மாவட்ட செய்திகள்

கொரோனா காலத்தில் மு.க.ஸ்டாலின் ஆக்கப்பூர்வமான அறிக்கை எதுவும் கொடுக்கவில்லை அமைச்சர் கே.டி.ராஜேந்திரபாலாஜி பேட்டி + "||" + During the Corona period MK Stalin No creative statement was given Interview with Minister KD Rajendrapalaji

கொரோனா காலத்தில் மு.க.ஸ்டாலின் ஆக்கப்பூர்வமான அறிக்கை எதுவும் கொடுக்கவில்லை அமைச்சர் கே.டி.ராஜேந்திரபாலாஜி பேட்டி

கொரோனா காலத்தில் மு.க.ஸ்டாலின் ஆக்கப்பூர்வமான அறிக்கை எதுவும் கொடுக்கவில்லை அமைச்சர் கே.டி.ராஜேந்திரபாலாஜி பேட்டி
கொரோனா காலத்தில் அதை தடுக்க தி.மு.க. தலைவர் மு.க.ஸ்டாலின் ஆக்கப்பூர்வமான அறிக்கைகள் எதுவும் கொடுக்கவில்லை என்று அமைச்சர் கே.டி.ராஜேந்திரபாலாஜி குற்றம் சாட்டினார்.
சிவகாசி,

சிவகாசி ஊராட்சி ஒன்றியத்துக்கு உட்பட்ட சித்துராஜபுரம் பஞ்சாயத்தில் சிவகாசி சட்டமன்ற தொகுதி உறுப்பினர் மேம்பாட்டு நிதியில் இருந்து 2 ரேஷன்கடைகள் கட்டப்பட உள்ளன. இதற்கான பூமி பூஜை நேற்று காலை நடைபெற்றது.


பூமி பூஜையை அமைச்சர் கே.டி.ராஜேந்திரபாலாஜி தொடங்கி வைத்தார். இந்த நிகழ்ச்சியில் மாவட்ட ஊரக வளர்ச்சி முகமை திட்ட இயக்குனர் சுரேஷ், வட்டார வளர்ச்சி அலுவலர்கள் ராமமூர்த்தி, ரவி, பஞ்சாயத்து தலைவர் லீலாவதிசுப்புராஜ், துணைத்தலைவர் காளிமுத்து, முன்னாள் யூனியன் தலைவர் வேண்டுராயபுரம் சுப்பிரமணியம், விஸ்வநத்தம் ஆரோக்கியம், மாவட்ட பஞ்சாயத்து துணைத்தலைவர் சுபாஷினி உள்பட பலர் கலந்து கொண்டனர். இதற்கான ஏற்பாடுகளை பஞ்சாயத்து செயலாளர் அருள்ராஜ் செய்திருந்தார்.

நிகழ்ச்சிக்கு பிறகு அமைச்சர் கே.டி.ராஜேந்திரபாலாஜி நிருபர்களுக்கு அளித்த பேட்டியில் கூறியிருப்பதாவது:-

கொரோனா தடுப்பு நடவடிக்கையில் முதல்-அமைச்சர் எடப்பாடி பழனிசாமி தீவிரமாக ஈடுபட்டு வருகிறார். ஆனால் எதிர்கட்சிகள் அவரின் செயல்பாடுகளை பாராட்ட மனம் இல்லாமல் குறை சொல்லிக்கொண்டு இருக்கிறது.

தமிழகத்தில் மக்கள் பாதுகாப்பாக இருக்கிறார்கள். தண்ணீர், மின்சாரம் தடையின்றி கிடைக்கிறது. சாத்தான்குளம் சம்பவத்தில் உண்மை உலகிற்கு தெரிய வேண்டும் என்ற எண்ணத்தில் தான் சி.பி.ஐ. விசாரணைக்கு தமிழக அரசு உத்தரவிட்டுள்ளது. விசாரணைக்கு பின்னர் உண்மை நிலை உலகிற்கு தெரியும்.

கொரோனாவை தடுக்க முதலில் அனைவரும் மன தைரியத்துடன் இருக்க வேண்டும். எதிர்ப்பு சக்தியை கொடுக்கும் உணவுகளையும், சித்த மருந்துகளையும் உரிய ஆலோசனைக்கு பின்னர் எடுத்துக்கொண்டால் கொரோனா பாதிப்பில் இருந்து நம்மை நாமே காத்துக்கொள்ளலாம். கொரோனா காலத்தில் மு.க.ஸ்டாலின் ஆக்கப்பூர்வமான அறிக்கைகள் எதுவும் கொடுக்கவில்லை. அவர் கொடுக்கும் ஆலோசனைகளை மக்கள் ஏற்றுக்கொள்ள மாட்டார்கள். ஆனால் நல்ல கருத்துகளை யார் கூறினாலும் முதல்-அமைச்சர் ஏற்றுக்கொள்வார். இவ்வாறு அவர் கூறினார்.

தொடர்புடைய செய்திகள்

1. 112-வது பிறந்தநாள்; அண்ணா சிலைக்கு மு.க.ஸ்டாலின் நாளை மாலை அணிவிக்கிறார்
பேரறிஞர் அண்ணாவின் 112-வது பிறந்தநாளையொட்டி அவரது சிலைக்கு மு.க.ஸ்டாலின் மாலை அணிவித்து மரியாதை செலுத்துகிறார்.
2. கொரோனா காலத்தில் தேர்வு நடத்தும் போது பின்பற்ற வேண்டிய நடைமுறைகள் - மத்திய அரசு வெளியிட்டது
கொரோனா காலத்தில் தேர்வு நடத்தும் போது பின்பற்ற வேண்டிய நடைமுறைகளை மத்திய அரசின் சுகாதார அமைச்சகம் வெளியிட்டுள்ளது.
3. தமிழகம் முழுவதும் திமுகவினர் கறுப்புக்கொடி ஏந்தி கண்டன முழக்க போராட்டம்
தமிழக அரசு மின் கட்டணக் கொள்ளையடிப்பதாகக் கூறி, அதிமுக அரசைக் கண்டித்து கறுப்புக் கொடியேந்தி திமுக தலைவர் மு.க.ஸ்டாலின் உள்ளிட்டோர் கண்டன முழக்க போராட்டத்தில் ஈடுபட்டனர்.
4. திமுகவை இந்து விரோதி என சித்தரிக்க முயற்சி நடக்கிறது - மு.க.ஸ்டாலின் குற்றச்சாட்டு
திமுகவை இந்து விரோத கட்சியாக சித்தரிக்க முயற்சி நடப்பதாக அக்கட்சி தலைவர் மு.க.ஸ்டாலின் கண்டனம் தெரிவித்துள்ளார்.
5. மேட்டூர் அணையை 12-ந்தேதியே திறந்தும் கடை மடைப்பகுதிக்கு காவிரி நீர் போய் சேராதது கவலை அளிக்கிறது மு.க.ஸ்டாலின் அறிக்கை
மேட்டூர் அணையை கடந்த 12-ந்தேதியே திறந்தும் கடை மடைப்பகுதிக்கு இன்னும் காவிரி நீர் போய் சேராதது கவலை அளிப்பதாக மு.க.ஸ்டாலின் தெரிவித்துள்ளார்.

ஆசிரியரின் தேர்வுகள்...