மாவட்ட செய்திகள்

நெல்லையில் பெண்ணிடம் நகை பறிக்க முயற்சி: மோட்டார் சைக்கிளில் ‘போலி நம்பர் பிளேட்’ பொருத்திய கொள்ளையர்கள் + "||" + Attempt to snatch jewelery from girl in Nellai: Robbers fitted ‘fake number plate’ on motorcycle

நெல்லையில் பெண்ணிடம் நகை பறிக்க முயற்சி: மோட்டார் சைக்கிளில் ‘போலி நம்பர் பிளேட்’ பொருத்திய கொள்ளையர்கள்

நெல்லையில் பெண்ணிடம் நகை பறிக்க முயற்சி: மோட்டார் சைக்கிளில் ‘போலி நம்பர் பிளேட்’ பொருத்திய கொள்ளையர்கள்
நெல்லையில் அரிவாளை காட்டி பெண்ணிடம் நகை பறிக்க முயன்ற கொள்ளையர்கள், தங்களது மோட்டார் சைக்கிளில் போலி நம்பர் பிளேட் பயன்படுத்தியது தெரியவந்து உள்ளது. அவர்களை பிடிக்க தனிப்படை போலீசார் தீவிர தேடுதல் வேட்டையில் ஈடுபட்டுள்ளனர்.
நெல்லை,

நெல்லை பேட்டை காந்திநகரை சேர்ந்தவர் சண்முகநாதன், ஆட்டோ டிரைவர். இவருடைய மனைவி செல்வரத்தினம் (வயது 57). இவர் கடந்த சில நாட்களுக்கு முன்பு காலையில் வீட்டு முன்பு கோலம் போட்டுக் கொண்டிருந்தார். அப்போது ஒரு மோட்டார் சைக்கிளில் 3 கொள்ளையர்கள் வந்தனர். அவர்களில் 2 பேர் கீழே இறங்கி, செல்வரத்தினத்திடம் முகவரி கேட்பது போல் நடித்து, அரிவாளை காட்டி மிரட்டி நகையை பறிக்க முயன்றனர். அப்போது அவரது அபயக்குரலை கேட்டு, வீட்டுக்குள் இருந்த அவருடைய மகன் நடராஜன் (30) மற்றும் பக்கத்து வீட்டில் இருப்பவர்கள் வெளியே ஓடி வந்தனர்.


இதையடுத்து கொள்ளையர்கள் நகை பறிக்கும் முயற்சியை கைவிட்டு மோட்டார் சைக்கிளில் ஏறி தப்பி செல்ல முயன்றனர். அப்போது நடராஜன் விரட்டிச்சென்று அவர்களை பிடிக்க முயன்றார். உடனே கொள்ளையர்களில் ஒருவன் நடராஜனை அரிவாளால் வெட்ட முயன்றார். இதனால் நடராஜன் கீழே விழவே, கொள்ளையர்கள் 3 பேரும் மோட்டார் சைக்கிளில் ஏறி தப்பிச்சென்று விட்டனர். இந்த காட்சிகள் அந்த பகுதியில் உள்ள கண்காணிப்பு கேமராவில் பதிவாகி இருந்தது. அந்த காட்சி சமூக வலைதளத்தில் பரவி பரபரப்பை ஏற்படுத்தியது.

போலி நம்பர் பிளேட்

இதுதொடர்பாக டவுன் குற்றப்பிரிவு போலீசார் வழக்குப்பதிவு செய்தனர். கண்காணிப்பு கேமராவில் பதிவாகி இருந்த காட்சியை ஆய்வு செய்து, அதில் காணப்பட்ட 3 பேர் மற்றும் அவர்களது மோட்டார் சைக்கிள் பதிவு எண்ணை கொண்டு விசாரணையை தொடங்கினர்.

இதுதொடர்பாக போலீசார் நெல்லை அருகே உள்ள வல்லவன்கோட்டை மற்றும் பல்வேறு பகுதிகளுக்கு சென்றதாக கூறப்படுகிறது. போலீசாரின் விசாரணையில், கொள்ளை முயற்சி சம்பவத்துக்கும், வல்லவன்கோட்டை ஊருக்கும் எந்தவித சம்பந்தமும் இல்லை என்பது தெரியவந்தது. மேலும், நெல்லை பகுதியைச் சேர்ந்த ஒருவரின் மோட்டார் சைக்கிள் பதிவு எண்ணை போலியாக கொள்ளையர்கள் தங்களது மோட்டார் சைக்கிளில் பொருத்தி கொள்ளை முயற்சியில் ஈடுபட்டது கண்டுபிடிக்கப்பட்டது.

தேடுதல் வேட்டை

அதே நேரத்தில், கண்காணிப்பு கேமராவில் பதிவாகி உள்ள 3 பேரின் உருவத்தை கொண்டு கொள்ளையர்களை அடையாளம் காண போலீசார் தீவிர விசாரணை நடத்தி வருகின்றனர். மேலும், பழைய குற்றவாளிகள் யாரேனும் இந்த சம்பவத்தில் ஈடுபட்டார்களா? என்ற கோணத்திலும் விசாரணை நடக்கிறது. எனவே, தனிப்படை போலீசார் கொள்ளையர்களை பிடிக்க தீவிர தேடுதல் வேட்டையில் ஈடுபட்டு வருகிறார்கள்.

தொடர்புடைய செய்திகள்

1. சிறுவாச்சூரில் 2 வீடுகளில் 6¾ பவுன் நகை திருட்டு
சிறுவாச்சூரில் 2 வீடுகளில் 6¾ பவுன் நகைகளை திருடிய மர்மநபர்களை போலீசார் வலைவீசி தேடி வருகின்றனர்.
2. தென்தாமரைகுளத்தில் துணிகரம் அம்மன் கோவிலில் 17 பவுன் நகை கொள்ளை
தென்தாமரைகுளத்தில் அம்மன்கோவில் பூட்டை உடைத்து 17 பவுன் தங்க நகை, ஒரு கிலோ வெள்ளிப் பொருட்களை கொள்ளையடித்துச் சென்ற மர்ம நபர்களை போலீசார் வலைவீசி தேடி வருகிறார்கள்.
3. கடலூரில் ரெயில்வே ஊழியர் வீட்டில் ரூ.6 லட்சம் நகை கொள்ளை
கடலூரில் ரெயில்வே ஊழியர் வீட்டில் ரூ.6 லட்சம் நகையை கொள்ளையடித்த முகமூடி அணிந்த நபர், வங்கியிலும் திருட முயன்றதால் பரபரப்பு ஏற்பட்டது.
4. தாராவியில் வீட்டின் மேற்கூரையை பிரித்து 20 பவுன் நகை கொள்ளை
தாராவியில் வீட்டின் மேற்கூரையை பிரித்து மர்மநபர்கள் 20 பவுன் தங்க நகைகளை கொள்ளையடித்து சென்றனர்.
5. ஆறுமுகநேரியில் கதவை உடைத்து துணிகரம்: என்ஜினீயர் வீட்டில் 36 பவுன் நகை கொள்ளை
ஆறுமுகநேரியில் என்ஜினீயர் வீட்டின் கதவை உடைத்து 36 பவுன் நகைகளை கொள்ளையடித்து சென்ற மர்மநபர்களை போலீசார் வலைவீசி தேடி வருகின்றனர்.

அதிகம் வாசிக்கப்பட்டவை