மாவட்ட செய்திகள்

தொடர் மழையால் திம்பம் மலைப்பாதையில் மண் சரிவு + "||" + Landslide on Thimphu Hill Trail due to continuous rains

தொடர் மழையால் திம்பம் மலைப்பாதையில் மண் சரிவு

தொடர் மழையால் திம்பம் மலைப்பாதையில் மண் சரிவு
தொடர் மழையால் திம்பம் மலைப்பாதையில் மண் சரிவு ஏற்பட்டுள்ளது.
தாளவாடி,

தாளவாடி அருகே உள்ள திம்பம் மலைப்பாதை 27 கொண்டை ஊசி வளைவுகளை கொண்டதாகும். இந்த பாதை தமிழக-கர்நாடக மாநிலத்தை இணைக்கும் முக்கிய பாதையாக உள்ளது. இதன் வழியாக தமிழகத்தில் இருந்து கர்நாடக மாநிலத்துக்கும், அங்கிருந்து தமிழகத்துக்கும் கார், பஸ், லாரி, வேன், இருசக்கர வாகனங்கள் என தினமும் ஏராளமான வாகனங்கள் சென்று வருகின்றன. இந்த நிலையில் திம்பம் மலைப்பகுதியில் கடந்த 10 நாட்களாக தொடர்ந்து விட்டு விட்டு மழை பெய்து வருகிறது. இதனால் 16-வது கொண்டை ஊசி வளைவில் உள்ள தடுப்பு கம்பிக்கு கீழே ஜல்லி கற்கள் மற்றும் மண்ணால் கட்டப்பட்ட கரை பகுதி கொஞ்சம், கொஞ்சமாக வலுவிழந்தது. திடீரென கரை பகுதி சரிந்து விழுந்தது. இதனால் தடுப்பு கம்பிகள் அந்தரத்தில் தொங்குவது போல் நிற்கிறது.


வாகன ஓட்டிகள் பீதி

இதுபற்றி வாகன ஓட்டிகள் உடனே நெடுஞ்சாலைத்துறைக்கு தகவல் கொடுத்தனர். அதன்பேரில் நெடுஞ்சாலைத்துறையினர் அங்கு சென்று மண் சரிந்த பகுதியை பார்வையிட்டு நடவடிக்கை எடுத்தனர். வாகனங்கள் செல்லும்போது பாரம் தாங்காமல் மேலும் சரிவு ஏற்படுவதை தடுக்க ரோட்டிலேயே 10 மணல் மூட்டைகளை வரிசையாக அடுக்கி வைத்துள்ளனர். இதன் காரணமாக வாகனங்கள் ரோட்டின் ஒருபுறம் சென்று வருகின்றன. தொடர்ந்து திம்பம் மலைப்பாதையில் மழை பெய்து வருகிறது. இதனால் தடுப்பு கம்பிகள் வலுவிழுந்து முழுவதுமாக எப்போது விழுமோ? என வாகன ஓட்டிகள் பீதியுடன் செல்கின்றனர்.

தொடர்புடைய செய்திகள்

1. மெட்ரோ ரெயில் திட்டத்துக்காக மண் பரிசோதனை மீண்டும் தொடங்கியது
கொரோனா காரணமாக கடந்த 4 மாதங்களாக நிறுத்தி வைக்கப்பட்டிருந்த மெட்ரோ ரெயில் திட்ட மண் பரிசோதனை செய்யும் பணி மீண்டும் தொடங்கப்பட்டுள்ளது.
2. சென்னை, டெல்லி, மும்பையில் கொரோனா பரவல் விகிதம் சரிவு; மெத்தனம் கூடாது என நிபுணர்கள் எச்சரிக்கை
சென்னை, டெல்லி, மும்பை ஆகிய பெருநகரங்களில் கொரோனா பரவல் விகிதம் சரிந்துள்ளதாக கண்டறியப்பட்டு உள்ளது. எனினும் தொற்றை தடுக்கும் நடவடிக்கைகளில் மெத்தனம் கூடாது என நிபுணர்கள் எச்சரிக்கை விடுத்து உள்ளனர்.
3. கொரோனா வைரஸ் வதந்தியால் விற்பனை சரிவு: நாமக்கல் கோழிப்பண்ணைகளில் ஒரு முட்டை விலை ரூ.1.25
கொரோனா வைரஸ் வதந்தியால் விற்பனை சரிவடைந்த நிலையில், நாமக்கல் கோழிப்பண்ணைகளில் ஒரு முட்டை ரூ.1.25-க்கு விற்பனை செய்யப்பட்டு வருகிறது.