மாவட்ட செய்திகள்

தஞ்சை அருகே முன் விரோதத்தில் தொழிலாளி வெட்டிக்கொலை 3 பேருக்கு போலீசார் வலைவீச்சு + "||" + Police nab 3 for killing worker in a previous feud near Thanjavur

தஞ்சை அருகே முன் விரோதத்தில் தொழிலாளி வெட்டிக்கொலை 3 பேருக்கு போலீசார் வலைவீச்சு

தஞ்சை அருகே முன் விரோதத்தில் தொழிலாளி வெட்டிக்கொலை 3 பேருக்கு போலீசார் வலைவீச்சு
தஞ்சை அருகே முன் விரோதத்தில் தொழிலாளி வெட்டிக்கொலை செய்யப்பட்டார். இதுதொடர்பாக 3 பேரை போலீசார் வலைவீசி தேடி வருகிறார்கள்.
கள்ளப்பெரம்பூர்,

தஞ்சை அருகே உள்ள துருசுப்பட்டி மேலத்தெருவை சேர்ந்தவர் வீரையன்(வயது 38). கூலி தொழிலாளி. இவருடைய வீட்டின் அருகே வசித்து வருபவர் குருநாதன். இவர்கள் இருவருக்கும் இடையே முன்விரோதம் இருந்து வந்தது. நேற்று முன்தினம் குருநாதன் மனைவி சித்ராவை, வீரையன் திட்டியதாக கூறப்படுகிறது.


இதையடுத்து வீரையன் வீட்டுக்கு சென்ற குருநாதன் அவரிடம் தகராறில் ஈடுபட்டுள்ளார். அப்போது வீரையனுக்கு குருநாதன் கொலை மிரட்டல் விடுத்து விட்டு அங்கிருந்து சென்று விட்டார். இந்த நிலையில் நேற்று அதிகாலை வீரையன் வீட்டின் மீது சிலர் கல் எறிந்து உள்ளனர்.

அரிவாளால் வெட்டினர்

சத்தம் கேட்டு வீரையன் மனைவி வீரச்செல்வி (35) தூக்கத்தில் இருந்து எழுந்து, வீரையனை எழுப்பினார். பின்னர் வீரையன் வீட்டை விட்டு வெளியே வந்து பார்த்தார். அப்போது வெளியே மறைந்திருந்த குருநாதன் மற்றும் அடையாளம் தெரியாத 2 பேர் சேர்ந்து வீரையனை அரிவாளால் சரமாரியாக வெட்டினர். இதை பார்த்த வீரச்செல்வி அலறி துடித்தார். அவருடைய அலறல் சத்தம் கேட்டு ஆட்கள் வருவதற்குள் குருநாதன் உள்பட 3 பேரும் அங்கிருந்து தப்பி ஓடி தலைமறைவாகி விட்டனர். இதைத்தொடர்ந்து ரத்த வெள்ளத்தில் கிடந்த வீரையனை அக்கம் பக்கத்தினர் மீட்டு சிகிச்சைக்காக தஞ்சை மருத்துவக்கல்லூரி மருத்துவமனையில் அனுமதித்தனர்.

3 பேருக்கு வலைவீச்சு

அங்கு சிகிச்சை பெற்று வந்த வீரையன் சிகிச்சை பலனின்றி நேற்று மதியம் பரிதாபமாக உயிர் இழந்தார். இதுகுறித்து வீரச்செல்வி செங்கிப்பட்டி போலீசில் புகார் கொடுத்தார். அதன்பேரில் குருநாதன் மற்றும் அடையாளம் தெரியாத 2 பேர் என 3 பேர் மீது போலீசார் வழக்குப்பதிவு செய்து அவர்களை வலைவீசி தேடி வருகின்றனர்.

தொடர்புடைய செய்திகள்

1. குளச்சல் பஸ் நிலையத்தில் 6 மாத குழந்தை கடத்தல் பெற்றோரிடம், போலீசார் விசாரணை
குளச்சல் பஸ் நிலையத்தில் பெற்றோருடன் தூங்கிய 6 மாத பெண் குழந்தை கடத்தப்பட்ட சம்பவம் பரபரப்பை ஏற்படுத்தியுள்ளது.
2. பிளாஸ்டிக் படகில் வந்த சிங்கள போலீஸ்காரர்: தனுஷ்கோடிக்கு அழைத்து வந்து சி.பி.சி.ஐ.டி. போலீசார் விசாரணை
தனுஷ்கோடிக்கு அழைத்து வந்து இலங்கை காவலரிடம் சி.பி.சி.ஐ.டி போலீசார் தீவிர விசாரணை நடத்தினர்.
3. திண்டுக்கல்லில் நிதி நிறுவனம் நடத்தி ரூ.17 லட்சம் மோசடி செய்தவர் கைது மனைவிக்கு வலைவீச்சு
திண்டுக்கல்லில் நிதி நிறுவனம் நடத்தி ரூ.17 லட்சம் மோசடி செய்தவரை மாவட்ட குற்றப்பிரிவு போலீசார் கைது செய்தனர்.
4. தஞ்சை அருகே, மண்வெட்டிக்காக கூலித்தொழிலாளி அடித்துக்கொலை வாலிபருக்கு வலைவீச்சு
தஞ்சை அருகே மண்வெட்டிக்காக கூலித்தொழிலாளி அடித்துக்கொலை செய்யப்பட்டார். இது தொடர்பாக வாலிபரை போலீசார் வலைவீசி தேடி வருகிறார்கள்.
5. நாகூரில் கோவில் குளத்தில் செத்து மிதந்த மீன்கள் விஷம் கலப்பா? போலீசார் விசாரணை
நாகூரில் கோவில் குளத்தில் மீன்கள் செத்து மிதந்தன. குளத்தில் விஷம் கலக்கப்பட்டதா? என்பது பற்றி போலீசார் விசாரணை நடத்தி வருகிறார்கள்.