுள்ள வேப்பங்கனேரி பகுதியை சேர்ந்தவர் 45 வயது ஆண். இவர் சென்னையில் அரசு போக்குவரத்துக்கழகத்தில் டிரைவராக பணிபுரிந்து வந்தார். இந்த நிலையில் கடந்த சில நாட்களுக்கு முன்பாக அவர் சொந்த ஊர் திரும்பினார். டிரைவருக்கு கொரோனா தொற்று பரிசோதனை செய்யப்பட்டது. மேலும் சளிமாதிரி சேகரிக்கப்பட்டன. வீட்டில் தனிமையில் இருக்கும்படி அறிவுறுத்தப்பட்டு அவர் அனுப்பி வைக்கப்பட்டார். இந்த நிலையில் சளிமாதிரி பரிசோதனையில் அவருக்கு கொரோனா தொற்று உறுதியானது.

அதைத்தொடர்ந்து டிரைவர் சிகிச்சைக்காக அடுக்கம்பாறை அரசு மருத்துவமனையில் உள்ள சிறப்பு வார்டில் அனுமதிக்கப்பட்டார். மேலும் அவரின் குடும்பத்தினர், உறவினர்கள் 12 பேர் முன்எச்சரிக்கை நடவடிக்கையாக வேலூர் பென்ட்லேன்ட் அரசு மருத்துவமனையில் தனிமைப்படுத்தப்பட்டனர். மேலும் அப்பகுதி முழுவதும் தனிமைப்படுத்தப்பட்டது. டிரைவரின் வீடு மற்றும் அப்பகுதியில் கிருமிநாசினி தெளிக்கப்பட்டது.

உத்தரபிரதேசத்தில் பணிபுரிந்த 12 பேர் சில நாட்களுக்கு முன்பு வேலூர் திரும்பினர். அவர்களுக்கு சளிமாதிரி சேகரிக்கப்பட்டு, கொணவட்டத்தில் உள்ள தனியார் கல்லூரியில் தனிமைப்படுத்தப்பட்டிருந்தனர். இந்த நிலையில் அவர்களில் 25 வயது வாலிபர் ஒருவருக்கு கொரோனா தொற்று உறுதியானது. அதையடுத்து அவர் அடுக்கம்பாறை அரசு மருத்துவமனையில் சிகிச்சைக்காக சேர்க்கப்பட்டார். மேலும் அவர் தங்கியிருந்த இடத்தில் கிருமிநாசினி தெளிக்கப்பட்டது. மீதமுள்ள 11 பேருக்கும் மீண்டும் சளிமாதிரிகள் சேகரிக்கப்பட்டன.

வேலூர் மாவட்டத்தில் கொரோனாவினால் 38 பேர் பாதிக்கப்பட்டுள்ளனர். அவர்களில் 31 பேர் குணமடைந்து வீடு திரும்பிவிட்டனர். ஒருவர் உயிரிழந்து விட்டார். மீதமுள்ள 6 பேருக்கும் மருத்துவமனையில் சிகிச்சை அளிக்கப்பட்டு வருகிறது.

தொடர்புடைய செய்திகள்

1. வேலூர், திருப்பத்தூர், ராணிப்பேட்டை மாவட்டங்களில் 300 அரசு பஸ்கள் இன்று முதல் இயக்கப்படுகிறது போக்குவரத்து கழக அதிகாரிகள் தகவல்
வேலூர், திருப்பத்தூர், ராணிப்பேட்டை ஆகிய 3 மாவட்டங்களில் இருந்து மாவட்டத்தின் உள்ளேயும், வெளிமாவட்டங்களுக்கும் 300 அரசு பஸ்கள் இன்று (திங்கட்கிழமை) முதல் இயக்கப்படுகிறது என்று வேலூர் மண்டல போக்குவரத்து அதிகாரிகள் தெரிவித்தனர்.
2. வேலூர் மண்டித்தெருவில் 100 ஆண்டு பழமையான அரசமரம் வேருடன் சாய்ந்தது 2 பேர் படுகாயம்; வாகனங்களும் சேதம்
வேலூர் மண்டித்தெருவில் 100 ஆண்டுகள் பழமையான அரசமரம் வேரோடு சாய்ந்தது. அதில் சுமைத்தூக்கும் தொழிலாளி உள்பட 2 பேர் படுகாயம் அடைந்தனர். கார், மோட்டார்சைக்கிள்கள், தள்ளுவண்டி உள்ளிட்ட வாகனங்கள் சேதமடைந்தன.
3. வேலூர், ராணிப்பேட்டை, திருப்பத்தூர் மாவட்டங்களை சேர்ந்த 2 பெண்கள் உள்பட 9 பேர் கொரோனாவுக்கு பலி
வேலூர், ராணிப்பேட்டை, திருப்பத்தூர் மாவட்டங்களை சேர்ந்த 2 பெண்கள் உள்பட 9 பேர் நேற்று ஒரே நாளில் கொரோனாவுக்கு பலியாகி உள்ளனர்.
4. வேலூர், அணைக்கட்டில் 3 போலி டாக்டர்கள் கைது ஆற்காட்டில் மருத்துவமனைக்கு ‘சீல்’
வேலூர், அணைக்கட்டில் 3 போலி டாக்டர்கள் கைது செய்யப்பட்டுள்ளனர். ஆற்காட்டில் மருத்துவமனைக்கு அதிகாரிகள் ‘சீல்’ வைத்தனர்.
5. வேலூர் மாவட்ட நகராட்சி, பேரூராட்சிப் பகுதிகளில் கடைகளை திறக்க புதிய கட்டுப்பாடுகள் - மாவட்ட ஆட்சியர் உத்தரவு
வேலூர் மாவட்டத்தின் நகராட்சி மற்றும் பேரூராட்சிப் பகுதிகளில் கடைகளை திறப்பது தொடர்பாக புதிய கட்டுப்பாடுகளை விதித்து மாவட்ட ஆட்சியர் சண்முகசுந்தரம் உத்தரவிட்டுள்ளார்.