மாவட்ட செய்திகள்

சிதம்பரத்தில் தூர்வாரப்பட்ட குளங்களை கலெக்டர் ஆய்வு + "||" + Collector inspects dilapidated ponds in Chidambaram

சிதம்பரத்தில் தூர்வாரப்பட்ட குளங்களை கலெக்டர் ஆய்வு

சிதம்பரத்தில் தூர்வாரப்பட்ட குளங்களை கலெக்டர் ஆய்வு
சிதம்பரத்தில் தூர்வாரப்பட்ட குளங்களை கடலூர் மாவட்ட கலெக்டர் சந்திரசேகர் சாகமூரி பார்வையிட்டு ஆய்வு செய்தார்.
அண்ணாமலைநகர்,

சிதம்பரம் நகரில் தீர்த்த குளங்களான ஓமக்குளம், நாகச்சேரி குளம், ஞானப்பிரகாசம் குளம் ஆகியவை உள்ளன. இந்த குளத்தில் இருந்த ஆக்கிரமிப்புகள் அகற்றப்பட்டன. தொடர்ந்து தனியார் தொண்டு நிறுவனம் உதவியுடன் குளங்கள் தூர்வாரப்பட்டு கரைகள் பலப்படுத்தப்பட்டன. மேலும் குளத்தை சுற்றி முள்வேலிகள் அமைக்கப்பட்டு மரக்கன்றுகள் நடப்பட்டன. தற்போது பெய்து வரும் மழையால் குளங்கள் நிரம்பி வருகின்றன. இந்த நிலையில் ஓமக்குளத்தை நேற்று கடலூர் மாவட்ட கலெக்டர் சந்திரசேகர் சாகமூரி பார்வையிட்டு ஆய்வு செய்தார்.

அப்போது ஓமக்குளம் பகுதியில் இருந்து அப்புறப்படுத்தப்பட்ட மக்கள் அங்கு வந்தனர். பின்னர் அவர்கள் தங்களுக்கு மாற்று இடம் வழங்கக்கோரி கலெக்டர் சந்திரசேகர் சாகமூரியிடம் கோரிக்கை விடுத்தனர்.

அதற்கு அவர் உரிய நடவடிக்கை எடுப்பதாக தெரிவித்தனர். அதனை தொடர்ந்து நாகச்சேரி குளம், ஞானப்பிரகாசம் குளத்தை பார்வையிட்டு ஆய்வு செய்தார். அப்போது ஞானப்பிரகாசம் குளத்தை சுற்றிலும் இருந்த செடி, கொடிகளை அகற்றுமாறு நகராட்சி ஆணையருக்கு உத்தரவிட்டார். இந்த ஆய்வின் போது சிதம்பரம் நகராட்சி ஆணையர் அஜிதா பர்வீன், துணை போலீஸ் சூப்பிரண்டு லாமேக், தாசில்தார் ஆனந்த், வருவாய் ஆய்வாளர் கந்தவேல், கிராம நிர்வாக அலுவலர் ரமேஷ், சர்வேயர் பரந்தாமன், நீர் நிலை பாதுகாப்பு குழு ஒருங்கிணைப்பாளர் செங்குட்டுவன், செயலாளர் சித்து கனகசபை, வர்த்தகர் சங்க தலைவர் சதீஷ்குமார் உள்பட பலர் உடனிருந்தனர். முன்னதாக சிதம்பரம் அருகே உள்ள கீழ் அனுவம்பட்டு கிராமத்தில் பிரதம மந்திரியின் கிசான் வீடு கட்டும் திட்டத்தின் கீழ் கட்டப்படும் வீடுகளை கலெக்டர் சந்திரசேகர சகாமூரி பார்வையிட்டு ஆய்வு செய்தார்.

தொடர்புடைய செய்திகள்

1. முன்னெச்சரிக்கை நடவடிக்கை, மீட்புக்குழு தயார்: ‘நிவர்’ புயலுக்கு மக்கள் அச்சப்பட வேண்டாம் - கடலூர் கலெக்டர் பேட்டி
புயலை எதிர்கொள்ள முன்னெச்சரிக்கை நடவடிக்கை எடுக்கப்பட்டுள்ளது. மீட்புக்குழுவினர் தயாராக இருக்கிறார்கள். ஆதலால் ‘நிவர்’ புயல் பற்றி மக்கள் அச்சப்பட வேண்டாம் என்று கடலூர் மாவட்ட கலெக்டர் சந்திரசேகர் சாகமூரி கூறினார்.
2. குறைந்த விலைக்கு பெரிய வெங்காயம் கிடைக்க நடவடிக்கை - கலெக்டர் சந்திரசேகர் சாகமூரி தகவல்
குறைந்த விலைக்கு தரமான பெரிய வெங்காயம் கிடைக்க நடவடிக்கை எடுக்கப்பட்டுள்ளதாக கலெக்டர் சந்திரசேகர் சாகமூரி தெரிவித்துள்ளார்.
3. ஆர்வமுள்ள விவசாயிகள் விரால் மீன் வளர்த்து வருமானத்தை பெருக்கலாம் - கலெக்டர் வேண்டுகோள்
ஆர்வமுள்ள விவசாயிகள் விரால் மீன் வளர்த்து வருமானத்தை பெருக்கலாம் என்று கலெக்டர் சந்திரசேகர் சாகமூரி வேண்டுகோள் விடுத்துள்ளார்.
4. பாசிமுத்தான் ஓடையில் ஆகாயத்தாமரை அகற்றும் பணி - கலெக்டர் சந்திரசேகர் சாகமூரி ஆய்வு
சிதம்பரம் பாசிமுத்தான் ஓடையில் ஆகாயத்தாமரைகள் அகற்றும் பணியை கலெக்டர் சந்திரசேகர் சாகமூரி பார்வையிட்டு ஆய்வு செய்தார்.
5. வீரதீர செயல்புரிந்த பெண் குழந்தைகள் மாநில விருது பெற விண்ணப்பிக்கலாம் - கலெக்டர் சந்திரசேகர் சாகமூரி தகவல்
வீரதீர செயல்புரிந்த பெண் குழந்தைகள் மாநில விருது பெற விண்ணப்பிக்கலாம் என கலெக்டர் சந்திரசேகர் சாகமூரி தெரிவித்துள்ளார். இதுதொடர்பாக அவர் வெளியிட்டுள்ள ஒரு செய்திக்குறிப்பில் கூறப்பட்டுள்ளதாவது:-