மாவட்ட செய்திகள்

வழக்கு விவரங்கள் அரசு வக்கீல்களுக்கு முறையாக தெரிவிக்கப்படும்; ஐகோர்ட்டில் போலீஸ் கமிஷனர் உறுதி + "||" + The details of the case will be duly communicated to the public prosecutors; Confirmed by the Commissioner of Police in High Court

வழக்கு விவரங்கள் அரசு வக்கீல்களுக்கு முறையாக தெரிவிக்கப்படும்; ஐகோர்ட்டில் போலீஸ் கமிஷனர் உறுதி

வழக்கு விவரங்கள் அரசு வக்கீல்களுக்கு முறையாக தெரிவிக்கப்படும்; ஐகோர்ட்டில் போலீஸ் கமிஷனர் உறுதி
வழக்கு குறித்த விவரங்கள் அரசு வக்கீல்களுக்கு முறையாக தெரியப்படுத்தப்படும் என்று சென்னை ஐகோர்ட்டில் போலீஸ் கமிஷனர் கூறியுள்ளார்.

கள்ளநோட்டு கும்பல்

சென்னையில் கள்ளநோட்டுகளை புழக்கத்தில் விட்ட ஒரு கும்பலை யானைக்கவுனி போலீஸ் இன்ஸ்பெக்டர் ஷோபனா கைது செய்தார். இந்த வழக்கில் கைதான செல்லிராம் குமார் உள்ளிட்டோர் ஜாமீன் கேட்டு சென்னை ஐகோர்ட்டில் மனு தாக்கல் செய்தனர். இந்த மனு, நீதிபதி எம்.தண்டபாணி முன்பு விசாரணைக்கு வந்தது.

அப்போது வழக்கில் ஆஜராகும் அரசு குற்றவியல் வக்கீலுக்கு வழக்கு குறித்த விவரங்களை இன்ஸ்பெக்டர் தெரிவிக்கவில்லை என்ற தகவல் நீதிபதிக்கு தெரிவிக்கப்பட்டது. இதையடுத்து போலீஸ் கமிஷனர் மகேஷ்குமார் அகர்வால் காணொலி காட்சி வாயிலாக ஆஜராக நீதிபதி நேற்று முன்தினம் உத்தரவிட்டார்.

கமிஷனர் விளக்கம்

இந்நிலையில், இந்த வழக்கு நேற்று மீண்டும் விசாரணைக்கு வந்தது. அப்போது போலீஸ் கமிஷனர் காணொலி காட்சி வாயிலாக ஆஜரானார். அவரிடம் நீதிபதி, ‘வழக்கு குறித்து அரசு தரப்பு வக்கீல்களுக்கு இன்ஸ்பெக்டர்கள் தெரிவிப்பது இல்லை. இதனால் விசாரணை பாதிக்கப்படுகிறது’ என்றார்.

அதற்கு போலீஸ் கமிஷனர், ‘இந்த வழக்கை பொறுத்தவரை 4 நாட்களுக்கு முன்பாகவே வழக்கு விவரங்கள் அரசு தரப்பு வக்கீலுக்கு தெரியப்படுத்தப்பட்டது. இதில் ஏதோ குழப்பம் ஏற்பட்டுள்ளது. இனிமேல், வழக்கு குறித்த விவரங்கள் அரசு தரப்பு வக்கீலுக்கு முறையாக தெரிவிக்கப்படும்’ என்றார். போலீஸ் கமிஷனர் தரப்பில் மாநில தலைமை குற்றவியல் வக்கீல் ஏ.நடராஜன் ஆஜராகி வாதிட்டார்.

ஜாமீன்

அதையடுத்து, ஜாமீன் மனுவை நீதிபதி விசாரித்தார். பின்னர், கொரோனா தொற்று ஏற்பட்டு சிகிச்சை பெற்று வருபவர்களுக்கு உதவும்விதமாக தலா ரூ.2.50 லட்சத்தை சென்னை அரசு ஆஸ்பத்திரிக்கு மனுதாரர்கள் வழங்கவேண்டும் என்ற நிபந்தனையுடன், ஜாமீன் வழங்கி உத்தரவிட்டார்.

 


தொடர்புடைய செய்திகள்

1. கொரோனா அச்சம் காரணமாக ஆவடி போலீஸ் நிலையத்தில் மரத்தடியில் விசாரணை
கொரோனா 2-வது அலை காரணமாக சென்னை மாநகர போலீசில் பலர் பாதிக்கப்பட்டு ஆஸ்பத்திரியில் சிகிச்சை பெற்று வருகின்றனர்.
2. காஞ்சீபுரம், செங்கல்பட்டு மாவட்டங்களில் 5 புதிய காவல் ரோந்து வாகனங்கள் போலீஸ் சூப்பிரண்டு தொடங்கி வைத்தார்
சட்டம் ஒழுங்கு பிரச்சினைகள், விபத்து நேரங்கள் மற்றும் போக்குவரத்து இடையூறுகள் போன்றவை ஏற்படும் போது உடனடியாக சென்று உதவிகள் செய்யவும், ரோந்துப்பணியை சிறப்பாக செய்யவும் ஒருங்கிணைந்த காஞ்சீபுரம் மாவட்டத்துக்கென 5 புதிய ரோந்து வாகனங்கள் வாங்கப்பட்டுள்ளது.
3. கோயம்பேடு பஸ் நிலையத்தில் பிளஸ்-1 மாணவரிடம் ரூ.63 ஆயிரத்தை பறித்ததாக போலீஸ்காரர்கள் மீது புகார்
கோயம்பேடு பஸ் நிலையத்தில் பிளஸ்-1 மாணவரிடம் ரூ.63 ஆயிரத்து 500 பணத்தை போலீஸ்காரர்கள் பறித்ததாக அவரது பெற்றோர் போலீஸ் நிலையத்தில் புகார் செய்து உள்ளனர்.
4. இன்பெக்டர் அளித்த புகாரின் பேரில் முன்னாள் போலீஸ் கமிஷனா் பரம்பீர் சிங் மீது வழக்குப்பதிவு
இன்ஸ்பெக்டர் அளித்த புகாரின் போில் முன்னாள் போலீஸ் கமிஷனர் பரம்பீர் சிங் மீது வழக்குப்பதிவு செய்யப்பட்டுள்ளது.
5. டெலிபோன் ஒட்டுகேட்பு வழக்கு; ஐ.பி.எஸ். பெண் அதிகாரி ராஷ்மி சுக்லாவுக்கு மீண்டும் சம்மன்; 3-ந் தேதிக்குள் நேரில் ஆஜராக உத்தரவு
ஐ.பி.எஸ். பெண் அதிகாரி ராஷ்மி சுக்லாவிற்கு மீண்டும் மும்பை போலீசார் சம்மன் அனுப்பி உள்ளனர்.

அதிகம் வாசிக்கப்பட்டவை