மாவட்ட செய்திகள்

எனக்கும், குடும்பத்தினரின் உயிருக்கும் ஆபத்து அரசு உரிய பாதுகாப்பு வழங்க வேண்டும் அகண்ட சீனிவாசமூர்த்தி எம்.எல்.ஏ. பேட்டி + "||" + The government should provide proper protection for me and my family's lives, said Aganda Srinivasamurthy MLA. Interview

எனக்கும், குடும்பத்தினரின் உயிருக்கும் ஆபத்து அரசு உரிய பாதுகாப்பு வழங்க வேண்டும் அகண்ட சீனிவாசமூர்த்தி எம்.எல்.ஏ. பேட்டி

எனக்கும், குடும்பத்தினரின் உயிருக்கும் ஆபத்து அரசு உரிய பாதுகாப்பு வழங்க வேண்டும் அகண்ட சீனிவாசமூர்த்தி எம்.எல்.ஏ. பேட்டி
எனக்கும், என்னுடைய குடும்பத்தினரின் உயிருக்கும் ஆபத்து உள்ளதால் அரசு உரிய பாதுகாப்பு வழங்க வேண்டும் என்று அகண்ட சீனிவாசமூர்த்தி எம்.எல்.ஏ. தெரிவித்துள்ளார்.
பெங்களூரு, 

பெங்களூரு டி.ஜே.ஹள்ளியில் நேற்று இரவு (அதாவது நேற்று முன்தினம்) நடந்த வன்முறையில், என்னுடைய வீடு முழுவதும் எரிந்து நாசமாகி உள்ளது. அந்த வீட்டில் தான் நான் பிறந்து வளர்ந்தேன். சிறுபான்மையினருக்கு எதிராக கருத்து பதிவிட்ட, என்னுடைய சகோதரி மகன் நவீனுக்கும், எனக்கும் எந்த தொடர்பும் இல்லை. நான் அவருடன் பேசி 10 ஆண்டுகள் ஆகிவிட்டது. அவர் வெளியிட்ட முகநூல் பதிவுக்காக எனது வீட்டை தீவைத்து எரிக்க வேண்டிய அவசியம் என்ன?.

எனது வீட்டில் இருந்த பொருட்கள் அனைத்தும் எரிந்து நாசமாகி விட்டது. தங்க நகைகள், விலை உயர்ந்த பட்டு சேலைகள், பணம், பொருட்களை மர்மநபர்கள் கொள்ளையடித்துச் சென்றுள்ளனர். அதன்பிறகு, வீட்டுக்கு தீவைத்துள்ளனர். வாகனம் நிறுத்தும் பகுதிக்குள் புகுந்து ஸ்கூட்டர், கார் உள்ளிட்ட வாகனங்களுக்கு தீவைத்துள்ளனர். பெட்ரோல் குண்டுகளும் வீசினர். இந்த சம்பவம் கண்டிக்கத்தக்கது. பெங்களூருவில் 25 ஆண்டுகளாக இதுபோன்ற வன்முறை சம்பவத்தை நான் பார்த்ததில்லை.

உயிருக்கு ஆபத்து

அந்த முகநூல் பதிவுக்கும், எனக்கும் தொடர்பும் இல்லாத போது, என் மீது குறிவைத்து தாக்குதல் நடத்த காரணம் ஏன்? என்று தெரியவில்லை. எனக்கும், எனது குடும்பத்தினரின் உயிருக்கும் ஆபத்து இருக்கிறது. எனவே அரசு உரிய பாதுகாப்பு வழங்க வேண்டும் என்று கேட்டுக் கொள்கிறேன்.

இந்த வன்முறை சம்பவம் தொடர்பாக எந்த விதமான விசாரணை நடந்தாலும் சரி. மத்திய குற்றப்பிரிவு போலீசாராக இருந்தாலும் சரி, சி.ஐ.டி. போலீசார் விசாரணைக்கு அரசு உத்தரவிட்டாலும் சரி, சி.பி.ஐ. விசாரணைக்கு உத்தரவிட்டாலும் சரி. விசாரணை எந்த விதமான பாரபட்சமும் இல்லாமல் நடக்க வேண்டும். தவறு செய்தவர்களுக்கு தகுந்த தண்டனை கிடைக்க வேண்டும்.

இவ்வாறு அவர் கூறினார்.

தொடர்புடைய செய்திகள்

1. சட்டசபை இடைத்தேர்தலில் காங்கிரஸ் சார்பில் போட்டியிட பலர் விண்ணப்பம் டி.கே.சிவக்குமார் பேட்டி
சட்டசபை இடைத்தேர்தலில் போட்டியிட காங்கிரஸ் சார்பில் பலர் விண்ணப்பித்துள்ளதாக காங்கிரஸ் தலைவர் டி.கே.சிவக்குமார் கூறியுள்ளார்.
2. ‘பவர்-பிளே’யில் பந்து வீச வாய்ப்பு கிடைத்தது மகிழ்ச்சி; பெங்களூரு வீரர் வாஷிங்டன் சுந்தர் பேட்டி
‘பவர்-பிளே’யில் பந்து வீச வாய்ப்பு கிடைத்தது மகிழ்ச்சி என பெங்களூரு வீரர் வாஷிங்டன் சுந்தர் பேட்டியில் கூறியுள்ளார்.
3. ஜிப்மரில் புதுவை மாணவர்களுக்கான இட ஒதுக்கீட்டை யாரும் பறிக்க முடியாது முதல்-அமைச்சர் நாராயணசாமி பேட்டி
ஜிப்மரில் புதுவை மாணவர்களுக்கான இடஒதுக்கீட்டை யாரும் பறிக்க முடியாது. எனவே வதந்திகளை மக்கள் நம்ப வேண்டாம் என்று நாராயணசாமி கூறினார்.
4. அ.தி.மு.க செயற்குழு கூட்டத்தில் முக்கிய முடிவு எடுக்கப்படும் அமைச்சர் செல்லூர் ராஜூ பேட்டி
இன்று நடைபெறும் அ.தி.மு.க. செயற்குழுவில் முக்கிய முடிவு எடுக்கப்படும் என்று அமைச்சர் செல்லூர் ராஜூ கூறினார்.
5. இடைத்தரகர்களிடம் விவசாயிகள் ஏமாறக்கூடாது என்பதற்காகவே வேளாண் பாதுகாப்பு சட்டம் கொண்டுவரப்பட்டுள்ளது அமைச்சர் பேட்டி
இடைத்தரகர்களிடம் விவசாயிகள் ஏமாறக்கூடாது என்பதற்காகவே வேளாண் பாதுகாப்பு சட்டம் கொண்டுவரப்பட்டுள்ளது என திருவாரூரில் அமைச்சர் காமராஜ் கூறினார்.

ஆசிரியரின் தேர்வுகள்...