மாவட்ட செய்திகள்

நெல்லையில் தூய்மை பணியாளர்கள் 11 இடங்களில் ஆர்ப்பாட்டம் + "||" + Cleaning workers protest in 11 places in Nellai

நெல்லையில் தூய்மை பணியாளர்கள் 11 இடங்களில் ஆர்ப்பாட்டம்

நெல்லையில் தூய்மை பணியாளர்கள் 11 இடங்களில் ஆர்ப்பாட்டம்
நெல்லையில் தூய்மை பணியாளர்கள் 11 இடங்களில் நேற்று ஆர்ப்பாட்டம் நடத்தினர்.
நெல்லை,

நெல்லை மாவட்ட ஊரக வளர்ச்சி உள்ளாட்சித்துறை ஊழியர் சங்கம் (சி.ஐ.டியு. இணைப்பு) சார்பில் நெல்லை மாநகர பகுதியில் நேற்று காலை ஆர்ப்பாட்டம் நடந்தது. நெல்லை மாநகராட்சி தூய்மை பணியாளர்களுக்கு ஒப்பந்தகாரர்கள் மூலம் பணி வழங்குவதை தவிர்க்க வேண்டும். சுய உதவிக்குழு மூலம் பணி வழங்க வேண்டும். இந்த ஆண்டுக்கான தினக்கூலியை ரூ.634-ஆக உயர்த்தி வழங்க வேண்டும்.


ஒரு கையை இழந்த பெண் தொழிலாளி பாக்கியலட்சுமியின் குடும்பத்தை சேர்ந்த ஒருவருக்கு அரசு வேலை வழங்க வேண்டும். தூய்மை பணியாளர்களுக்கு சம்பளத்துடன் கூடிய விடுமுறை வழங்க வேண்டும். குரூப் இன்சூரன்ஸ் முறையை அமல்படுத்த வேண்டும். அவர்களுக்கு இ.எஸ்.ஐ. திட்டத்தை அமல்படுத்த வேண்டும் என்ற கோரிக்கையை வலியுறுத்தி ,ந்த ஆர்ப்பாட்டம் நடந்தது.

11 இடங்களில்..

நெல்லை சந்திப்பு சிந்துபூந்துறை, மீனாட்சிபுரம், தச்சநல்லூர், வண்ணார்பேட்டை, சாந்தி நகர், மேலப்பாளையம், டவுன், பேட்டை, பாளையங்கோட்டை உள்ளிட்ட பகுதியில் உள்ள 11 மாநகராட்சி வார்டு அலகு அலுவலகங்கள் முன்பு ஆர்ப்பாட்டம் நடந்தது.

மேற்கண்ட இடங்களில் நடந்த ஆர்ப்பாட்டத்தில் சி.ஐ.டி.யு. மாவட்ட செயலாளர் மோகன், தொழிற்சங்கத்தை சேர்ந்த சுடலைராஜ், வரகுணன், பீர்முகமது ஷா, காமராஜ், குழந்தைவேலு, பேரின்பராஜ், கோபால் உள்பட பலர் கலந்து கொண்டனர். சுமார் 800-க்கும் மேற்பட்ட தூய்மை பணியாளர்கள் கலந்து கொண்டனர். அவர்கள் கோரிக்கைகளை வலியுறுத்தி கோஷங்கள் எழுப்பினர். இதனால் தூய்மை பணிகள் பாதிக்கப்பட்டன.

தொடர்புடைய செய்திகள்

1. மதுரைக்கு குடிநீர் கொண்டு செல்லும் திட்டத்தை கைவிட கோரி விவசாயிகள் கண்டன ஆர்ப்பாட்டம்
மதுரைக்கு குடிநீர் கொண்டு செல்லும் திட்டத்தை கைவிடக்கோரியும், இதற்கு பதிலாக மாற்று திட்டம் கொண்டுவர வேண்டும் என வலியுறுத்தியும் நேற்று மாலை 6 மணியளவில் கூடலூர் பழைய பஸ்நிலையம் அருகே கண்டன ஆர்ப்பாட்டம் நடைபெற்றது.
2. புதிய கல்வி கொள்கையை கண்டித்து ஒடுக்கப்பட்டோர் கூட்டு இயக்கத்தினர் ஆர்ப்பாட்டம்
திண்டுக்கல் மணிக்கூண்டு அருகே ஒடுக்கப்பட்டோர் கூட்டு இயக்கம் சார்பில் ஆர்ப்பாட்டம் நடத்தப்பட்டது.
3. குமாரபாளையம், திருச்செங்கோட்டில் தொழிற்சங்கத்தினர் ஆர்ப்பாட்டம்
குமாரபாளையம், திருச்செங்கோட்டில் கோரிக்கைகளை வலியுறுத்தி பல்வேறு தொழிற்சங்கத்தினர் ஆர்ப்பாட்டத்தில் ஈடுபட்டனர்.
4. நாகையில் போலீசாரை கண்டித்து தி.மு.க.வினர் ஆர்ப்பாட்டம்
நாகையில் போலீசாரை கண்டித்து தி.மு.க.வினர் ஆர்ப்பாட்டத்தில் ஈடுபட்டனர்.
5. இந்திய கம்யூனிஸ்டு கட்சியினர் ஆர்ப்பாட்டம் பயிர் காப்பீடு இழப்பீட்டு தொகை வழங்கக்கோரி நடந்தது
கோட்டூரில் பயிர் காப்பீடு இழப்பீட்டு தொகை வழங்கக்கோரி இந்திய கம்யூனிஸ்டு கட்சியினர் ஆர்ப்பாட்டத்தில் ஈடுபட்டனர்.

அதிகம் வாசிக்கப்பட்டவை