மாவட்ட செய்திகள்

ஜேப்படி திருடன்போல ஏழை மக்களின் கவனத்தை திசைதிருப்புகிறார்; மோடி மீது ராகுல் காந்தி கடும் தாக்கு + "||" + Distracting the attention of the poor; Rahul Gandhi attacks Modi

ஜேப்படி திருடன்போல ஏழை மக்களின் கவனத்தை திசைதிருப்புகிறார்; மோடி மீது ராகுல் காந்தி கடும் தாக்கு

ஜேப்படி திருடன்போல ஏழை மக்களின் கவனத்தை திசைதிருப்புகிறார்; மோடி மீது ராகுல் காந்தி கடும் தாக்கு
ஜேப்படி திருடன்போல பிரதமர் மோடி ஏழை மக்களின் கவனத்தை திசைதிருப்புகிறார் என்று தேர்தல் பிரசாரத்தில் ராகுல் காந்தி கடுமையாக தாக்கி பேசினார்.
யவத்மால், 

காங்கிரஸ் தலைவர் ராகுல் காந்தி மராட்டிய மாநிலம் யவத்மால் மாவட்டத்தில் தேர்தல் பிரசாரத்தில் ஈடுபட்டார். அப்போது அவர் கூறியதாவது:-

நாட்டின் பொருளாதார வளர்ச்சிக்கு அம்பானியோ, அதானியோ காரணம் இல்லை. விவசாயிகள், சிறு வியாபாரிகள், தொழிலாளர்கள் போன்ற ஏழை மக்கள் தான் காரணம். ஏழை மக்களுக்கு பணம் கிடைத்தால் அவர்கள் பொருட்கள் வாங்க தொடங்குவார்கள். தேவை அதிகரிக்கும், உற்பத்தி அதிகரிக்கும்.

ஏழை மக்களுக்கு ஆண்டுக்கு குறைந்தபட்சம் ரூ.72 ஆயிரம் வருமானம் வழங்கும் காங்கிரசின் திட்டம் பொருளாதார வளர்ச்சியை ஊக்குவிக்கும். அடுத்த 6 மாதங்களில் வேலை இல்லாத இளைஞர்களின் எண்ணிக்கை இரண்டு மடங்காக உயரும். மோடி அரசு ஆட்சி அதிகாரத்தில் இருக்கும்வரை வேலையில்லா திண்டாட்டத்துக்கு தீர்வுகாண முடியாது.

பணமதிப்பு இழப்பு, ஜி.எஸ்.டி. போன்ற நடவடிக்கைகளால் ஏழை மக்கள் பெரிதும் பாதிக்கப்பட்டுள்ளனர். சமீபத்தில் நான் குஜராத் சென்றபோது சிறு, நடுத்தர வர்த்தகர்கள் பணமதிப்பு இழப்பு மற்றும் ஜி.எஸ்.டி. நடவடிக்கையால் தங்கள் வியாபாரம் முற்றிலும் அழிந்து விட்டதாக கூறினார்கள்.

அந்த வர்த்தகர்கள் ஜி.எஸ்.டி. செலுத்திய பின்னர் அதிகாரிகளுக்கு ஆண்டு முழுவதும் லஞ்ச வரி செலுத்த வேண்டியுள்ளது. இந்த சூழ்நிலை நாடு முழுவதும் உள்ளது.

மக்களின் கவனத்தை திசைதிருப்பி அவர்களது பணத்தை ஜேப்படி திருடர்கள் திருடுவார்கள். அதேபோல மோடியின் ஒரே வேலை உங்களது கவனத்தை திசைதிருப்பி உங்கள் பணத்தை சில குறிப்பிட்ட தொழில் அதிபர்களுக்கு மாற்றிவிடுவதுதான்.

மகாத்மா காந்தி ஊரக வேலை உறுதி திட்டத்திற்கான ஆண்டு ஒதுக்கீடு ரூ.35 ஆயிரம் கோடி. ஆனால் மோடி அரசு ரூ.1.25 லட்சம் கோடிக்கு கம்பெனிகள் வரியை ஒரே நாளில் தள்ளுபடி செய்துள்ளது. ராணுவ மந்திரி ராஜ்நாத் சிங் ரபேல் போர் விமானத்துக்கு பூஜை செய்துள்ளார். ஆனால் ரூ.35 ஆயிரம் கோடி இந்த விமான ஒப்பந்தத்தில் திருடப்பட்டுள்ளது.

மராட்டிய மாநிலத்துக்கு இதுபோன்ற பிரச்சினைகளில் இருந்து விடுபடுவதற்கு ஒரு வாய்ப்பு கிடைத்துள்ளது. இந்த பிரச்சினைகளுக்கு தீர்வுகாண காங்கிரஸ்-தேசியவாத காங்கிரஸ் அரசை தேர்ந்தெடுங்கள். தேர்தலுக்கு பின்னர் மராட்டியத்தில் புதிய அரசு அமையும். அந்த அரசு ஏழைகள், விவசாயிகள், சிறு, நடுத்தர வர்த்தகர்களுக்காக பாடுபடும்.

இவ்வாறு ராகுல் காந்தி கூறினார்.

தொடர்புடைய செய்திகள்

1. லடாக் மோதலை அரசியல் ஆக்கக்கூடாது; சரத்பவார் கருத்து
லடாக் மோதலை அரசியல் ஆக்கக்கூடாது என தேசியவாத காங்கிரஸ் தலைவர் சரத்பவார் கூறியுள்ளார்.
2. கொரோனா பரவலை தடுக்க மத்திய அரசிடம் எந்த திட்டமும் இல்லை -ராகுல் காந்தி குற்றச்சாட்டு
கொரோனா பரவலைக் கட்டுப்படுத்த மத்திய அரசிடம் எந்த திட்டமும் இல்லை என்று ராகுல் காந்தி குற்றம் சாட்டினார்.
3. இரு நாட்டு மோதலுக்கு மத்தியில் பிரதமர் மோடியை சீனா புகழ்வது ஏன்? ராகுல் காந்தி கேள்வி
இருநாட்டு மோதலுக்கு மத்தியில் பிரதமர் மோடியை சீனா புகழ்வது ஏன்? என்று காங்கிரஸ் எம்.பி ராகுல் காந்தி கேள்வி எழுப்பியுள்ளார்.
4. லடாக் விவகாரம் பற்றிய பிரதமர் கருத்து:ராகுல் காந்தி-அமித்ஷா மோதல்
லடாக் விவகாரம் பற்றி பிரதமர் மோடி தெரிவித்த கருத்து தொடர்பாக காங்கிரஸ் தலைவர் ராகுல் காந்திக்கும், உள்துறை மந்திரி அமித்ஷாவுக்கும் இடையே மோதல் ஏற்பட்டு உள்ளது.
5. இந்தியா - சீன எல்லை விவகாரத்தில் மத்திய அரசு அமைதி காக்கிறது - ராகுல் காந்தி
இந்தியா - சீன எல்லை விவகாரத்தில் மத்திய அரசு அமைதி காக்கிறது என ராகுல் காந்தி குற்றாம்சாட்டி உள்ளார்.