மாவட்ட செய்திகள்

வீட்டிற்குள் மழைநீர் புகுந்து வசிக்க முடியாத நிலை: யாரும் கண்டுகொள்ளாததால் தீக்குளிக்க பெட்ரோல் கேனுடன் வந்த 3 பேர் + "||" + Rainwater intrusion into the house: 3 people who came with a petrol can to put out the fire because no one noticed

வீட்டிற்குள் மழைநீர் புகுந்து வசிக்க முடியாத நிலை: யாரும் கண்டுகொள்ளாததால் தீக்குளிக்க பெட்ரோல் கேனுடன் வந்த 3 பேர்

வீட்டிற்குள் மழைநீர் புகுந்து வசிக்க முடியாத நிலை: யாரும் கண்டுகொள்ளாததால் தீக்குளிக்க பெட்ரோல் கேனுடன் வந்த 3 பேர்
வீட்டிற்குள் மழைநீர் புகுந்து வசிக்க முடியாத நிலையில் யாரும் தங்களை கண்டுகொள்ளாததால் தீக்குளிக்க பெட்ரோல் கேனுடன் வந்த 3 பேரை போலீசார் எச்சரித்து அனுப்பி வைத்தனர்.
தஞ்சாவூர்,

தஞ்சையை அடுத்த கள்ளப்பெரம்பூர் 2-ம் சேத்தி கிராமம் அடைக்கலமாதா கோவில் தெருவை சேர்ந்தவர் நாகராஜ்(வயது30). கூலித்தொழிலாளி. இவர் தனது பெரியப்பா மகன் மனோகரன் மற்றும் அவருடைய மனைவி மகேஸ்வரி ஆகியோருடன் தஞ்சை கலெக்டர் அலுவலகத்திற்கு நேற்றுகாலை வந்தார்.

கலெக்டர் அலுவலக நுழைவு வாயிலில் பாதுகாப்பு பணியில் ஈடுபட்ட போலீசார், இவர்கள் 3 பேரும் கொண்டு வந்த பையை சோதனை செய்தனர். அப்போது ஒரு பையில் பெட்ரோல் நிரப்பப்பட்ட கேன் இருந்ததை போலீசார் கண்டறிந்தனர். உடனே அந்த பெட்ரோல் பாட்டிலை வேறு இடத்திற்கு போலீசார் கொண்டு சென்றனர். பின்னர் எதற்காக பெட்ரோல் பாட்டிலுடன் வந்தீர்கள்? என 3 பேரிடமும் போலீசார் விசாரணை நடத்தினர்.

எச்சரித்த போலீசார்

அப்போது அவர்கள், தொடர் மழையால் நாங்கள் வசிக்கும் வீடுகளில் தண்ணீர் ஒழுகுகிறது. வீட்டை சுற்றிலும், வீட்டிற்குள்ளும் தண்ணீர் தேங்கியுள்ளது. வீட்டில் வசிக்க முடியாத காரணத்தினால் கோவிலில் தான் வசித்து வருகிறோம். எங்களுக்கு அரசு தான் வீடு கட்டி கொடுத்தது. இப்போது இடியும் நிலையில் உள்ளதால் புதிதாக வீடு கட்டி கொடுக்க வேண்டும். மிகவும் ஏழ்மையில் வாடும் எங்களது துயரத்தை போக்க யாரும் முன்வரவில்லை. இதனால் தீக்குளித்து தற்கொலை செய்து கொள்ள வேண்டும் என்பதற்காக பெட்ரோல் கேனுடன் வந்தோம் என தெரிவித்தனர்.

அவர்கள் 3 பேரையும் எச்சரித்த போலீசார், மனு எழுதிவரச் சொல்லி அறிவுறுத்தினர். அவர்கள் மனு எழுதி வந்தவுடன் அவர்களை போலீசார் அழைத்து சென்று அதிகாரிகளை சந்திக்க வைத்தனர். அதிகாரிகளிடம் தங்களது கோரிக்கை மனுவை கொடுத்துவிட்டு 3 பேரும் வீட்டிற்கு சென்றனர்.

தொடர்புடைய செய்திகள்

1. ஆண்டிமடம் விளந்தை பகுதியில் தெருக்கள், சாலையில் குளம்போல் தேங்கிய மழைநீர்
ஆண்டிமடம் விளந்தை பகுதியில் தெருக்கள், சாலையில் மழைநீர் தேங்கி குளம்போல் காட்சியளிக்கிறது. இதை தவிர்க்க அப்பகுதியில் வடிகால் வாய்க்கால் அமைக்க பொதுமக்கள் கோரிக்கை விடுத்துள்ளனர்.
2. இரண்டு வார காலமாக கூத்தியம்பேட்டை கிராமத்தில் குடியிருப்பை சூழ்ந்திருக்கும் மழைநீர்
கூத்தியம்பேட்டை கிராமத்தில் இரண்டு வார காலமாக குடியிருப்பை சூழ்ந்திருக்கும் மழைநீரை அகற்ற விரைவில் நடவடிக்கை எடுப்பார்களா? என அந்த பகுதி மக்கள் எதிர்பார்ப்புடன் உள்ளனர்.
3. தொடர் மழையால் மாமல்லபுரம் புலிக்குகையை மழைநீர் சூழ்ந்தது
தொடர் மழையால் மாமல்லபுரம் புலிக்குகை புராதன சின்னம் மழை நீர் சூழ்ந்து காணப்படுகிறது.
4. பள்ளிக்கரணையில் 4 நாட்களாக தேங்கி நிற்கும் மழைநீர்: வீடுகளுக்குள் பாம்புகள் புகுந்து விடுவதால் மாடி வீடுகளில் மக்கள் தஞ்சம்
பள்ளிக்கரணையில் கடந்த 4 நாட்களாக வீடுகளை மழைநீர் சூழ்ந்து நிற்பதால் பாம்புகள், விஷப்பூச்சுகள் வீடுகளுக்குள் படையெடுப்பதால் அச்சம் அடைந்த பொதுமக்கள், குழந்தைகளுடன் மாடி வீடுகளில் தஞ்சமடைந்து வருகின்றனர்.
5. உடன்குடி பகுதியில் உள்ள 2 குளங்களுக்கு தண்ணீர் திறந்துவிட கோரிக்கை
உடன்குடி பகுதியில் உள்ள 2 குளங்களுக்கு தண்ணீர் திறந்து விட வேண்டும் என்று விவசாயிகள் கோரிக்கை விடுத்து உள்ளனர்.