தேசிய செய்திகள்

அரியானாவில் வாகன சோதனையில் காரில் இருந்து ரூ.1.33 கோடி பறிமுதல் + "||" + Haryana: Police seize over Rs 1.33 crore cash from a car in Gurugram

அரியானாவில் வாகன சோதனையில் காரில் இருந்து ரூ.1.33 கோடி பறிமுதல்

அரியானாவில் வாகன சோதனையில் காரில் இருந்து ரூ.1.33 கோடி பறிமுதல்
அரியானாவில் சட்டமன்ற தேர்தலை முன்னிட்டு நடந்த வாகன சோதனையில் காரில் இருந்து ரூ.1.33 கோடி பறிமுதல் செய்யப்பட்டு உள்ளது.
சண்டிகர்,

90 தொகுதிகளை கொண்ட அரியானா சட்டமன்றத்திற்கான தேர்தல் நாளை நடைபெற உள்ளது.  வரும் 24ந்தேதி வாக்கு எண்ணிக்கையும் நடைபெற உள்ளது.  தேர்தலை முன்னிட்டு தேர்தல் நடத்தை விதிகள் அமலில் உள்ளன.

அரியானாவில் தேர்தல் பிரசாரத்திற்கான இறுதி நாளான நேற்று வேட்பாளர்களை ஆதரித்து அரசியல் கட்சியினர் இறுதிகட்ட தேர்தல் பிரசாரம் மேற்கொண்டனர்.  அங்கு ஆளும் கட்சியான பா.ஜனதாவுக்கும், காங்கிரசுக்கும் இடையே கடும் போட்டி நிலவுகிறது.

இதனிடையே, குருகிராம் பகுதியில் வாகன சோதனையில் ஈடுபட்டு இருந்த அதிகாரிகள் கார் ஒன்றை தடுத்து நிறுத்தினர்.  அதில் நடத்திய சோதனையில் ரூ.1.33 கோடி பணம் இருந்தது கண்டுபிடிக்கப்பட்டது.  அவற்றை காவல் துறை அதிகாரிகள் பறிமுதல் செய்தனர்.  தேர்தல் நடத்தை விதிகள் அமலில் உள்ள நிலையில், இதுவே போலீசாரால் கைப்பற்றப்பட்ட மிக பெரிய தொகையாகும்.

அரியானாவில் இதுவரை வருமான வரி துறை, காவல் துறை மற்றும் கலால் துறை அதிகாரிகள் மேற்கொண்ட சோதனையில் மதுபானம், போதை பொருட்கள் மற்றும் ரூ.23 கோடியே 52 லட்சத்து 13 ஆயிரத்து 408 மதிப்பிலான சட்டவிரோத பணம் ஆகியவை கைப்பற்றப்பட்டு உள்ளன என இணை தலைமை தேர்தல் அதிகாரி இந்தர் ஜீத் தெரிவித்து உள்ளார்.

தொடர்புடைய செய்திகள்

1. திருச்சியில் இருந்து புதுக்கோட்டைக்கு காரில் கடத்தப்பட்ட 19 கஞ்சா பண்டல்கள்- ரூ.90 ஆயிரம் பறிமுதல்
திருச்சியில் இருந்து புதுக்கோட்டைக்கு காரில் கடத்தி வரப்பட்ட 19 கஞ்சா பண்டல்கள், ரூ.90 ஆயிரத்தை போலீசார் பறிமுதல் செய்து, சிக்கிய ஒருவரிடம் விசாரணை நடத்தி வருகின்றனர்.
2. பட்டுக்கோட்டையில் 2 மினி லாரிகளுடன், 5 டன் ரேஷன் அரிசி பறிமுதல் வியாபாரி கைது
பட்டுக்கோட்டையில், 2 மினி லாரிகளுடன், 5 டன் ரேஷன் அரிசி பறிமுதல் செய்யப்பட்டது. இது தொடர்பாக வியாபாரி கைது செய்யப்பட்டார்.
3. கிருஷ்ணகிரி வழியாக சேலத்திற்கு மினி லாரியில் கடத்திய ரூ.6 லட்சம் குட்கா பறிமுதல்
கர்நாடக மாநிலத்தில் இருந்து கிருஷ்ணகிரி வழியாக சேலத்திற்கு காய்கறி ஏற்றி சென்ற மினிலாரியில் கடத்திய ரூ.6 லட்சம் குட்காவை போலீசார் பறிமுதல் செய்தனர்.
4. சேலத்தில் 400 கிலோ ரேஷன் அரிசி பறிமுதல்: மாவு மில் தொழிலாளி கைது
சேலத்தில் 400 கிலோ ரேஷன் அரிசியை அதிகாரிகள் பறிமுதல் செய்தனர். மேலும் இது தொடர்பாக மாவு மில் தொழிலாளி கைது செய்யப்பட்டுள்ளார்.
5. மோட்டார் சைக்கிளை போலீசார் பறிமுதல் செய்ததால் தடுப்பு கம்பியை தலையால் முட்டித்தள்ளிய வாலிபர்
தேனியில் மோட்டார் சைக்கிளை போலீசார் பறிமுதல் செய்த விரக்தியில், சாலையில் வைக்கப்பட்டு இருந்த இரும்பு தடுப்பு கம்பியை வாலிபர் ஒருவர் தலையால் முட்டித் தள்ளினார். இந்த சம்பவம் சமூக வலைத்தளத்தில் வைரலாகி வருகிறது.